addresiya
startimes

Uganda: UPDF igiye kwinjiza abasirikare bashya ibihumbi 4000 mu gisirikare mbere y’amatora ya 2021

Amakuru   Yanditswe na: Dusingizimana Remy 8 December 2019 Yasuwe: 2695

Igisirikare cya Uganda UPDF cyemeje ko kigiye kwinjiza mu gisirikare urubyiruko rugera ku 4000 mbere y’uko amatora y’umukuru w’igihugu ateganyijwe muri 2021 akorwa.



Ku munsi w’ejo taliki 07 Ukuboza 2019,Umuvugizi w’igisirikare cya Uganda, Brig. Gen. Richard Karemire yatangaje ko kuva tariki ya 27 kugeza tariki ya 5 Mutarama 2020,UPDF yiyemeje kuzenguruka igihugu cyose ishakisha abasirikare bashya bagera ku bihumbi 4000.

Uganda irashaka gukaza umutekano wayo mbere y’uko aya matora y’umukuru w’igihugu aba ariyo mpamvu izanyura mu duce 35 two hirya no hino ishaka aba basirikare basaga ibihumbi 4000.

Brig. Gen. Richard Karemire yavuze ko nkuko byagenze mu yindi myaka, uyu mwaka UPDF izatoranya abasirikare bahamye, bafite umutima wo gukunda igihugu ndetse biteguye kugikorera mu bihe bitandukanye.

UPDF yavuze ko aba basirikare bashya bazayifasha kuziba icyuho cy’abaherutse kuva mu gisirikare,ndetse ngo barashaka kongeramo abize amasomo ya Science.

Abazinjira mu gisirikare bashyizwe mu byiciro bibiri harimo icyo kuva ku myaka 18 kugeza kuri 25 bazinjiramo bisanzwe. Aba bagomba kuba nibura barageze mu mwaka wa kane w’amashuri yisumbuye, barize amasomo y’ubumenyi (science).

Ikindi kiciro ni icy’abari hagati y’imyaka 18 na 30 bazinjira mu buryo bwa kinyamwuga (professional recruitment). Aba bagomba kuba ari ba ’engineers’, abafite impamyabumenyi mu butabire no mu buvuzi.

Mu minsi ishize,Perezida Museveni yakoze impiduka mu gisirikare, ubwo yahaga Brig. Gen. Charles Okidi inshingano z’Umugaba w’Ingabo zirwanira mu kirere, asimbuye Gen. Maj. Paul Lokech. Brig. Gen. Francis Takirwa yagizwe umuyobozi wa Diviziyo II irinda imbibi zihuza Uganda, u Rwanda na Congo.




Uganda yashyize hanze amatangazo yo gushaka abasirikare bashya

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hitimana

    Statistics kuva isi yabaho,intambara zimaze guhitana abantu bagera kuli 1 billion/milliard.Ahanini kubera inzara n’indwara biterwa n’intambara.Albert Einstein yavuze ko:”Ikintu cyonyine cyakuraho intambara nuko,abantu bakanga kurwana”. (Nothing will end wars unless people refuse to go to war).Bihuye n’ibyo bible ivuga yuko abakristu nyakuri batajya mu ntambara z’iyi si. Abantu bose babaye abakristu nyakuri,intambara zose zahagarara.Muli Zaburi 5,umurongo wa 6,Imana ivuga ko yanga umuntu wese uvusha amaraso y’abantu.Nkuko Zaburi 46 umurongo wa 9 havuga,ku munsi w’imperuka Imana izakuraho intambara zose,itwike intwaro zose.Ndetse muli Matayo 26,umurongo wa 52,Yesu yavuze ko kuli uwo munsi,Imana izica abantu bose barwana.Nguwo umuti rukumbi w’intambara zose zibera mu isi.

    5 months ago

Inzindi nkuru

Perezida Trump yiyemeje kohereza abasirikare guhashya abigaragambya,ibipimo...

Perezida Donald Trump wa Leta Zunzwe Ubumwe z’Amerika yakangishije kohereza...
2 June 2020 Yasuwe: 3633 0

Perezida Trump yagiye mu bwihisho bwa White House ubwo imyigaragambyo yari...

Perezida Donald Trump wa Amerika yajyanywe mu bwihisho bw’umutamenwa bwa...
1 June 2020 Yasuwe: 7910 0

US:Umushoferi wari utwaye igikamyo yanyuze hagati y’abigaragambya kubera...

Igikamyo cyahoreye kinyura mu muhanda wari wuzuyemo abigaragambya mu mujyi...
1 June 2020 Yasuwe: 4475 0

Somalia:Igisasu cyari giteze mu butaka cyishe abantu 10 bari bagiye...

Polisi n’ababibonye bavuga ko abantu bagera ku 10 bishwe n’igisasu cyari...
31 May 2020 Yasuwe: 641 0

US:Abatuye imwe mu mijyi babujijwe kujya hanze nijoro kubera imyigaragambyo...

Hashyizweho igihe ntarengwa cyo kuba abantu bidegembya hanze mu mijyi yo...
31 May 2020 Yasuwe: 1454 0

USA:Abigaragambya batwitse station ya polisi ya Minneapolis kubera urupfu...

Mu ijoro rya gatatu ry’imyigaragambyo kubera urupfu rwa George Floyd mu...
29 May 2020 Yasuwe: 2117 0