addresiya
Kigali
startimes

USA: Umugore yanduje Coronavirus atabishaka abana be 17

Amakuru   Yanditswe na: Dusingizimana Remy 18 April 2020 Yasuwe: 3432

Umugore witwa Brittany Jencik ukomoka ahitwa Penfield mu mujyi wa New York yanduje atabishaka icyorezo cya covid-19 abana be 17 kubera ko yanduye iyi ndwara ntabimenye kubera ko nta bimenyetso yagaragazaga.



Uyu mugore yavuze ko yamenye ko yanduye Coronavirus akererewe birangira amenye ko n’aba bana be 17 yabanduje iki cyorezo kimaze guhitana abantu benshi ku isi.

Uyu mugore yavuze ko yanduje Coronavirus aba bana be 17 mu byumweru 5 bishize nyuma yo kwandura iyi ndwara ntahite agaragaza ibimenyetso.

Ubwo Jencik yarwaraga Covid-19 akaremba,abana be biganjemo abo yakuye hanze akabarera,bahise bapimwa vuba na bwangu basangwa baranduye iki cyorezo.
Uyu mugore yavuze ko Covid-19 ari nka “gari ya moshi yacitse feri ikagonga umuryango we”.

Yagize ati “Byari biteye ubwoba.Namenye ubu burwayi mbere yabo bose.Nagize ubwoba bw’ubuzima bwanjye kurusha ikindi gihe cyose.”

Uyu mubyeyi w’abana 18 yavuze ko atazi neza aho yanduriye iki cyorezo ati “Natekereje ko njyewe ariko bizagenda.

Uyu mugore yavuze ko ari mu nzira zo gukira iki cyorezo kimaze guhitana abanyamerika ibihumbi 30.

Abagize umuryango wa Jencik banduye iki cyorezo bashyizwe ahantu ha bonyine ndetse banahabwa ubuvuzi bwiza ariyo mpamvu uyu mugore yabwiye The Sun ko bari hafi gukira.

Uyu mugore yahise ahamagara ikipe yo gutera imiti yica iyi virus mu nzu ye kugira ngo akomeze kurinda umuryango we cyane ko idahita ipfa iyo amatembabuzi y’umuntu uyanduye aguye ahantu runaka.

Leta Zunze Ubumwe za Amerika yongeye gupfusha abantu 2535 umunsi umwe gusa kuri uyu wa 17 Mata 2020.

Ibi byatumye abamaze gupfa muri iki gihugu baba 37 175 mu gihe 710 272 bamaze kwandura.

Imibare igaragaza ko abamaze kwandura muri Leta Zunze Ubumwe za Amerika, baruta kure abamaze kwandura mu bihugu biyikurikira birimo Espagne, u Butaliyani, u Bufaransa n’u Budage ubiteranyije.

Kugeza ubu kandi imibare itangazwa na Kaminuza ya John Hopkins University yo muri Leta Zunze Ubumwe za Amerika, ivuga ko abapfuye muri iki gihugu ku wa Kane bashobora kuba ari 4,591, kuko ngo hari n’abapfa ariko imibare yabo ntishyirwe ku bishwe na Coronavirus kuko baba baguye mu ngo.

Ishami ry’Umuryango w’Abibumbye ryita ku Buzima, OMS, ryamaze gutangaza ko abanduye Coronavirus ku Isi bageze ku 2251,815, abamaze gupfa ni 154 311 naho abamaze gukira ni 574 386.

Ibihugu bifite abanduye ndetse n’abapfuye benshi, ku mwanya wa mbere haracyari Leta Zunze Ubumwe za Amerika zifite abanduye 710 272, abamaze gupfa ni 37 175, Espagne ifite abantu 190 839 bamaze kwandura naho 20 002 bamaze gupfa, u Butaliyani bufite abanduye 172 434 mu gihe 22 745 bamaze gupfa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 292 0

Afurika y’Epfo:Perezida Ramaphosa yabwiye inkuru mbi abaturage ku cyorezo...

Perezida wa Afurika y’Epfo yavuze ko icyorezo cya coronavirus muri iki...
25 May 2020 Yasuwe: 3291 1

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1523 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2616 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1450 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1571 0