skol
startimes

Perezida Kagame yahuriye na Tshisekedi muri USA bagirana ibiganiro

Amakuru   Yanditswe na: Dusingizimana Remy 24 September 2019 Yasuwe: 2368

Nyakubahwa perezida Kagame yongeye kugirana ibiganiro na mugenzi we wa Repubulika iharanira demokarasi ya Kongo baraye bahuriye mu mujyi wa New York muri Leta Zunze ubumwe za Amerika.


Aba baperezida bombi bahuriye mu mujyi wa New York aho bari bitabiriye Inteko Rusange ya Loni iri kuba ku nshuro ya 74,banga kugenda bataganiriye dore ko ibihugu byombi bikomeje kugirana umubano mwiza.

Igihugu cya RDC gikomeje kugaragaza ubushake mu kurwanya imitwe yitwaje intwaro imaze imyaka ku butaka bwayo by’umwihariko FDLR aho muri iki cyumweru abasirikare ba FARDC bishe umuyobozi wa FDLR Lt Gen Mudacumura Sylvestre bamusanze ari kurya mu rukerera.

Perezida Tshisekedi kuva yajya ku butegetsi mu ntangiriro z’uyu mwaka,yahihibikaniye gutsura umubano n’ibihugu baturanye ariyo mpamvu yazuye umubano n’u Rwanda wari warazahaye ku butegetsi bw’uwo yasimbuye Joseph Kabila.

Mu minsi ishize nabwo perezida Kagame yasuye igihugu cya RDC agiye mu muhango wo gushyingura umubyeyi wa Felix Tshisekedi ariwe Etienne Tshisekedi wamaze imyaka myinshi atavuga rumwe n’abayoboraga iki gihugu cyahoze cyitwa Zaire.

Tshisekedi ari mu bakuru b’ibihugu bagize uruhare mu isinywa ry’amasezerano yo kugarura umubano mwiza hagati y’u Rwanda na Uganda yasinyiwe i Luanda muri Angola.

Ibi biganiro by’aba bakuru b’ibihugu byitabiriwe kandi na Madamu Jeannette Kagame hamwe na Nyakeru Tshisekedi, umugore wa Perezida Tshisekedi.

Village Urugwiro ntiyigeze itangaza ibikubiye mu biganiro aba bakuru b’ibihugu baganiriye ndetse n’igihe byamaze.

Mu bandi bayobozi bakomeye perezida Kagame yaganiriye nabo muri USA barimo umuyobozi wa Qatar [Emir wa Qatar]Tamim Bin Hamad Al Thani,anahura na perezida wa Maurtania,Mohamed Ould Ghazouani .


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3284 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2492 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5045 0

Tito Rutaremara yavuze ko FPR atari abamalayika

Umuyobozi w’Urubuga Ngishwanama rw’Inararibonye z’u Rwanda, Tito Rutaremara,...
7 September 2020 Yasuwe: 2638 0

Gasabo: Abasore bararaga mu irimbi bafashwe bajyanwa muri Stade

Mu ijoro ryo ku wa Gatandatu tariki 05 Nzeri 2020, ahagana saa 19h30,...
7 September 2020 Yasuwe: 11088 1

Ibigo birimo HEC, RALC, WDA na NCC byasheshwe

Kuri uyu wa Gatanu taliki ya 4 Nzeri 2020, mu igazeti ya Repubulika y’u...
6 September 2020 Yasuwe: 3158 0