skol
startimes

RSB yihaye intego ikomeye izayifasha kuzamura umubare w’Abanyarwanda bakoresha serivisi z’ubuziranenge

Amakuru   Yanditswe na: Dusingizimana Remy 1 November 2019 Yasuwe: 355

Mu birori byo kwizihiza umunsi wahariwe gutsura ubuziranenge ku isi,ikigo cy’igihugu cy’ubuziranenge cyatangaje ko nubwo hari byinshi byagezweho mu gukoresha serivisi z’ ubuziranenge mu Rwanda,kigiye kurushaho kwegera no gukangurira abanyeshuli n’inganda kurushaho kuzikoresha.


Kuri uyu wa Gatanu taliki ya 01 Ugushyingo nibwo hizihijwe umunsi mpuzamahanga wahariwe gutsura ubuziranenge ku isi, aho mu Rwanda insanganyamatsiko yibandaga k’ uko ikoreshwa ry’amashusho afite ubuziranenge byafasha mu iterambere ry’igihugu by’umwihariko harebwa kuri gahunda ya Made in Rwanda.

Umuyobozi wa RSB, Raymond MURENZI yatangaje ko iki kigo kimaze imyaka 17 ari umunyamuryango w’ikigo mpuzamahanga cy’ubuziranenge ISO ariko kikaba cyizihiza umwaka wa 6 cyemewe nk’umunyamuryango.

Yatangaje ko bageze kuri byinshi muri uku kwezi kwahariwe ubuziranenge harimo kwakira inama mpuzamahanga zitandukanye ziga ku buziranenge,ubukangurambaga butandukanye mu mashuli n’ahandi mu rwego rwo kwimakaza ubuziranenge,ashimangira ko intego yabo ari ukurushaho kwegera amashuli n’inganda hagamijwe kurushaho gukangurira Abanyarwanda gukoresha servisi z’ubuziranenge.

Yagize ati “Ibikorwa byakozwe muri uku kwezi kwahariwe ubuziranenge ni byinshi ariko hari isomo byadusigiye ko tutagomba guhera hamwe gusa ahubwo tugomba kurushaho kwegera amashuli n’inganda kugira ngo dukomeze gushishikariza abakeneye izi serivisi z’ubuziranenge kuzikoresha.”

RSB yarenze imipaka y’u Rwanda ikagera no muri EAC mu gutanga serivisi z’ubuzirange, yashyize hanze igitabo gikubiyemo ibyo yagezeho muri myaka 5 ishize.

RSB ifite impuguke zirenga 600 ziyifasha gushyiraho amabwiriza y’ubuziranenge aho kuri ubu bamaze gushyiraho arenga 1200.

Minisitiri w’ubucuruzi n’Inganda,Madamu Soraya Hakuziyaremye wari umushyitsi mukuru muri ibi birori byo kwizihiza umunsi wahariwe ubuziranenge yavuze ko ibyo RSB imaze kugeraho bishimishije, yongeraho ko bagiye gukomeza gufatanya nayo kugira ngo ubuziranenge burusheho gushinga imizi mu banyarwanda.

RSB ifite laboratwari nyinshi ziyifasha gusuzuma ubuziranenge mu bintu bitandukanye aho hari iziri mu nyubako yahariwe gusuzuma ibiribwa n’iyahariwe gusuzuma ingero n’ibipimo.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyakabanda:Umugabo yaguye mu maguru y’indaya

Mu murenge wa Nyakabanda w’akarere ka Nyarugenge mu munjyi wa Kigali ,...
27 September 2020 Yasuwe: 4171 0

Zuba yahishuye uburyo yemera Nyabingi na Ryangombe atemera Yesu na...

Umugabo uzwi nka Muganga Zuba wagize umwuga ubuvuzi gakondo yatunguranye...
23 September 2020 Yasuwe: 1540 1

Bugesera:Gitifu yahishuye ko mu bariye imbwa ntawe bazi zaguye...

Mu mudugudu wa Heru, Akagari ka Nyakayenzi mu Murenge wa Ngeruka mu Karere...
23 September 2020 Yasuwe: 1300 0

Musanze:Salongo yahurije hamwe abagore be 8 abaha impano z’uko bamwakiriye...

Umunyamakuru wa BBC dukesha iyi nkuru yasanze iwe abagore be bahahuriye,...
21 September 2020 Yasuwe: 8166 0

Umupfumu Rutangarwamaboko asanga abishe inyamaswa yitiranyijwe n’ingwe mu...

Umupfumu Rutangarwamaboko asanga abishe inyamaswa yitiranyijwe n’ingwe mu...
13 September 2020 Yasuwe: 6224 0

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3933 0