addresiya
Kigali
startimes

Umuti uvura Coronavirus wamuritswe na perezida Rajoelina wateje impaka ndende

Amakuru   Yanditswe na: Dusingizimana Remy 23 April 2020 Yasuwe: 3587

Igihugu cya Madagascar kivuga ko cyavumbuye umuti uvura coronavirus ariko OMS yo ivuga ko kugeza ubu "nta cyemezo na kimwe" cyerekana ko uwo muti ushobora "kurinda no kuvura" coronavirus.



Ku wa mbere tariki ya 20 Mata 2020, umukuru w’gihugu, Andry Rajoelina, yatangaje umuti avuga ko ushobora kurinda no kuvura coronavirus.

Perezida ubwe yanyoye uwo muti ukozwe mu bimera imbere y’abantu, anatangaza ko mu minsi mike uzaboneka mu gihugu cyose kugira ngo uvure coronavirus.

Nubwo perezida yawutangaje ku mugaragaro, umuryango mpuzamahanga ushinzwe ubuzima ku isi, OMS/WHO uvuga ko nta bushakashatsi bwakozwe n’abahanga kugira ngo bemeze niba koko uwo muti wa Madagascar uvugwa ko uvura Covid-19 ukora by’ukuri.

Ikigo cy’igihugu gishinzwe ubuvuzi muri Madagascar(ANAMEM) gifite amakenga kuri uwo muti wakozwe n’ikigo cy’igihugu gishinzwe ubushakashatsi (IMRA).

Ikigo NAMEM kivuga ko uwo muti [Covid-Organics] ushobora kuzagira ingaruka mbi ku buzima bw’abazawunywa kuko nta "bushakashatsi bwimbitse bwakozwe kugira ngo buwemeze ".

Uyu muti witwa Covid-Organics uhabwa ku buntu abakene muri Madagascar.

Ese Covid-Organics ni iki?

Uyu muti ukozwe mu gihingwa cyitwa artémisia giterwa kugira ngo gikurwemo umuti uvura malaria mu bindi bimera byo muri Madagascar.

Uri kugurishwa mu macupa nk’icyayi (tisane) nyuma y’aho bawugeragereje ku bantu batagera kuri 20 mu gihe kingana n’ibyumweru 3, nk’uko umukuru w’ibiro bya Perezida, Lova Hasinirina Ranoromaro, yabibwiye BBC.

Ubwo Covid-Organics yatangazwaga ku wa mbere, Perezida Rajoelina yavuze ati; "Uyu muti warageragejwe.Hari abantu babiri bari barwaye barawunywa, ubu barakize".

"Uyu muti wo kunywa nk’icyayi uvura mu minsi irindwi gusa".

Andry Rajoelina yasabye abaturage ko banywa uwo muti mu rwego rwo kwikingira.
Ari imbere y’abaserukira ibihugu byabo Madagascar n’abandi banyacyubahiro yakomeje ati: "Abanyeshuri bagomba kuwunywa….gake gake umunsi wose".

Anyuze kuri Twitter,Perezida Rajoelina avuga ko yanabonye ubutumwa bwo kumushimira buvuye kwa mugenzi we wa Republika Iharanira Demokarasi ya Congo, Félix Tshisekedi "kuri uwo muti wa Covid-Organics".

Dr Charles Andrianjara uyoboye ikigo IMRA, avugako Covid-Organics yakoreshwa mu buryo bwo kwikingira.

Hagati aho, arashidikanya ku ikoreshwa ry’uwo muti mu kuvura iyo ndwara, akavuga ariko ko ubushakashatsi bw’abaganga bwerekana ko "uwo muti usa n’uwashobora gukiza iyo ndwara", nk’uko bivugwa n’ibiro ntaramakuru AFP risubiramo amagambo ye.

Madagascar yatangaje ko abantu bagera ku 121 ari bo bamaze kwandura coronavirus, ariko ko nta n’umwe irahitana.

Nta kwihuta

Nyuma y’itangizwa ry’ikoreshwa rya Covid-Organics, OMS yasohoye itangazo rivuga ko kugeza kuri iyi saha "nta cyemezo na kimwe" cyerekana ko uwo muti wakorewe muri Madagascar ushobora "kurinds cyangwa gukiza" coronavirus.

Uyu muryango urashingira cyane ku ijambo washyikirijwe n’umukuru wawo, Tedros Adhanom Ghebreyesus, aho avuga ko "nta nzira ya hafi" iriho mu ntambara na coronavirus.

Yongera ko hari ibikorwa by’igerageza birimo birakorwa ku isi muri gahunda yo kubona umuti nyawo.

Madamu Ranoromaro, ukuriye ibiro bya perezida wa Madagascar, avuga ko umukuru w’igihugu Rajoelina yari azi neza ko OMS igomba kubahiriza amategeko ayigenga,kuko iki gihugu cyatangaje uwo muti mu bwigenge bwacyo.

Ati: "Ni inshingano ze kwita ku baturage ba Madagascar".

Umwarimu wa kaminuza, Brian Klaas, akaba n’umuhanga ku bibazo bya Madagascar muri kaminuza cya Londres, abona ko ibivugwa na Perezida Rajoelina bishobora guteza akaga ku baturage.

Yabwiye ikiganiro Newsday cya BBC ati: "Ni ingorane kubera ibintu bibiri .Icya mbere ni uko abantu bazanywa Covid-Organics mu gihe bidakenewe".

Icya kabiri, ibyo bizatuma abantu birara ko bakomeye, batangire kwitwara uko bidakwiriye, ibyo nabyo bikazatuma bagira ingorane nyinshi cyane,banazitere na bagenzi babo".

Avuga ko mu gihe iyi ndwara yakwira cyane mu gihugu, abantu bashobora "gupfa umusubirizo" kubera ubuvuzi muri icyo gihugu budakomeye, kuko igihugu ubu gifite za mashini zifasha abarwayi guhumeka 6 gusa, ku bantu bangana na miliyoni 27.

Muri Werurwe, ikigo mpuzamahanga cyita ku buzima gifi cyanenze ikoreshwa ry’ibyo abantu bibaza ko ari imiti ivura coronavirus, cyane cyane ikozwe mu biti,aho cyavuze ko inzira nyayo yo kwirinda kurwara Coronavirus ari ukwirinda kuyandura.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hashyizwe ahagaragara impamvu nyamukuru yateye urupfu rwa wa mwirabura...

Nyuma y’imyigaragambyo n’uburakari bukabije byatewe n’urupfu rwa George Floyd,...
4 June 2020 Yasuwe: 15647 4

Abamaze guhitanwa na Coronavirus mu Bwongereza bamaze kurenga...

Igihugu cy’u Bwongereza, kimwe mu bihugu byibasiwe cyane n’icyorezo cya...
4 June 2020 Yasuwe: 199 0

Umurundikazi wari uhagarariye OMS muri Guinée équatoriale yirukanwe...

Leta ya Guinée équatoriale yategetse uhagarariye ishami ry’umuryango...
3 June 2020 Yasuwe: 2945 0

Musenyeri yanenze bikomeye Perezida Trump wasuzuguye Kiliziya...

Musenyeri mukuru wa Kiliziya Gatolika i Washington yanenze bikomeye...
3 June 2020 Yasuwe: 1382 0

Sudani y’Epfo: Minisitiri ushinzwe iby’umuryango wa Afurika y’Iburasirazuba...

Abategetsi muri iki gihugu bavuga ko Minisitiri John Luk Jok yapfuye mu...
2 June 2020 Yasuwe: 2774 0

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1584 0