addresiya
startimes

Nyaruguru: Agronome w’Umurenge yatawe muri yombi akekwaho kunyereza imbuto n’inyongeramusaruro byagenewe abaturage

Amakuru   Yanditswe na: Dusingizimana Remy 6 May 2020 Yasuwe: 1516

Ubuyobozi bw’akarere ka Nyaruguru buratangaza ko umuyobozi ushinzwe ubuhinzi mu murenge wa Ruheru akekwaho uburiganya ,aho yafataga ibyagenewe abaturage akabikoresha nabi,aho ishwagara,ifumbire n’imbuto y’ibirayi yafatatanyaga n’abacuruzi bakayigurisha.



Uyu Agronome w’umurenge wa Ruheru witwa MBONYUMUVUNYI Gratien yahawe ifumbire y’ishwagara n’imbuto y’ibirayi byo guha abaturage ngo babyifashishe ahaciwe amaterasi y’indinganire mu murenge wa Ruheru, mu rwego rwo kubafasha kongera umusaruro akajya abinyereza akabigurisha.

Umuyobozi w’akarere ka Nyaruguru,Habitegeko Francois, yabwiye IGIHE ko uyu muyobozi w’ubuhinzi kandi ngo yagiye ajya mu mirima y’abaturage gutera imbuto, hagati y’ikirayi n’ikindi agategeka ko hashyirwamo intera nini kugira ngo ibirayi bikoreshwa bibe bike abone ibyo asagura.

Yagize ati “Icyo twabonye mu mirima n’uko yagendaga yongera umwanya ukwiriye hagati y’urubuto n’urundi, ku buryo niba ikirayi giterwa kuri sentimetero 50, we yashyiragamo nka metero inarenga. Urumva ni ubugizi bwa nabi.”

Habitegeko yongeyeho ko uwo muyobozi yafashe ibirayi bimwe n’ifumbire, akabishyira umucuruzi ngo abimucururize ari nabwo abaturage babimenyaga bakabimenyesha inzego z’ubuyobozi.

Ati “Abaturage baduhaye amakuru turabikurikirana turabifata. Aho twabifatiye umuturage yari yagiye gushuka ngo ajye abimucururiza nawe yarabitwemereye.

Kugeza ubu ntituzi ibyo yagurishije. Ibyo dufite ni ibyo twasanze bisigaye ariko uwo munsi batubwiraga ko bamaze kugurishaho ibilo 200, ariko ibyagurishijwe mbere n’ibyo yahaye abandi ntitubizi.”

Habitegeko François yavuze ko kubera ubutaka busharira,leta iba yagennye ibifasha abaturage guhinga ibirayi ngo beze neza,harimo ifumbire,ishwagara,imbuto byose bigamije kuzamura umusaruro kuko bitunganyirizwa mu materasi ndetse no mu gutunganya ibishanga.

Uyu mukozi wari ushinzwe ubuhinzi (Agronome) uvugwaho uburiganya yahise atabwa muri yombi n’urwego rushinzwe ubugenzacyaha mu Rwanda,akaba afungiwe kuri Sitasiyo ya RIB ya Remera muri Nyaruguru.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Gasabo: Polisi yafunze abantu 20 barenze ku mabwiriza yo kwirinda COVID-19...

Polisi y’u Rwanda yerekanye abantu 20 bafunzwe bazira kurenga ku mabwiriza...
24 May 2020 Yasuwe: 1968 0

Gasabo: Polisi yataye muri yombi abasore 2 bakoraga amafaranga...

Kuri sitasiyo ya Polisi ya Ndera mu karere ka Gasabo hafungiwe abasore...
24 May 2020 Yasuwe: 1147 0

Bugesera: Umusore n’inkumi bafashwe bari kwiba ibitabo by’ikigo cy’amashuli...

Ku bufatanye n’abaturage, kuwa Gatatu tariki ya 20 Gicurasi ahagana saa yine...
22 May 2020 Yasuwe: 2228 0

Urubanza rw’ubujurire rwa ba basirikare 5 n’umusivili umwe bashinjwa ibyaha...

Urukiko rwa gisirikare i Kanombe rwasubitse urubanza mu bujurire ruregwamo...
21 May 2020 Yasuwe: 1551 0

Wa "Mugore" Perezida Kagame yababariye yari yarakatiwe imyaka 10 y’igifungo...

Kuwa Mbere tariki ya 18 Gicurasi 2020 hateranye Inama y’Abaminisitiri...
20 May 2020 Yasuwe: 12434 0

Gakenke: Padiri wa paruwasi ya Mbogo yafunzwe akekwaho gusambanya...

Urwego rw’igihugu rw’Ubugenzacyaha rwatangaje ko rwataye muri yombi mu...
18 May 2020 Yasuwe: 4038 4