addresiya
startimes

Kamonyi:Polisi yataye muri yombi abagabo 3 bafashwe bagiye kwiba iduka ry’umuturage

Amakuru   Yanditswe na: Dusingizimana Remy 4 April 2020 Yasuwe: 2287

Abantu Batatu bafungiye mu karere ka Kamonyi nyuma y’aho Polisi y’u Rwanda ikorera muri ako karere ibatesheje bari bagiye kwiba mu iduka ry’umucuruzi wo mu murenge wa Rugalika mu kagari ka Sheri mu mudugudu wa Karehe.



Umuvugizi wa Polisi mu ntara y’Amajyepfo, Chief Inspector of Police (CIP) Sylvestre Twajamahoro avuga ko ubu bujura bwabaye mu ijoro rya tariki ya 2 Mata abantu barimo uwitwa Ntirenganya Emery w’imyaka 45, Habimana Jean Pierre w’imyaka 25 na Ntinkozisoni Elie w’imyaka 28 bafashwe bari bagiye kwiba mu iduka ry’umucuruzi witwa Nyiramajyambere Jeanne.

Yagize ati: “Hari mu gicuku abanyerondo babonye imodoka badasanzwe bazi ihagaze mu gasantere k’ubucuruzi ka Nkoto kandi hari n’urujya n’uruza rw’abantu rudasobanutse bagira amakenga bagerageza kwegera abo bantu bahita biruka.”

CIP Twajamahoro yakomeje avuga ko abo banyerondo bakomeje kwitegereza neza babona abantu barimo gutobora iduka ry’uriya mucuruzi (Nyiramajyambere) babona ko ari ibisambo bahita bahamagara abapolisi.

Ati “Abanyerondo bamaze guhamagara abapolisi bakomeje gucunga abo bajura kugeza abapolisi baje babafatira mu cyuho barimo gupakira ibyo bari bamaze kwiba, babipakiraga mu modoka ifite ibirango RAB 554L nayo yahise ifatwa.”

Nyiramajyambere wari ugiye kwibwa yashimiye Polisi ndetse n’abanyerondo bitewe n’uko bashoboye kugaruza imari ye yari igiye kwibwa n’abo bajura. Umuvugizi wa Polisi mu ntara y’Amajyepfo nawe yashimiye abanyerondo ku ruhare rwabo mu gutuma abo bajura bafatwa byose biturutse ku gutangira amakuru ku gihe bariya bajura bagafatwa batarava aho bibiye.

Abafashwe bose bahise bashyikirizwa urwego rw’igihugu rushinzwe ubugenzacyaha kugira ngo bakorerwe idosiye.

Itegeko Nº68/2018 RYO ku wa 30/08/2018 riteganya ibyaha n’ibihano muri rusange Ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Huye: Padiri n’umugeni batawe muri yombi bazira umuhango wo...

Padiri Witwa Ngomanzungu Joseph,wo muri paruwasi ya Rusatira iherereye mu...
5 June 2020 Yasuwe: 3060 1

Urubanza rwa Nsabimana Callixte "Sankara"rwasubitswe kubera ikibazo...

Umucamanza mu rugereko rwihariye rw’urukiko rukuru ruburanisha ibyaha...
4 June 2020 Yasuwe: 618 1

Nsabimana Callixte uzwi nka Sankara agiye kongera kuburanishwa

Nsabimana Callixte uzwi nka Sankara wigambye ibitero bitandukanye byagiye...
3 June 2020 Yasuwe: 612 0

Urukiko rwa Gisirikare rwarekuye abasirikare 3 muri ba bandi 5 bashinjwa...

Urukiko rwa gisirikare kuri uyu wa Gatanu rwafashe icyemezo ku bujurire...
30 May 2020 Yasuwe: 1704 0

Nyanza: Abantu 24 bahamijwe n’Urukiko ibyaha by’iterabwoba n’ubugambanyi

Urukiko Rukuru, Urugereko rwihariye ruburanisha ibyaha Mpuzamahanga...
29 May 2020 Yasuwe: 902 0

Nyamagabe: Polisi yataye muri yombi umusore yafashe ari kwiba...

Polisi ikorera mu Karere ka Nyamagabe muri Sitasiyo ya Polisi ya Tare,...
29 May 2020 Yasuwe: 721 0