addresiya
Kigali
startimes

RDC: Habonetse abarwayi benshi ba Coronavirus ku munsi umwe

Amakuru   Yanditswe na: Dusingizimana Remy 6 May 2020 Yasuwe: 2808

Minisiteri y’ubuzima muri DR Congo uyu munsi kuwa gatatu yatangaje ko mu bipimo by’umunsi umwe w’ejo habonetse abantu 92 banduye coronavirus, nibo benshi babonetse ku munsi umwe muri iki gihugu kuva iyi ndwara yahagera.



Muri abo, 69 babonetse mu murwa mukuru Kinshasa, 23 baboneka mu ntara ya Kongo Central bihana imbibi.

Kuva tariki 10 z’ukwezi kwa gatatu Covid-19 igeze muri DR Congo kugeza ubu, hamaze kuboneka abantu 797 banduye coronavirus, 35 yishe na 92 bayikize.

Imfungwa 104 zo muri gereza ya gisirikare ya Ndolo iri i Kinshasa bamaze kuzibonamo iyi ndwara. Minisiteri y’ubuzima ivuga ko abo bashyizwe mu kato ndetse gereza igaterwa imiti ya ’disinfectant’.

Umunyamakuru wa BBC i Kinshasa avuga ko ejo kuwa kabiri, minisitiri w’ubuzima Eteni Longondo yabwiye abanyamakuru ko nubwo imibare iri kuzamuka ibintu bitameze nabi.

Yavuze ko leta iri kureba uburyo yakongera gufungura amashuri, nubwo atavuze itariki bizabera.

Abamaze kwandura coronavirus mu karere nk’uko bivugwa na ministeri z’ubuzima muri ibi bihugu:

DR Congo - 797 (92 bashya ejo kuwa mbere)
Kenya - 535 (45 bashya ejo kuwa kabiri)
Tanzania - 480 (nta mibare mishya kuva kuwa kane)
Rwanda - 261 (nta wanduye wabonetse ejo)
Uganda - 98 (ejo habonetse 1 mushya)
Sudani y’Epfo - 52 (nta mibare mishya kuva kuwa mbere)
Burundi - 19 (nta mibare mishya kuva ku gatandatu)

Ku munsi w’ejo tariki ya 05 Gicurasi 2020,Minisiteri y’ubuzima muri Repubulika iharanira demokarasi ya Kongo yemeje ko hari imfungwa 101 zanduye COVID-19 muri Gereza ya gisirikari ya N’dolo yaherukaga kugaragaramo abantu 43 banduye iki cyorezo.

Muri abo uko ari 101, batatu ni bo bonyine bajyanwe mu bitaro byo hanze ya gereza ngo bitabweho ,abandi batatu bashyirwa mu kato muri gereza bafungiwemo mu gihe abasigaye bose badafite ibimenyetso bikomeye bigaragaza uburemere bw’iyi ndwara.

Kuwa 30 Mata 2020,nibwo iyi Gereza ya gisirikare ya N’dolo muri Repubulika Iharanira Demokarasi ya Congo (RDC), yatangaje ko imfungwa 43 zemejwe ko zanduye icyorezo cya coronavirus.

Prof. Steve Ahuka ukuriye ibikorwa by’ubutabazi muri RDC, yavuze ko hari kurebwa uburyo bwo guhagarika ubwandu muri iyo gereza iri mu murwa mukuru Kinshasa, aho abayobozi ba gereza n’abo mu rwego rw’ubuvuzi bari gukumira ko izindi mfungwa zakwandura.

Prof. Ahuka wasuye iyi gereza kuwa 01 Gicurasi 2020, yagize ati “Turi gutekereza ku gushyira amahema mu mbuga ya gereza mu rwego rwo kwita ku bantu banduye ndetse no guhumanura [gutera imiti yica virusi] ahantu handuye”.

Yanavuze ko hakomeje gukorwa iperereza ngo harebwe niba hari abandi banduye.
Kugeza ubu muri iki gihugu abamaze kwandura iyi ndwara ni 682 mu gihe imaze kwica abagera kuri 34.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musenyeri yanenze bikomeye Perezida Trump wasuzuguye Kiliziya...

Musenyeri mukuru wa Kiliziya Gatolika i Washington yanenze bikomeye...
3 June 2020 Yasuwe: 585 0

Sudani y’Epfo: Minisitiri ushinzwe iby’umuryango wa Afurika y’Iburasirazuba...

Abategetsi muri iki gihugu bavuga ko Minisitiri John Luk Jok yapfuye mu...
2 June 2020 Yasuwe: 2624 0

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1493 0

Perezida Museveni yasubitse Ifungurwa ry’amashuri kubera Coronavirus

Perezida Yoweri Museveni wa Uganda yasubitseho ukundi kwezi gahunda yo...
2 June 2020 Yasuwe: 1464 0

DR Congo: Ebola yahitanye abantu bane mu gace kitwa Mbandaka

Hemejwe ko habonetse abantu bashya banduye indwara ya Ebola muri Repubulika...
2 June 2020 Yasuwe: 310 0

Afurika y’Epfo: Ibyishimo byarenze abakunzi b’agasembuye baraye ijoro...

Imirongo miremire yabonetse imbere y’inzu zicuruza inzoga muri Afurika...
1 June 2020 Yasuwe: 2249 0