Nsabimana Callixte ‘Sankara’ wigambye ibitero byo muri Nyungwe yeretswe abanyamakuru [VIDEO+AMAFOTO]

Amakuru   Yanditswe na: Dusingizimana Remy 17 May 2019 Yasuwe: 7740

Mu gitondo cyo kuri uyu wa Gatanu Taliki ya 17 Gicurasi 2019,nibwo Nsabimana Callixte wiyita ‘Major Sankara’ wigambye gufata ishyamba rya Nyungwe ndetse no kugira uruhare mu bitero byahungabanyije akarere ka Nyamagabe, mu ntara y’Amajyepfo,yeretswe itangazamakuru.

Nsabimana Callixte wiyita ‘Sankara’ yeretswe abanyamakuru muri iki gitondo, ku cyicaro gikuru cy’Urwego rw’Igihugu rw’Ubugenzacyaha (RIB) ku Kimihurura.

Nsabimana Callixte wiyita ‘Sankara’ akurikiranyweho ibyaha birimo kurema imitwe y’iterabwoba,kwica,gushishikariza abantu kwinjira mu mitwe y’iterabwoba,gusahura n’ibindi.

Nsabimana yagaragaye yambaye ishati y’amaboko maremare irimo ibara ry’ubururu, ipantalo ya kaki n’amataratara y’umukara atwawe n’abapolisi babiri. Yahagaze imbere y’abanyamakuru benshi bari bitabiriye mu gihe cy’iminota itatu abona kongera gusohorwa.

Sankara yahisemo guceceka kubera ko kuvugana n’itangazamakuru biri mu burenganzira bwe,havuga umwunganira mu mategeko,Me Nkundabarashe Moise.Ubuzima bwe bumeze neza.

Umuvugizi wa RIB,Mbabazi Modeste yabwiye abanyamakuru ko nta kure habaho mu butabera ndetse umuntu wese uzakorera ibyaha,ubutabera bw’u Rwanda buzamugeraho.Mbabazi yanze kubwira abanyamakuru uko u Rwanda rwafashe Sankara.

Ku wa 30 Mata 2019 nibwo Minisitiri w’Ububanyi n’Amahanga, Dr Sezibera Richard yatangaje ko leta y’u Rwanda yafashe Nsabimana Callixte ndetse ko ari mu maboko ya RIB, mu kiganiro yagiranye n’itangazamakuru.

Nkundabarashi Moise yavuze ko ibyaha Sankara aregwa bizatangazwa mu minsi iri imbere ndetse ko ariwe wamuhisemo ngo amwunganire.

Nsabimana Callixte wiyise Major Sankara yahoze ari umuvugizi w’inyeshyamba za FLN zikorana bya hafi na MRCD ya Paul Rusesabagina wiyemereye ko arwanya ubutegetsi bw’u Rwanda.Bivugwa ko Sankara yafatiwe mu birwa bya Comores,kuwa 13 Mata 2019.





Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble munyemana

    Ndabona ari ya "madarubindi" ye tumenyereye yambara kuli Youtube.War is not the solution to mankind problems.Imana ntabwo yaturemeye kurwana,ahubwo yaturemeye gukundana.Ikindi kandi,abanyarwanda turi abavandimwe.Abashaka intambara,ni ukubera inyungu zabo gusa:Ibyubahiro n’amafaranga.Ariko babigeraho habanje gupfa abantu benshi cyane.Nyamara bakitwaza "akarimi keza",ngo baje kubohora igihugu.Niko inyeshyamba zose zivuga.Umukristu nyakuri,abima amatwi,akanga kubarwanirira,kubera ko Imana itubuza kurwana.Intwaro yacu ni Bible.Tuyirwanisha tujya mu nzira tukabwiriza abantu gukundana no gushaka Imana,kugirango izaduhe ubuzima bw’iteka muli paradizo. Ariko abakora ibyo itubuza,urugero abarwana,Bible ivuga ko batazaba muli paradizo.Bisobanura ko batazazuka ku munsi wa nyuma wegereje.

    4 months ago
  • chat_bubble gakuba

    Ubutaha bajye bamukuramo amadarubindi amenye ko yageze mu Rwanda

    4 months ago

Inzindi nkuru

Perezida Kagame yahuriye na Tshisekedi muri USA bagirana ibiganiro

Nyakubahwa perezida Kagame yongeye kugirana ibiganiro na mugenzi we wa...
24 September 2019 Yasuwe: 415 0

Muhanga: Umugabo yishwe atewe ibyuma n’abicanyi bataramenyekana

Uwitwa Dusabumuremyi Sylidio yishwe n’abantu bataramenyekana bamuteye...
24 September 2019 Yasuwe: 1448 0

Abijuru Ernest w’imyaka 26 wigaga muri Uganda yakorewe iyicarubozo barangije...

Abijuru Ernest, umunyarwanda wigaga mu gihugu cya Uganda yatezwe n’abantu...
23 September 2019 Yasuwe: 1301 0

Gisagara: Abarimu babiri bafatanywe abakobwa babiri bataye ishuli mu...

Abarimu babiri bakomoka mu Karere ka Gisagara batawe muri yombi bakekwaho...
23 September 2019 Yasuwe: 2503 0

Kamonyi: Ingona yatwaye umusore warimo yahira ubwatsi abaturage bategereza...

Umusore w’imyaka 21 witwa Silasi ukomoka mu karere ka Kamonyi,yatwawe...
23 September 2019 Yasuwe: 4817 0

Uburwayi bwahitanye Robert Mugabe bwamaze kumenyekana

Robert Mugabe wahoze ari Perezida wa Zimbabwe wapfuye mu ntangiriro z’uku...
23 September 2019 Yasuwe: 2378 0