startimes

RIB yataye muri yombi abayobozi 2 bo mu karere ka Nyaruguru barimo Gitifu wako

Amakuru   Yanditswe na: Dusingizimana Remy 12 June 2020 Yasuwe: 2273

Urwego rw’Igihugu rw’Ubugenzacyaha [RIB] rwafunze Ruzima Serge, Umunyamabanga Nshingwabikorwa w’akarere ka Nyaruguru na Nsengiyumva Innocent, ushinzwe ibikorwa rusange muri aka karere kubera ibyaha binyuranye bashinjwa.



Aba bayobozi bakurikiranweho ibyaha byo gutanga amasoko mu buryo bunyuranyije n’amategeko, kwakira ruswa.

Bakurikiranweho kandi gukoresha inyandiko mpimbano, gukoresha ububasha bahabwa n’itegeko mu nyungu bwite no kunyereza umutungo wa Leta.

Aba bakekwa ubu bafungiye kuri sitasiyo ya RIB ya Kibeho mu gihe iperereza rikomeje kugira ngo hakorwe dosiye ishyikirizwe Ubushinjacyaha.

RIB yaboneyeho umwanya wo kwibutsa ko umuntungo wa Leta ari ntavogerwa kandi itazihanganira umuntu wese uzawukoresha nabi.

Ibibazo byo kunyereza umutungo Leta yageneye abaturage si ubwa mbere bivuzwe muri Nyaruguru kuko kwezi gushize hatawe muri yombi abagoronome babiri bazira kunyereza imbuto n’ifumbire z’abaturage.

Agronome w’Umurenge wa Nyabimata muri aka karere ka Nyaruguru n’umwe mu bashyikirizwe inzego z’umutekano, akurikiranyweho kunyereza ifumbire y’ishwagara ndetse n’imbuto y’ibirayi byari bigenewe abaturage.

Amakuru yatanzwe n’ubuyobozi bw’Akarere ka Nyaruguru avuga ko uwo Agronome witwa Bikorimana Gilbert yari yahawe ifumbire n’imbuto y’ibirayi bigenewe abaturage ariko ntiyabibaha byose.

Kuwa 6 Gicurasi 2020, Agronome w’Umurenge wa Ruheru na we yatawe muri yombi akurikiranweho icyaha cyo kwiba ifumbire, ishwagara n’imbuto y’ibirayi byagenewe abaturage.

Hagamijwe guteza imbere ubuhinzi mu Karere ka Nyaruguru, mu mirenge ya Busanze, Nyabimata, Kivu, Ruheru na Muganza haciwe amaterasi y’indinganire ndetse n’abaturage bahabwa imbuto z’indobanure n’inyongeramusaruro kugira ngo babone umusaruro utubutse.

Izo mbuto, ifumbire n’ishwagara bihabwa ba Agronome b’imirenge kugira ngo babigeza ku bahinzi, ariko bamwe babahaye ibituzuye kugira ngo basagure ibyo kugurisha.

Bumwe mu buryo bukoreshwa mu kubyiba ni ugucukura imyobo iterwamo ibirayi mu buryo butari bwo, aho basigamo intera nini hagati y’icyobo n’ikindi bagamije gusagura ifumbire, ishwaga n’imbuto.

Ubuyobozi bw’Akarere ka Nyaruguru bwiyemeje gukora igenzura kugira ngo abatwara ibigenewe abaturage bibiryozwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Oscar

    Ni ngombwa rwose guhana abanyereza umutungo wa leta .

    3 weeks ago

Inzindi nkuru

RIB yatangaje ko iri gukora iperereza ku bayobozi barigishije amafaranga...

Urwego rw’Igihugu rw’Ubugenzacyaha [RIB] rwatangaje ko hari gukorwa iperereza...
6 July 2020 Yasuwe: 5932 2

Dr. Habumuremyi wabaye Minisitiri w’Intebe na Prof. Karuranga wayoboraga...

Dr Pierre Damien Habumuremyi wigeze kuba Minisitiri w’Intebe na Prof Egide...
5 July 2020 Yasuwe: 1746 0

Rusizi:Polisi yataye muri yombi umugabo wibye moto y’abandi akajya kuyihisha...

Polisi ikorera mu karere ka Rusizi kuri uyu wa Gatanu tariki ya 03 yafashe...
5 July 2020 Yasuwe: 439 0

Polisi y’u Rwanda yerekanye abantu binjije mu gihugu magendu n’abishe...

Polisi y’u Rwanda iravuga ko ikomeje kugenzura ibyaha byose n’ubwo yashyize...
3 July 2020 Yasuwe: 1219 0

Rubavu: Polisi yafatiye mu cyuho umusore wari ufite udupfunyika 380...

Polisi ikorera mu karere ka Rubavu, ku gicamunsi cyo kuwa Gatatu yafashe...
3 July 2020 Yasuwe: 208 0

Dr.Isaac Munyakazi ashobora gufungwa imyaka igera kuri 7 ibyaha akekwaho...

Ku wa 30 Kamena 2020 nibwo Ubushinjacyaha bwaregeye Urukiko dosiye iregwamo...
1 July 2020 Yasuwe: 1172 1