skol
Kigali
startimes

Igiciro cya Lisansi cyiyongereyeho amafaranga 10 mu Rwanda

Amakuru   Yanditswe na: Dusingizimana Remy 3 November 2020 Yasuwe: 3102

Urwego rw’Igihugu Ngenzuramikorere (RURA), rwatangaje ko guhera ku wa Gatatu tariki 04 Ugushyingo 2020, ibiciro bishya by’ibikomoka kuri peterori byiyongera aho Lisansi yiyongereyeho 10 FRW.

RURA yavuze ko igiciro cya Lisansi (essence) cyavuye ku mafaranga y’u Rwanda 966 kuri litiro imwe kigera ku mafaranga 976, kikaba kiyongeyeho amafaranga 10.

Gusa ku bijyanye na Mazutu bwo igiciro cyagabanyutse kiva ku mafaranga 943 kuri litiro, kigera ku mafaranga 923.

Ubuyobozi bwa RURA bushimangira ko iryo hinduka ry’ibiciro rishingiye ku mpinduka zabaye ku biciro by’ibikomoka kuri peterori ku rwego mpuzamahanga.

Mu minsi ishize nibwo ibiciro by’ingendo byateje impagarara mu banyarwanda kubera ko byri ku rwego ruhanitse kandi ibiciro by’ibikomoka kuri Peterori byari byagabanutse kubera Covid-19.

Kuwa 14 Ukwakira 2020,nibwo RURA yatangaje ibiciro bishya by’ingendo nyuma y’aho Inama y’Abaminisitiri yateranye ku wa 12 Ukwakira 2020, ikanzura ko imodoka zitwara abantu mu buryo bwa rusange zemerewe gutwara abantu buzuye ku bagenda bicaye mu gihe izifite imyanya igendamo abahagaze izajya yakira kimwe cya kabiri cyabo.

RURA yatangaje ko igiciro gishya cyagabanutseho amafaranga make kuko mu ngendo zihuza intara, cyavuye kuri 30.8 Frw kigera kuri 25.9 Frw ku kilometero kimwe mu gihe mu Mujyi wa Kigali cyavuye kuri 31.9 Frw kigera kuri 28.9 Frw ku kilometero.

Nyuma yo guhuriza hamwe kw’abanyarwanda bakamagana ibi biciro bihanitse by’ingendo,Minisitiri w’Intebe yagiranye inama n’inzego zitandukanye, zirimo na RURA bahagarika ibiciro by’ingendo rusange byari byashyizweho tariki 14/10/2020.

Ibiciro bishya byatangajwe nuko ingendo zihuza intara zabaye amafaranga 21 FRW kuri KM no ku mugenzi naho mu ngendo zo mu mujyi wa Kigali ni amafaranga 22 kuri KM no ku mugenzi.

Kubera kuzamuka kwa Lisansi ku rwego mpuzamahanga,ibiciro by’ingendo bishobora nabyo kwiyongera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Kagame yijeje Abanyarwanda gusuzuma ikibazo cy’umusoro w’Ubutaka...

Perezida Kagame Kagame yavuze ko ikibazo cy’izamuka y’umusoro w’ubutaka...
21 December 2020 Yasuwe: 3839 0

RURA yasubije abanyarwanda bakekaga ko ibiciro by’ingendo birazamurwa kubera...

Mu ijoro ryakeye nibwo Inama y’abaminisitiri yemeje ko Imodoka zitwara...
15 December 2020 Yasuwe: 5713 0

RURA yahaye gasopo Airtel Rwanda yashinjwe gukora amatangazo yibasira MTN...

Nyuma y’amatangazo Airtel Rwanda yari imaze iminsi ikora akangurira abantu...
15 December 2020 Yasuwe: 7825 3

Nyarugenge: Amaduka 60 yafunzwe kubera kwica amabwiriza yo kwirinda...

Abacuruzi 60 bo mu karere ka Nyarugenge ahazwi nko muri Down Town bafungiwe...
14 December 2020 Yasuwe: 4266 0

Ibura ry’akazi, abanebwe n’inkorabusa ni imwe mu mizigo ikomeye ku...

Ibarura rusange ryakozwe muri 2012 ryagaragaje ko ugereranyije abantu 100...
10 December 2020 Yasuwe: 3095 0

KTN Rwanda na StarTimes bahembewe kuba ku isonga mu gutanga serivisi...

Startimes na KTN RWANDA (Sosiyete Nyarwanda yo kugura no kugurisha) ni...
5 December 2020 Yasuwe: 3055 0