Kigali
startimes

Perezida Kagame yatangaje uko yiyumva nyuma y’imyaka 19 amaze ayobora u Rwanda anakomoza kubyo kongera kwiyamamaza

Amakuru   Yanditswe na: Dusingizimana Remy 16 December 2019 Yasuwe: 3377

Nyakubahwa Perezida Paul Kagame,yavuze ko ameze neza nyuma y’imyaka 19 amaze ayobora u Rwanda ndetse agifite imbaraga nyinshi zo gufasha abanyarwanda kugera ku iterambere rirambye.



Mu kiganiro yagiranye na Ghida Fakhry wari uyoboye ibiganiro by’umunsi wa mbere w’inama izwi nka Doha Forum, yatangiye kuwa Gatandatu ikarangira kuri iki Cyumweru tariki 15 Ukuboza 2019,perezida Kagame yavuze ko agifite imbaraga zo kuyobora indi myaka isigaye ngo manda aheruka gutorerwa mu 2017 irangire.

Yagize ati “Icyiza ni uko ngifite imbaraga zituma nkomeza, nshobora gukomeza indi myaka myinshi kandi ntabwo ndananirwa gukora ibyo ndimo gukora, nishimiye gukorana n’abaturage banjye, nkorera abaturage n’igihugu cyanjye kandi tugakomeza tuva mu ngorane z’ahahise dutera imbere, twubaka icyizere cy’abanyarwanda.

Perezida Kagame yabajijwe niba iyi manda nirangira atekereza kuziyamariza iya kane, asubiza ati “Sindabimenya, ariko igishoboka cyane ni oya.”

Perezida Kagame yavuze ko kuba ubukungu bw’u Rwanda buzamuka buri mwaka ku kigero cya 7-8% bitavuze ko rwageze ku ntego rwihaye ahubwo n’urugendo rugikomeza.

Yagize ati “Oya, ntabwo intego zagezweho ni urugendo rugikomeza, ukemura ikibazo kimwe cyavaho ugakemura ikindi cyangwa ukaba wahangana na byinshi icyarimwe, ntabwo bibaho ko abantu bumva bihagije ngo bageze aho bashakaga kujya.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ntabwo nigeze nsaba akazi ko kuba Perezida-Perezida Kagame

Nyakubahwa Perezida wa Repubulika Paul Kagame yavuze ko atigeze na rimwe...
10 July 2020 Yasuwe: 3246 0

Guverineri Gatabazi yavuze akari ku mutima nyuma yo gusubizwa ku mirimo ye...

Guverineri w’Intara y’amajyaruguru Gatabazi JMV waraye yongeye kugirirwa...
8 July 2020 Yasuwe: 2573 0

Irindi tsinda ry’Abanyarwanda bari bafungiwe muri Uganda barekuwe...

Irindi tsinda ry’Abanyarwanda 12 bari bafungiwe muri Uganda mu buryo...
8 July 2020 Yasuwe: 710 0

Perezida Kagame yasubije Guverineri Gatabazi ku mirimo ye,Kayitesi agirwa...

Perezida wa Repubulika Paul Kagame yasubije Gatabazi Jean Marie Vianney ku...
7 July 2020 Yasuwe: 4739 0

Abanyarwanda dufite ubwigenge n’ubushobozi bwo gukora no kugera ku byo...

Mu ijambo perezida Paul Kagame yagejeje ku banyarwanda kuri uyu wa...
4 July 2020 Yasuwe: 648 0

#Kwibohora26: Uko urugamba rwo kwibohora rwateguwe n’ibyabaye ku munsi...

Imyaka 26 irashize u Rwanda rubohowe, ubu haribukwa umunsi rwahawe...
4 July 2020 Yasuwe: 904 0