Umunyarwanda yakoze akuma kazajya kabuza umushoferi gutwara yasinze

Amakuru   Yanditswe na: Nsanzimana Ernest 5 October 2018 Yasuwe: 3259

Umusore w’ Umunyarwanda yakoze akuma yise ‘safety driving with security device’ kazajya kahagarika umushoferi igihe atwaye imodoka yasinze kugira ngo adakora impanuka.



Aka kuma karimo uburyo bw’ ikoranabuhanga umushoferi ashobora gukoresha bukarinda imodoka ye kwibwa, aka kuma kandi gahujwe na speed governor, ka kuma gasanzwe kifashishwa mu Rwanda mu kugabanyiriza imodoka umuvuduko.

Rutikanga Fitson w’ imyaka 21 y’ amavuko yatangarije UMURYANGO ko igitekerezo cyo gukora aka kuma yagikuye ku kuba akuma kagabanya umuvuduko katabuza uwasinze kugonga.

Yakoze aka kuma agendeye ku buryo polisi y’ u Rwanda isanzwe ikoresha kugira ngo imenye niba umuntu yasinze ikoresheje ‘Alcohol testor’.

Aka kuma yatangiye kugakora muri Kanama 2017, ubu ngo ariteguye abonye igishoro yatangira gukora utwuma two kugurisha.

Rutikanga yavuze ko kuma kazajya gashishyirwa imbere ya shoferi gakurure umwuka w’ inzoga nikagera ku gipimo runaka koherereze shoferi ubutumwa ko imodoka igiye guharara, kugira ngo yitegure ashake aho aparika.

Mu minota kahaye uwo mushoferi imodoka izajya yizimya ku buryo adashobora kongera kuyatsa ngo igende igihe cyose agisinzwe.

Uyu musore yize mekanike mu ishuri ry’ imyuga n’ ubumenyi ngiro IPRC. Arangiza umwaka ushize. Yabwiye UMURYANGO ko aka kuma yakeretse polisi y’ u Rwanda ishami rishinzwe umutekano wo mu muhanda ikagashima.

Yavuze kandi ko arimo gushaka icyagombwa cy’ ubuziranenge bw’ ako kuma gitangwa na RSB.

Umuntu wamufashije gukora aka kuma ‘safety driving with security device’ ni umunyeshuri biganye witwa Izere Honoré

Rutikanga afite icyizere ko aka kuma kazatanga akazi ku bantu benshi bihuje na gahunda ya Leta yo kwihangira imirimo.

Yagize ati “Ni ukuvuga ngo niba ako gasisiteme tugashyize mu modoka yawe hari amafaranga y’ ifatabuguzi uzajya wishyura.”

Ngo nubwo umushoferi azajya aba afite ifatabuguzi, umunsi azajya aba yasinzwe azajya abona ubutumwa kuri telephone ye ubwo butumwa buge kuri kampani yakoze akuma no ku muntu azaba yarahisemo.

Iyi kampani izajya yohereza umushoferi wayo atware iyi modoka yahagaze kuko umushoferi wayo yasinze , hanyuma uyu mushoferi wasinze azishyure kampani kuko yamuhaye serivise ikamurinda gutwara yasinze.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    woaww that’s nice

    October 2018

Inzindi nkuru

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 3904 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 22613 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 12255 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4071 0

Uganda yavuze ko abaturage bayo 50 bafungiwe mu Rwanda bidakurikije...

Kuri uyu wa Gatanu taliki ya 14 Gashyantare 2020, nibwo habaye inama ya...
14 February 2020 Yasuwe: 7676 0

RIB yavuze ku rupfu rwa Habumuremyi Telesifore uherutse gupfira muri kasho...

Ku wa gatatu w’icyumweru gishize tariki ya 5 Gashyantare 2020, nibwo umugabo...
13 February 2020 Yasuwe: 14216 6