skol
startimes

Kamonyi: Ingona yatwaye umusore warimo yahira ubwatsi abaturage bategereza ko imurekura baraheba

Amakuru   Yanditswe na: Dusingizimana Remy 23 September 2019 Yasuwe: 7820

Umusore w’imyaka 21 witwa Silasi ukomoka mu karere ka Kamonyi,yatwawe n’ingona ku nkombe z’uruzi rwa Nyabarongo,abaturage batabara bashaka kureba ko yamurekura barategereza baraheba.


Ku isaha y’i saa tanu ishyira saa sita z’amanywa,kuri uyu wa Mbere tariki 22 Nzeri 2019, nibwo iy ngona yafashe utu musore uzwi ku izina rya Silasi imukuye ku nkombe z’uruzi rwa Nyabarongo mu Mudugudu wa Rubumba, Akagari ka Ruyenzi, Umurenge wa Runda.

Uyu Silasi, yafashwe n’Ingona ubwo yari ku nkombe y’uruzi yahira ubwatsi bw’Inka z’umugabo akorera witwa Petero utuye hafi y’uru ruzi rwa Nyabarongo mu Mudugudu wa Rubumba, Akagari ka Ruyenzi.

Nkuko amakuru dukesha ikinyamakuru Intyoza gikorera muri aka karere, Petero wakoreshaga uyu musore yabonye ingona imufashe yiruka agana aho iyi ngona yerekezaga uyu musore yari ifite mu kanwa ke ngo arebe ko yamurekura cyangwa se ikegera inkombe bakayimutesha.

Abaturage batandukanye bahuruye baje kureba niba hari icyo bafasha ngo iyi ngona irekure Silasi ariko ngo ntacyo byatanze kuko yaje kuva aho yari mu mazi munsi y’imigano ikamukomezanya urugendo yerekeza mu bice bya Mageragere ari naho bamwe bavuga ko aricyo cyanya gikuru cyazo.

Bamwe mu baturage bavuze ko uyu Silasi bivugwa ko hari ubwo yajyaga aza kwahira ubwatsi, akayibona akayitera amabuye ikagenda, n’ubu hari abavuga ko yari yamanukanye amabuye nk’ibisanzwe ariko kuri iyi nshuro ngo yahuye na Nyamunsi. Abaturage bavuga ko Ingona zigira umujinya ku buryo aho yaboneye umuntu uyamagana cyangwa akagira igikorwa ayikorera ibika umujinya ikahisirisimbya kenshi.

Iki kinyamakuru kivuga ko aba baturage bamaze amasaha abiri bategereje ko iyi ngona irekura uyu musore ariko ntibyakunda.

Inkuru ya Intyoza.com

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble hitimana

    Twihanganishije bene wabo n’abo bakoranaga.INGONA zica abantu bagera kuli 2 000 buri mwaka.Ariko agakoko kica abantu benshi kurusha ibindi ni Umubu.Udutera Malariya yica abantu barenga 2 million buri mwaka.Indi nyamaswa yica abantu cyane ni INZOKA zica abantu 100 ooo buri mwaka.Inzovu zica abantu 600,Intare ikica 200.Ariko mu isi nshya ivugwa ahantu henshi muli Bible,abantu bazabana mu mahoro n’inyamaswa zose nkuko Yesaya 11,imirongo ya 6-8 havuga.Muli iyo si ya paradizo,ibibazo byose bizavaho burundu.Izaturwamo gusa n’abantu bumvira Imana gusa.Abajura,abasambanyi,abantu barwana,etc…ntabwo bazayibamo.Kimwe n’abibera mu gushaka ibyisi gusa ntibashake imana.

    September 2019

Inzindi nkuru

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 2757 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1040 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2286 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4605 0

Abakora massage mu Rwanda bemerewe gutangira imirimo

Urwego rw’Igihugu rw’Iterambere (RDB) rwatangaje ko ahantu hakorerwa massage...
6 November 2020 Yasuwe: 1317 0

Abakora ubucuruzi bworoheje bwambukiranya imipaka ya Rubavu na Goma...

Abakora ubucuruzi bwambukiranya imipaka bo mu karere ka Rubavu no mu mujyi...
6 November 2020 Yasuwe: 1211 0