Nyagatare: Umugabo wiyise umuvuzi w’amatungo wigenga yishe ihene n’intama 110 z’umuturage wamwitabaje ngo azikingire

Amakuru   Yanditswe na: Dusingizimana Remy 11 November 2019 Yasuwe: 1910

Umugabo wiyitaga umuvuzi w’amatungo wigenga wo mu Murenge wa Nyagatare mu Karere ka Nyagatare yakingiye ihene n’intama by’umuturage izigera ku 110 zihita zipfa ako kanya na we aburirwa irengero.



Ibi byabaye kuwa Gatandatu tariki 09 Ugushyingo mu Murenge wa Nyagatare mu Kagari ka Kamagiri, ubwo yajyaga gukingira ihene n’intama by’umuturage witwa Sheikh Uwase Abdul Aziz.

Kayinamura Alex Safari yari yarabeshye abaturage ko ari umuganga w’amatungo wigenga wabyigiye muri Kaminuza akajya abaca amafaranga akabaha imiti mu gihe bayikeneye, abandi bakamwiyambaza mu bindi bikorwa bifite aho bihuriye no kuvura amatungo.

Umuturage witwa Sheikh Uwase Abdul Aziz yabwiye IGIHE dukesha iyi nkuru ko yari afite Ihene n’Intama bigera ku 130, avugana na Kayinamura wiyitaga umuvuzi w’amatungo ngo amufashe kuzikingira undi araza arabikora ariko ngo yagiye kuzirangiza inyinshi zamaze gupfa.



yagize ati " Yari umuntu usanzwe yitabazwa n’abandi baturage nuko ambwira ko ashaka gukingira amatungo yanjye indwara y’umusundwe, yaraje arazikingira ariko 110 zihita zipfa zirimo ihene 51 n’intama 59 ariko n’izindi ziracyarembye cyane sinzi ko zizakira."

Sheikh Abdul yakomeje avuga ko uwo mugabo ngo yari yarababwiye ko yarangije kwiga ibijyanye n’ubuvuzi bw’amatungo ariko ngo yatunguwe no kubwirwa ko atigeze abyiga ahubwo yabikoraga mu buryo bwa magendu.

Umunyamabanga Nshingwabikorwa w’Umurenge wa Nyagatare, Ingabire Jane yabwiye IGIHE ko uwo mugabo yabikoraga mu buryo bwa magendu ngo nta hantu na hamwe azwi mu bijyanye n’abavuzi b’amatungo.



Yagize ati "Ntabwo yari mu bantu bazwi bavura amatungo ahubwo yabikoraga mu buryo bwa magendu, yari yarahaye abaturage nimero ze ugize ikibazo akamuhamagara ariko nta cyangombwa na kimwe yagiraga."

Yasabye abaturage kujya bashishoza mbere yo guhamagara uwari we wese kugira ngo aze abavurire amatungo.

Kuri ubu Kayinamura Alex Safari yahise aburirwa irengero.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2369 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3735 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1232 1

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3546 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4092 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2089 0