Kigali

MINALOC yasabye ubusobanuro ba meya 16 ku mafaranga baciye abahinga ibishanga

Amakuru   Yanditswe na: Dusingizimana Remy 15 February 2020 Yasuwe: 2413

Minisitiri w’Ubutegetsi bw’Igihugu, Prof. Shyaka Anastase yandikiye ibaruwa aba Meya 16 abasaba ibisobanuro ku makosa uturere bayobora twakoreye abahinga ibishanga.



Nkuko amakuru dukesha ikinyamakuru Bwiza.com abitangaza,iyi baruwa yanditswe tariki ya 13 Gashyantare 2020, ifite impamvu igira iti : « Gutanga ubusobanuro ku mafaranga yaciwe abahinga ibishanga. »

Iyi baruwa yashyingiye ku myanzuro yafatiwe mu Mwiherero wa 16 wabereye mu kigo cy’imyitozo ya gisirikare i Gabiro mu 2019, ubwo iki kibazo cyaganiriweho, kikanahabwa umurongo nk’uko ibaruwa ibivuga.

Ba meya basabwa ibisobanuro barimo: uwa Ngoma, Bugesera, Karongi, Ngororero, Rutsiro, Nyamasheke, Burera, Gicumbi, Nyaruguru, Nyamagabe, Gakenke, Nyanza, Ruhango, Rusizi na Musanze.



Ingingo ya 10 y’Iteka rya Perezida No. 25/01 ryo ku wa 09/07/2012 rishyiraho urutonde n’ibipimo ntarengwa by’amahoro n’andi mafaranga yakirwa n’inzego z’ibanze cyane cyane amahoro yakwa abahinga ibishanga, ko atagomba kurenga 4000 rwf kuri hegitari (Ha) mu gihe cy’umwaka. Ariko ubugenzuzi iyi Minisiteri yakoze muri Mutarama 2020, bwagaragaje ko utu turere twaciye aba bahinzi amafaranga arenze ateganywa n’iri teka No.25/01.

Bitewe n’aya makosa yakozwe, ba meya barasabwa gutanga ibisobanuro, bakabagaragaza uburyo aya mafaranga yaciwe binyuranyije n’amategeko yasubizwa abahinga ibishanga, kandi bitarenze tariki ya 15 Werurwe 2020 bakageza kuri Minisitiri Shyaka raporo z’uko byashyizwe mu bikorwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDB yahagaritse by’agateganyo ubukerarugendo muri pariki 3 z’igihugu kubera...

Ikigo cy’igihugu gishinzwe Ubukerarugendo [RDB] cyahagaritse by’agateganyo...
20 March 2020 Yasuwe: 817 0

MINICOM yaciye amande abazamuye ibiciro kubera Coronavirus

Minisiteri y’ubucuruzi n’inganda [MINICOM] yatangaje ko imaze gufatira...
20 March 2020 Yasuwe: 562 1

BNR yafashe ingamba zikomeye mu rwego rwo kurengera abazahungabanywa na...

Banki nkuru y’u Rwanda [BNR] yasohoye itangazo rikubiyemo amabwiriza yo...
19 March 2020 Yasuwe: 1902 0

Inama mpuzamahanga 6 zari kwinjiriza u Rwanda akayabo k’amafaranga zimaze...

Kuva icyorezo cya coronavirus cyadutse ku isi, inama mpuzamahanga 6...
16 March 2020 Yasuwe: 2640 0

MINICOM yaburiye abacuruzi bazamuye ibiciro by’ibicuruzwa kubera icyorezo...

Minisiteri y’ubucuruzi n’inganda,MINICOM, irasaba abacuruzi kwirinda kuzamura...
15 March 2020 Yasuwe: 3867 1

RURA yatangaje igiciro gishya cy’ibikomoka kuri peteroli

Urwego ngenzuramikorere mu Rwanda[RURA] rwatangaje igiciro gishya...
3 March 2020 Yasuwe: 2895 0