Mgr Birindabagabo wigeze kuvuga ko bagiye kugaba ibitero kubacuruza ibiyobyabwenge ati ‘kubirandura ntibyananira Abanyarwanda’

Amakuru   Yanditswe na: Nsanzimana Ernest 23 November 2018 Yasuwe: 741

Umuyobozi w’Umuryango Peace Plan akaba n’Umushumba wa Diyoseze ya Gahini mu Itorero ry’Abangilikani, Bishop Bilindabagabo Alexis yavuze Abanyarwanda bafite ubushobozi bwo kurandura ibiyobyabwenge kuko icyo biyemeye bakigeraho.



Umwaka ushize yari yavuze ko abaporotesitani bagiye kurandura ibiyobyabwenge bagatumira Perezida Kagame bakamwereka igikorwa cy’ indashyikirwa bagezeho.

Kuri uyu wa 22 Ugushyingo 2018 mu kiganiro n’abanyamakuru agaragaza uruhare rw’amadini n’amatorero mu kurandura ibiyobyabwenge, Mgr Birindabagabo yagaragaje ko Abanyarwanda ari abahanga muguhangamura ibyananiranye.

Yagize ati “Abanyarwanda ni abahanga mu kwica ibihanda, baba ari Abanyarwanda bizera, baba ari abatizera, abanyarwanda bica ibihanda. Muzi neza amateka y’u Rwanda, muzi Jenoside yakorewe Abatutsi, murabizi neza ko Jenoside itahagaritswe n’Abanyamerika cyangwa Abanyaburayi bari ibihangange, yahagaritswe n’abana b’Abanyarwanda. Hari ibihanda rero u Rwanda rushobora guhangara, icy’ibiyobyabwenge nacyo kizaba kimwe muri byo.”

Mgr Birindabagabo tariki 10 Ugushyingo 2017 ubwo Abaporotesitani bizihizaga imyaka 500 ishize Martin Luther atangije amavugurura yatumye havuka abaporotesitani yavuze ko bagiye kugaba ibitero by’ amasengesho ku bacuruzwa ibiyobyabwenge.

Icyo gihe yagize ati “Abanyamakuru mutangire mubwire abacuruza ibiyobyabwenge ko tugiye kubahagurukira, tugiye ku bagaho ibitero by’ amasengesho, turangije dufate ingamba hanyuma ijisho ryari ryarahumirije ryongere rikanure, kugira ngo abacuruza ibiyobyabwenge n’ ababyungukiramo bose tubabuze amahemo”

Umuvugizi wa ADEPR, Karuranga Ephrem yavuze ko ubukangurambaga bukorwa n’amadini n’amatorero mu kurwanya ibiyobyabwenge butanga umusaruro ufatika, ngo bigaragarira mu batanga ubuhamya babivuyemo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 3897 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 22519 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 12220 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4067 0

Uganda yavuze ko abaturage bayo 50 bafungiwe mu Rwanda bidakurikije...

Kuri uyu wa Gatanu taliki ya 14 Gashyantare 2020, nibwo habaye inama ya...
14 February 2020 Yasuwe: 7671 0

RIB yavuze ku rupfu rwa Habumuremyi Telesifore uherutse gupfira muri kasho...

Ku wa gatatu w’icyumweru gishize tariki ya 5 Gashyantare 2020, nibwo umugabo...
13 February 2020 Yasuwe: 14206 6