Burundi: Umusenateri yatawe muri yombi azira gushaka kwicisha agafuni umugore we n’umugabo wabasuye

Amakuru   Yanditswe na: Dusingizimana Remy 8 December 2019 Yasuwe: 2670

Abantu barenga icumi mu Burundi bakomerekejwe n’umusenateri wari wataye umutwe nyuma yo gushaka kugerageza kwica umugore we n’umushyitsi w’umugabo yasanze mu rugo rwe ruri muri karitsiye ya Gatunguru iherereye muri komini Ntahangwa muri zone Kinama.



Ijwi ry’Amerika ryatangaje ko Abarundi babonye uko byagenze,bemeje ko uyu musenateri witwa Gédéon Gahungu yatashye iwe asanga umugore we yicaranye n’umushyitsi w’umugabo mu nzu, ahita afata agafuni kari mu mu modoka ye arakabahondaguza.
.
Hon.Gahungu amaze kubona ko akoze ibara yahise yatsa imodoka arahunga agenda agonga abo bahuye n’icyo ahuye nacyo cyose,aza guhagarara ari uko imodoka ye iguye mu muferege.
.
Umuvigizi wa Minisiteri y’umutekano no kurinda ibiza mu Burundi, Pierre Nkurikiye, yemeje aya makuru, avuga ko mu bakomeretse babiri barembye.

Yagize ati “ Habaye amahano adasanzwe mu mugi wa Bujumbura,yakomerekeje abantu bagera ku icumi barimo 2 barembye.Bose bahise bajyanwa kwa muganga.Uko byagenze, mu ma saa tatu n’iminota 40 z’igitondo,Umusenateri witwa Gedeon Gahungu yakubise umugore we n’umushyitsi wari wabasuye agafuni mu mutwe.Kubera ko afite abana bakuru,bahise bavuza induru bahita bajya gutabara abakubiswe agafuni.Abonye abana be baje gutabara bari kuvuza induru yahise afata imodoka ye arahunga,agenda afite umuvuduko mwinshi.

Ageze mu mugi wa Bujumbura aho bakunze kwita kuri Ave Maria,yahise atangira kugenda agonga abantu n’ibintu kubera ko yari afite umuvuduko mwinshi akeka ko abantu bamukurikiye.Kuva kuri Ave Maria kugera ku muhanda wa 08 wo mu Kampenge,ajya muri kaburimbo,yagiye agonga abantu n’ibintu.Yagonze amamodoka 6,amagare 5,Bajaji 3 na moto 4.Hakomeretse abo bantu 10 harimo 2 barembye cyane.

Abashinzwe umutekano basubije ibintu mu buryo,baramufata bamushyikiriza ubutabera mu gihe abo yakubise agafuni barimo umugore we bajyanwe kwa muganga kandi amagara yabo ntabwo bameze nabi cyane.”



Senateri Gedeon Gahungu ngo yari amaze igihe akeka ko umugore we yaba amuca inyuma ariyo mpamvu akibona uyu mugabo iwe yahise yegura agafuni yari amaranye iminsi agendana mu modoka arakabakubita.Yahunze aziko yabishe ariko ngo ntiyabishe ahubwo yabakomerekeje.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mozambike: Inyeshyamba ziyitirira idini rya Islam zafashe umujyi...

Inyeshyamba ziyitirira idini ya Islam zivuga ko zirwana intambara...
23 March 2020 Yasuwe: 4135 0

Ingabo za US zarashe ku birindiro 5 by’abarwanyi ba Kataib Hezbollah...

Indege z’intambara za Leta zunze ubumwe z’Amerika zateye ibirindiro...
13 March 2020 Yasuwe: 1688 1

Umuhungu wa Perezida Nkurunziza yaciye ibintu kubera imyitozo ikaze yakoze...

Umuhungu wa Perezida w’u Burundi Pierre Nkurunziza witwa Nkurunziza Kelly...
11 March 2020 Yasuwe: 11319 1

Turkia yarashe indege ya gatatu y’igisirikare cya Syria

Abasirikare ba Turukiya bahanuye indege ya 3 y’intambara y’ingabo za Siriya...
4 March 2020 Yasuwe: 2642 1

RDC: Col.Masamba Marc wari ukomeye muri FLN yafashwe mpiri na FARDC...

Umuvugizi wa FARDC,yatangaje ko Col.Masamba Marc wari umwe mu bayobozi ba...
2 March 2020 Yasuwe: 4168 1

Trump yishimiye amasezerano yo kurangiza intambara yari imaze imyaka 18 USA...

Perezida Donald Trump wa Leta Zunze Ubumwe z’Amerika yavuze ko "igihe kigeze...
1 March 2020 Yasuwe: 1856 1