dnd

Kaminuza y’u Rwanda yakemuye ikibazo cy’abanyeshuli bize ibijyanye n’ubuvuzi bari bahangayikishijwe no kubona impamyabumenyi

Amakuru   Yanditswe na: Dusingizimana Remy 4 November 2019 Yasuwe: 1713

Kaminuza y’u Rwanda yamaze kwemerera abanyeshuli 370 barangije mu ishami ryigisha ibijyanye n’ubuvuzi ko bazahabwa impamyabumenyi ndetse bakazakora ibirori byo kwambara amakanzu [graduation].



Aba banyeshuli bari bamaze igihe bahangangayitse,bandikiye minisitiri w’Ubuzima,Dr Diane Gashumba bamumenyesha iki kibazo,abasubiza ko bazakorana inama nabayobozi batandukanye bashinzwe uburezi bagakemura iki kibazo.

Ku wa Gatanu w’icyumweru gishize nibwo hateranye inama yahuje inzego zifite aho zihuriye n’iki kibazo aho mu myanzuro yavuyemo harimo ko aba banyeshuri bahabwa impamyabumenyi nk’abandi.

Iyi nama yari yitabiriwe na Minisitiri w’Ubuzima, Dr Diane Gashumba, Minisitiri w’Uburezi, Dr Mutimura Eugène, Umuyobozi Mukuru w’agateganyo wa HEC, Benjamin Muhizi Kageruka, Umuyobozi wa Kaminuza y’u Rwanda, Prof Philip Cotton, Umuyobozi Wungirije, Dr Charles Murigande n’abari bahagarariye abanyeshuri biga muri iri shami ry’ubuvuzi.

Umuyobozi w’ishami ry’ubuvuzi [Dean], Dr Jean Claude Byiringiro, yavuze ko nyuma y’iyi nama yo ku wa Gatanu bemeje ko aba banyeshuri bagomba guhabwa impamyabumenyi.

Yagize ati “Twafashe umwanzuro ko abanyeshuri bazahabwa impamyabumenyi kandi turabyishimiye.”

Aba banyeshuli bari babwiwe ko batazahabwa impamyabumenyi kubera ko hari amasomo batize neza.

Ibirori bya Graduation biteganyijwe kuri uyu wa gatanu taliki ya 08 Ugushyingo 2019 i Huye.


Abayobozi bashinzwe uburezi n’ubuzima bemeje ko abanyeshuli bize ubuganga bazahabwa impamyabumenyi

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uwizeye Flavia witeguraga kurangiza Kaminuza Yitabye Imana azize urupfu...

Uwari umunyeshuri muri Kaminuza yigisha ubukerarugendo, ubukungu...
22 January 2020 Yasuwe: 6689 1

Dr Vincent Biruta yasabye Leta ya Uganda kugira inama abaturage...

Inteko ishinga amategeko ya Uganda yasabye leta gutangaza ko abaturage ba...
22 January 2020 Yasuwe: 3207 0

Nyagatare:Ikibazo cy’amarozi cyafashe indi ntera

Akarere ka Nyagatare bamwe mu baturage bo mu murenge wa Katabagemu...
21 January 2020 Yasuwe: 3896 2

Ibigo 4 bifite uruhare mu gutanga buruse y’abanyeshuri byatangaje impamvu...

Ibigo birimo kaminuza y’u Rwanda,HEC,BRD na Rwanda Polytechnic byatangaje ko...
21 January 2020 Yasuwe: 916 1

Abanyoye inzoga z’ubukwe bw’umwana ukiri muto bazajya babibazwa

Minisitiri w’ubutabera, akaba n’Intumwa nkuru ya Leta, Busingye Johnston,...
21 January 2020 Yasuwe: 1805 0

Gisagara: Umusaza w’imyaka 64 yasambanyije umwana w’imyaka ine

Umusaza w’imyaka 64 wo mu Karere ka Gisagara, mu murenge wa Kigembe...
21 January 2020 Yasuwe: 2540 2