skol
startimes

Inyeshyamba zirwanya ubutegetsi bw’u Burundi ziyemeje kubuhirika ku ngufu

Amakuru   Yanditswe na: Dusingizimana Remy 16 September 2020 Yasuwe: 7149

Inyeshyamba zo mu mutwe wa Red Tabara zatangaje ku mugaragaro ko zigiye kurwanya Leta y’Uburundi zikoresheje ingufu ziboneraho gusaba Abarundi kuwushyigikira.

Mu itangazo uyu mutwe wasohoye, washinje Leta y’Uburundi ko kuva mu mwaka wa 2015 ikomeje " kwica Abarundi ahanini bigakorwa n’urubyiruko rw’imbonerakure".

Red Tabara ivuga ko kugeza uyu munsi imirambo y’abantu bagaragaje ko badashigikiye ubutegetsi bwa CNDD-FDD ikomeje gutorwa hirya no hino, abandi bagafungirwa ubusa bazira kutayoboka leta.

Muri iri tangazo ryashyizweho umukono na Patrick Nahima uwuvugira,uyu mutwe uvuga ko amashyirahamwe aharanira uburenganzira bwa muntu yaba ay’Abarundi cyangwa mpuzamahanga, n’amaradiyo yigenga nta mwanya bagifite mu Burundi.

Uyu mutwe uvuga kandi ko uretse ayo mahano akorerwa abarundi, igihugu kiri mu bukene bukabije ndetse ko biteye isoni kubona igihugu cy’Uburundi aricyo cya mbere gikenye kw’isi ariko kikaba kiyobowe n’abatunzi kabuhariwe.

Kubera ibyo byose, Red Tabara iramenyesha ko yahisemo gufata imbunda kugira ngo itabare abarundi inabasaba kwifatanya nayo mu guhirika ubutegetsi "budakunda abo buyoboye".

Uwo mutwe uvuga ko abarwanyi bawo mbere yo kwinjira mu gisirikare cyabo barahirira ko batazahohotera aba ivile kandi ko bazubahiriza amasezerano mpuzamahanga akingira ikiremwa muntu.

Red Tabara isaba amahanga gushyigikira amahoro mu Burundi ntikomeze kwamagana gusa amahano abera mu Burundi.

Uyu mutwe uherutse kwigamba ibitero byabereye i Bugarama mu ntara ya Rumonge mu majyepfo y’igihugu kuwa 23 Kanama n’ibyabereye i Matongo mu ntara ya Kayanza mu majyaruguru y’igihugu kuwa 11 Nzeri 2020.

Ijwi ry’Amerika dukesha iyi nkuru ryavuze ko ryahamagaye colonel Biyereke uvugira igisirikare cy’Uburundi ariko ntiyabasha kubitaba.

Iki kinyamakuru kivuga ko cyamwandikiye no ku murongo we wa Whatsapp kimubaza niba uwo mutwe wa Red Tabara bawuzi ndetse niba biteguye kuwurwanya ariko ubwo butumwa bwamugezeho ariko ntiyabusubije.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Corporal Ndikumana w’u Burundi na Sergeant Nsabimana w’u Rwanda basezeweho mu...

Ingabo z’u Rwanda n’iz’u Burundi ziri mu butumwa bw’umuryango w’abibumbye bwo...
21 January 2021 Yasuwe: 6664 0

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4147 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6034 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5962 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4455 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0