dnd

Ndayishimiye Rodrigue na bagenzi be baregwaga kurigisa miliyoni zirenga 39 bagizwe abere

Amakuru   Yanditswe na: Nsanzimana Ernest 4 December 2018 Yasuwe: 1483

Urukiko rwisumbuye rwa Gicumbi rwagize abere Ndayishimiye Rodrigue, Mwemayire Donat , Uwumukiza Scolastique abayobozi ku Kigo Nderabuzima cya Burega mu karere ka Rulindo bari bakurikiranyweho kunyereza arenga miliyoni 39 n’ibihumbi 450.



Muri Kanama umwaka ushize wa 2017 nibwo mu itangazamakuru humvikanye inkuru ivuga ko Rodrigue, umucungamari w’ikigo nderabuzima cya Burega, yatorokanye amafaranga y’iki kigo yari ashinzwe gucunga.

Ndayishimiye Rodrigue (umucungamari ), Mwemayire Donat (umuyobozi) na Uwumukiza Scolastique (umuforomokazi akaba n’umuyobozi w’agateganyo igihe umuyobozi mukuru adahari). Ubushinjacyaha bwabaregaga icyaha cyo kurigisa cyangwa konona umutungo giteganywa kandi kigahanishwa ingingo ya 325 y’itegeko ngenga rishyiraho igitabo cy’amategeko ahana ibyaha mu Rwanda.

Bose bireguye bahakana icyaha baregwa, basobanura ko icyaha ubushinjacyaha bubakurikiranyeho nta cyabayeho kuko ntaho umugenzuzi yigeze avuga ko amafaranga yanyerejwe ahubwo yavuze ko inyandiko zirebana n’icungwa ry’amafaranga zabitswe nabi.

Urukiko rumaze kwakira no gusuzuma ikirego rwashyikirijwe n’ubushinjacyaha, rwemeje ko ntashingiro gifite.
Rwategetse ko Ndayishimiye Rodrigue, Mwemayire Donat na Uwumukiza Scolastique bagirwa abere.

Urukiko rwategetse ko Ndayishimiye Rodrigue arekurwa uru rubanza rukimara gusomwa. Rutegeka kandi ko amagarama y’urubanza aherera ku isanduku ya Leta.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bugesera: Umugabo yatawe muri yombi azira gutema abana be b’impanga ku...

Umugabo witwa Ndayambaje Faustin,utuye mu mudugudu wa Kiruhura, akagari ka...
3 January 2020 Yasuwe: 4310 0

Gasabo: Umusaza waragiraga ingurube yishe umwana w’imyaka 4 amusambanyije...

Umusaza witwa Mathias uri mu kigero cy’imyaka 60 yatawe muri yombi akekwaho...
3 January 2020 Yasuwe: 9728 0

Gicumbi: Gitifu w’akagari yatawe muri yombi akekwaho kunyereza...

Umunyamabanga nshingwabikorwa w’Akagari ka Rwaruyumbu gaherereye mu murenge...
2 January 2020 Yasuwe: 1820 1

Gatsibo: Polisi yafashe abasore babiri batwaye imodoka irimo amasashi...

Kuri uyu wa mbere tariki ya 30 Ukuboza, Polisi ikorera mu karere ka Gatsibo...
1 January 2020 Yasuwe: 2049 0

Urubanza rwa Bazeye na Abega rwasubitswe kubera impamvu zitandukanye zirimo...

Urukiko ruburanisha imanza mpuzamahanga n’iz’iterabwoba ruri i Nyanza mu...
31 December 2019 Yasuwe: 1266 1

Umunyamakuru Mugabe wigeze kubwira umucamanza ko atari imbeba bakoreraho...

Umunyamakuru Mugabe Robert wari umaze iminsi afunzwe ashinjwa ibyaha byo...
31 December 2019 Yasuwe: 10863 0