Kigali

Umugabo wafatwaga nk’ufite uburwayi bwo mu mutwe yishwe n’icyogajuru yikoreye

Amakuru   Yanditswe na: Dusingizimana Remy 24 February 2020 Yasuwe: 4207

Umunyamerika wafatwaga nk’ufite uburwayi bwo mu mutwe yapfuye ubwo yageragezaga gutwara icyogajuru yakoze, mu ntara ya California.



Mike Hughes w’imyaka 64, abantu bafataga "nk’umusazi", yatwaye iki cyogajuru cye kuwa Gatandatu w’icyumweru gishize, hashize umwanya kigeze mu kirere gihita gihanuka kiramuhitana.

Amashusho yashyizwe ku mbuga nkoranyambaga yerekanye iki cyogajuru kigurutse,nyuma y’akanya gato kigwa hasi hafi y’aho cyagurukiye.

Uyu mugabo Hughes yari azwi cyane nk’umuntu urwanya abavuga ko isi ari umubumbe, kuko we yemeraga ko Isi iringaniye. Ibyo kuguruka mu kirere yabikoze ashaka kwerekana ko ibyo yemera ari ukuri.



Abifashijwemo na mugenzi we Waldo Stakes, Hughes yashaka kugera ku burebure bwa metero 1525 mu kirere nk’uko bitangazwa n’ikinyamakuru Space.com kivuga ibijyanye n’ikirere.

Muri aya mashusho agaragaza iki cyogajuru kiguruka yashyizwe ku rubuga rwa Twitter , umutaka wagaragaye inyuma yacyo,byerekana ko wafungutse hakiri kare nyuma y’amasegonda make.

Televiziyo ya Science Channel yo muri Amerika yavuze ko Hughes yapfuye arimo gukurikirana inzozi ze.



Darren Shuster wahoze ahagarariye Hughes,yabwiye televiziyo TMZ ko uyu mugabo yari "ameze ukuntu".

Ati: "Igihe Imana yaremaga Mike, iforoma ishobora kuba yaramenetse. Yari umuntu umeze ukwe. Nta kindi cyari kimurindiriye kitari iki! Imana imwakire".

Uyu mugabo wari usanzwe aba mu karere ka Apple Valley, yaravuzwe cyane igihe yavugaga ko ashaka kwerekana ko isi atari umubumbe.

Muri Werurwe umwaka ushize, Hughes yashoboye kugurutsa icyogajuru agera kuri metero 570 mu kirere kandi asubira hasi neza. Icyo gihe yarishimye, abona ko byose bishoboka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Habonetse abarwayi babiri ba Coronavirus ku nshuro ya...

Mu gihugu cy’u Burundi,hagaragaye abarwayi ba mbere babiri ba Coronavirus...
31 March 2020 Yasuwe: 2674 0

Imbwa iri kugemurira ibyokurya abaturanyi bayo kugira ngo batava mu rugo...

Imbwa yitwa Sundance [Sunny] yakoze benshi ku mutima kubera igikorwa...
31 March 2020 Yasuwe: 3330 0

Umugabo yashyinguwe mu modoka ya Mercedes Benz yiguriye nk’isanduku...

Umugabo witwa Tshekedi Pitso wari umuyobozi w’agace kitwa Jozanashoek mu...
31 March 2020 Yasuwe: 5130 0

Hakozwe ubushakashatsi bw’uko ibihugu birutanwa mu kugira abantu bazi gusoma...

Urubuga rwa Interineti rwa worldpopulationreview.com rwashyize hanze...
31 March 2020 Yasuwe: 2669 0

Jacques Joaquim Yhombi-Opango wayoboye Congo Brazzaville yahitanywe na...

Jacques Joaquim Yhombi-Opango wigeze kuba Perezida wa Repubulika ya Congo...
31 March 2020 Yasuwe: 1540 0

Tanzania: Umuntu wa mbere yishwe na Coronavirus

Minisiteri y’ubuzima muri Tanzania yatangaje ko umuntu wa mbere muri iki...
31 March 2020 Yasuwe: 2389 0