Mu Rwanda hatangijwe amasomo ajyanye n’ubwenge bw’ubukorano azamara umwaka

Amakuru   Yanditswe na: Nsanzimana Ernest 15 October 2018 Yasuwe: 1316

Ikigo Nyafurika gitanga ubumenyi bushingiye ku mibare, AIMS, cyatangiye gutanga amasomo y’ikirenga ajyanye n’ubwenge bw’ubukorano (Artificial Intelligence).

Artificial Intelligence ni uburyo bwo gukora porogaramu zishyirwa muri mudasobwa, ku buryo igira ubushobozi bwo gutekereza no kwishakamo ibisubizo hadakenewe uruhare rwa muntu.

Aya masomo yiswe ‘African Masters in Machine Intelligence, AMMI’ yatangijwe kuri uyu wa 15 Ukwakira 2018, ku bufatanye bwa AIMS, Google na Facebook.

Igitekerezo cyo gutangiza aya masomo cyazanywe na Prof. Moustapha Cissé usanzwe ari Umuyobozi w’Ikigo cya Google gikora ubushakashatsi ku bwenge bw’ubukorano (Artificial Intelligence, AI) muri Ghana.

Minisitiri w’Uburezi, Dr Eugene Mutimura, yavuze ko ubu bwenge bw’ubukorano buje gushyigikira gahunda za leta y’u Rwanda, zirebana no kwifashisha ikoranabuhanga mu kurushaho kuzamura imibereho y’Abanyarwanda.

Ati “Aya masomo y’ubwenge bw’ubukorano n’ingenzi cyane kuko by’umwihariko azatanga umusanzu mu birebana n’ubuvuzi n’ imikorere ivuguruye y’inganda.”

Yakomeje agaragaza ko kandi ubwenge bw’ubukorano buzagira uruhare mu birebana no gukusanya no gusesengura amakuru atandukanye, akoreshwa n’inzego zitandukanye zifata ibyemezo, kandi abayize bazatanga umusanzu mu bushakashatsi butandukanye.

Inkuru ya IGIHE ivuga ko Perezida wa AIMS akaba n’Umuyobozi mukuru w’Ihuriro Next Einstein Forum, Thierry Zomahoun we yahamije ko aya ari andi amahirwe abahanga muri siyansi babonye ngo barusheho kuzana ibisubizo byatuma Afurika irushaho gutera imbere.

Abanyeshuri 31 baturutse mu bihugu 11 nibo bazahabwa aya masomo ya ‘African Masters in Machine Intelligence’, mu gihe cy’umwaka wose.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble uwiringiyimana fidele

    biradushimishije cyene
    nkabanyarwanda

    October 2018
  • chat_bubble mazina

    Artificial Intelligence (AI) igiye guhindura isi.It is a big "turning point" (un grand point tournant).Ikibabaje nuko AI barimo kuyikoresha cyanecyane mu byerekeye Igisirikare.Abahanga mu bya gisirikare,bemeza badashidikanya ko Artificial Intelligence izateza Intambara ya 3 y’isi.Bavuga ko noneho ibihugu bizakoresha atomic bombs ku buryo byatuma isi ishira.Gusa tujye twibuka ko Imana irimo kubacungira hafi.Vuba aha,izatwika intwaro zose zo ku isi,ikureho n’intambara zose nkuko Zaburi 46:9 havuga.Hanyuma ikureho n’abantu bose bakora ibyo itubuza,isigaze abayumvira gusa nkuko Imigani 2:21,22 havuga.

    October 2018

Inzindi nkuru

Muhanga: Umugabo yishwe atewe ibyuma n’abicanyi bataramenyekana

Uwitwa Dusabumuremyi Sylidio yishwe n’abantu bataramenyekana bamuteye...
24 September 2019 Yasuwe: 1241 0

Abijuru Ernest w’imyaka 26 wigaga muri Uganda yakorewe iyicarubozo barangije...

Abijuru Ernest, umunyarwanda wigaga mu gihugu cya Uganda yatezwe n’abantu...
23 September 2019 Yasuwe: 1267 0

Gisagara: Abarimu babiri bafatanywe abakobwa babiri bataye ishuli mu...

Abarimu babiri bakomoka mu Karere ka Gisagara batawe muri yombi bakekwaho...
23 September 2019 Yasuwe: 2445 0

Kamonyi: Ingona yatwaye umusore warimo yahira ubwatsi abaturage bategereza...

Umusore w’imyaka 21 witwa Silasi ukomoka mu karere ka Kamonyi,yatwawe...
23 September 2019 Yasuwe: 4703 0

Uburwayi bwahitanye Robert Mugabe bwamaze kumenyekana

Robert Mugabe wahoze ari Perezida wa Zimbabwe wapfuye mu ntangiriro z’uku...
23 September 2019 Yasuwe: 2349 0

Umunyemari Habumugisha nyiri Goodrich TV uregwa gukubitira umukobwa mu...

Umucamanza w’urukiko rw’ibanze rwa Nyarugenge yategetse ko Dr. Francis...
23 September 2019 Yasuwe: 3337 0