addresiya
startimes

Burundi: Umusenateri wakubise umugore we agafuni n’umugabo wari wamusuye yahawe ibihano birimo no gucibwa ibihumbi 50 FBU

Amakuru   Yanditswe na: Dusingizimana Remy 20 December 2019 Yasuwe: 3349

Umusenateri witwa Gédéon Gahungu wo mu Burundi uheruka gutaha iwe agasanga umugore we yicaranye n’umushyitsi w’umugabo mu nzu, agahita afata agafuni kari mu mu modoka ye akakabahondaguza ntibapfe,yakatiwe igifungo cy’imyaka 2 n’amande y’ibihumbi 50 by’amafaranga y’u Burundi.



Uyu musenateri yamaze gukubitisha agafuni uyu mugore we n’umugabo wari wabasuye,ahita afata imodoka agenda agonga abantu byatumye abagera ku icumi bakomereka bikomeye.

Urukiko rukuru mu Burundi rwasomye urubanza RPS 99 rw’uyu musenateri Hon.Gahungu Gédéon kuwa 19 Ukuboza 2019.Ubushinjacyaha bwamuhamije icyaha cyo gushaka kwica umugore we Kamikazi Pélagie, hamwe n’icyaha cyo kurenza umuvuduko mu gutwara imodoka bigatuma hakomereka abantu 10 n’ibintu bikononekara.

Umuvugizi w’urukiko rw’ikirenga,Agnès Bangiricenge yagize ati "urukiko rwamushinje icyaha cyo gufata bunyamaswa uwo bashakanye (violences domestiques), ihita imuhanisha igifungo cy’imyaka ibiri n’ihazabu y’amafaranga 50.000 Fbu, Ku cyaha cya kabiri yahanishijwe kuriha ihazabu y’amafaranga 50.000 Fbu"

Umuvigizi wa Minisiteri y’umutekano no kurinda ibiza mu Burundi, Pierre Nkurikiye, yabwiye Radio Ijwi ry’Amerika uko uyu mugabo yakoze amahano kuwa 07 Ukuboza 2019.

Yagize ati “ Habaye amahano adasanzwe mu mugi wa Bujumbura,yakomerekeje abantu bagera ku icumi barimo 2 barembye.Bose bahise bajyanwa kwa muganga.Uko byagenze, mu ma saa tatu n’iminota 40 z’igitondo,Umusenateri witwa Gedeon Gahungu yakubise umugore we n’umushyitsi wari wabasuye agafuni mu mutwe.Kubera ko afite abana bakuru,bahise bavuza induru bahita bajya gutabara abakubiswe agafuni.Abonye abana be baje gutabara bari kuvuza induru yahise afata imodoka ye arahunga,agenda afite umuvuduko mwinshi.

Ageze mu mugi wa Bujumbura aho bakunze kwita kuri Ave Maria,yahise atangira kugenda agonga abantu n’ibintu kubera ko yari afite umuvuduko mwinshi akeka ko abantu bamukurikiye.Kuva kuri Ave Maria kugera ku muhanda wa 08 wo mu Kampenge,ajya muri kaburimbo,yagiye agonga abantu n’ibintu.Yagonze amamodoka 6,amagare 5,Bajaji 3 na moto 4.Hakomeretse abo bantu 10 harimo 2 barembye cyane.

Abashinzwe umutekano basubije ibintu mu buryo,baramufata bamushyikiriza ubutabera mu gihe abo yakubise agafuni barimo umugore we bajyanwe kwa muganga kandi amagara yabo ntabwo bameze nabi cyane.”

Senateri Gedeon Gahungu ngo yari amaze igihe akeka ko umugore we yaba amuca inyuma ariyo mpamvu akibona uyu mugabo iwe yahise yegura agafuni yari amaranye iminsi agendana mu modoka arakabakubita.Yahunze aziko yabishe ariko ngo ntiyabishe ahubwo yabakomerekeje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

US:Abatuye imwe mu mijyi babujijwe kujya hanze nijoro kubera imyigaragambyo...

Hashyizweho igihe ntarengwa cyo kuba abantu bidegembya hanze mu mijyi yo...
31 May 2020 Yasuwe: 1239 0

USA:Abigaragambya batwitse station ya polisi ya Minneapolis kubera urupfu...

Mu ijoro rya gatatu ry’imyigaragambyo kubera urupfu rwa George Floyd mu...
29 May 2020 Yasuwe: 1998 0

Twitter yatangiye gutamaza ku karubanda perezida Donald Trump

Bwa mbere na mbere ikigo cy’ikoranabuhanga Twitter kiraburira abantu...
27 May 2020 Yasuwe: 3549 0

Tanzania: Abapolisi bo mu muhanda bazanye inda nini imbere bagiye...

Minisitiri w’ubutegetsi bw’igihugu muri Tanzania,George Simbachewene,yavuze...
25 May 2020 Yasuwe: 2743 1

Umushinwa arashinjwa gukubita umushoferi w’Umunyarwanda bakoranaga muri...

Umusore w’Umunyarwanda uri mu kigero k’imyaka 29 witwa Mahoro Pascal,yavuze...
19 May 2020 Yasuwe: 3978 0

Zimbabwe:Umudepite na bagenzi be bari baraburiwe irengero basanzwe ku...

Umudepite wo mu ishyaka ritavuga rumwe n’ubutegetsi muri Zimbabwe wari...
15 May 2020 Yasuwe: 3041 0