addresiya
Kigali
startimes

Tanzania yabaye igihugu cya mbere gifite abarwayi benshi ba COVID-19 kurusha ibindi muri EAC ...Bageze kuri 480

Amakuru   Yanditswe na: Dusingizimana Remy 29 April 2020 Yasuwe: 4236

Tanzania ubu nicyo gihugu gifite abantu benshi banduye coronavirus muri aka karere, ni nyuma y’uko uyu munsi hatangajwe abantu bashya 196 banduye iyi ndwara.



Aba 196 barimo 22 bari batangajwe mbere na Zanzibar.

Abanduye coronavirus muri Tanzania na Zanzibar bose hamwe ubu bamaze kuba 480.

Minisitiri w’intebe Kasim Majaliwa yabwiye abanyamakuru ko umubare w’abamaze kwicwa n’iyi ndwara wiyongereyeho abantu batandatu bakaba bose hawe 16.

Bwana Majaliwa ariko yanavuze inkuru nziza ko abamaze gukira nabo biyongereyeho 48 bakagera kuri 167.

Uko abanduye bahaze mu karere:

Tanzania: 480
Kenya: 384
Rwanda: 212
Uganda: 79
Sudani y’Epfo: 34
Burundi: 14

Umurwa mukuru w’ubucuruzi wa Dar es Salaam niwo urimo umubare munini w’abanduye Covid-19 muri Tanzania.

Ku bakomeje gusaba ko uyu mujyi, ubamo abantu miliyoni esheshatu, wafungwa ubuzima busanzwe bugahagarikwa, Perezida Magufuli yavuze ko ibyo bidashoboka.

Yagize ati: "…Ibyo ntibishoboka. Dar es Salaam niho hantu honyine hava imisoro y’igihugu cyacu…Hejuru ya 80% y’iyo misoro iva Dar es Salaam".

Mu mpera za Werurwe 2020,Perezida Magufuli yagiye mu misa muri kiliziya ya Mutagatifu Paulo mu mujyi wa Dodoma asaba Abatanzaniya kutagira ubwoba ndetse ababwira ko atafunga insengero n’imisigiti kuko ariho hari umuti wa Covid-19.

Magufuli yagize ati: "Ntidutinye kujya gushima no gusenga Imana buri wese mu kwemera kwe, niyo mpamvu nka leta tutafunze aho gusengera mu misigiti cyangwa amakanisa kuko tuzi neza ko aho mu misigiti no mu makanisa ariho hari umuti w’ukuri.

"Aho niho hari Imana, niyo mpamvu nanjye kuza hano ntabitinye, corona uwo ni shitani ntabwo ashobora kwicara mu mubiri wa Yesu azaba yamaze gupfira aho kure".

OMS yarababuriye

Imibare y’abanduye iri kuzamuka muri Tanzania nyuma y’uko ishami ry’umuryango w’abibumbye ryita ku buzima OMS/WHO ryaburiye leta kubera kudafata ingamba kare mu kwirinda iki cyorezo.

Tariki 24/04/2020 Madamu Matshidiso Moeti uyobora OMS muri Tanzania yavuze ko bafite ubwoba bwinshi ko imibare y’abanduye coronavirus iziyongera muri iki gihugu.

Dr Moeti yabwiye abanyamakuru ati: "Tubona neza ko kubuza abantu guhura ari benshi no guhagarika ibikorwa bihuriramo abantu benshi byatinze, dutekereza ko ibi aribyo biri gutuma tubona imibare yiyogera".

Mu minsi ishize, leta ya Tanzania yatangaje iminsi itatu yo gusengera iyi ndwara ngo irangire.

Gusa ntiyabujije abantu guhurira mu nsengero, mu gihe guhura kw’abantu benshi bivugwa n’abahanga nk’inzira yo kwihuta kw’iki cyorezo.

Ingamba Tanzania yamaze gufata ni izihe?

Nubwo leta ya Tanzania itafashe ingamba zikomeye nk’izo mu bihugu bituranyi nka Uganda n’u Rwanda, hari ingamba zimwe yafashe mu bihe bishize zo kwirinda;

Amashuri yose yarahagaritswe

Ibitaramo bya muzika, imikino, n’ibiterane by’abantu benshi cyane bya politiki byarahagaritswe.

Imodoka zitwara abantu muri rusange zibujijwe kuzuza abagenzi kandi abarimo bose bagomba kuba bicaye.

Indege zitwara abagenzi zabujijwe kugwa muri Tanzania

Kuva kuwa mbere w’icyumweru gishize abantu bose bagiye mukazi bategekwa kwambara udupfukamunwa bari ahari abandi.

Inzu zose z’uburiro muri Dar es Salaam zategetswe guha abantu ibiribwa bakabitwara ntibabirire muri izi nzu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 658 0

Intare ebyiri zateraniye umugore ushinzwe kurinda icyanya zibamo...

Mu gihugu cya Australia haravugwa inkuru ibabaje y’umurinzi w’icyanya kibamo...
30 May 2020 Yasuwe: 4432 0

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 667 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5962 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2867 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 3048 0