addresiya
startimes

RIB yataye muri yombi umunyamakuru wa ISHEMA TV n’umushoferi we bazira kwica gahunda ya #Gumamurugo

Amakuru   Yanditswe na: Dusingizimana Remy 15 April 2020 Yasuwe: 3477

Urwego rw’igihugu rw’Ubugenzacyaha ruratangaza ko uyu munsi rwataye muri yombi Niyonsenga Dieudonne alias Cyuma nyiri Ishema TV ikorera kuri murandasi [You Tube] hamwe n’umushoferi we Komezusenge Fidele ngo kubera ko barenze ku mabwiriza ya #GumaMurugo.



Aba bombi barashinjwa kwica amabwiriza ya Leta yashyizweho mu rwego rwo kurwanya ikwirakwizwa ryicyorezo cya COVID19 yo kuguma mu rugo barangiza bakajya hanze.

RIB ivuga ko Niyonsenga ngo yafashwe arwanya abamusabaga gusubira mu rugo yitwaza ko ari umunyamakuru amabwiriza atamureba.

Naho Komezusenge we yafatanywe ikarita imuranga nk’umunyamakuru yahawe na Niyonsenga kugira ngo izajye imutambutsa mu nzira nk’umunyamakuru kandi atari we.

RIB yagize iti “Uyu munsi RIB yafashe Niyonsenga Dieudonne alias Cyuma ufite TV Ishema ikorera kuri murandasi hamwe n’umushoferi we Komezusenge Fidele kubera ko barenze ku mabwiriza ya GumaMurugo mu rwego rwo kurwanya ikwirakwizwa ryicyorezo cya #COVID19.

Niyonsenga akaba yafashwe arwanya abamusabaga gusubira mu rugo yitwaza ko ari umunyamakuru amabwiriza atamureba. Umushoferi we yafatanywe ikarita imuranga nk’umunyamakuru yahawe na Niyonsenga Dieudonne kugirango izajye imutambutsa mu nzira nk’umunyamakuru kandi atariwe.

Abakekwa bafungiwe kuri Sitasiyo ya RIB ya Remera mu gihe iperereza rikomeje. Ibi bibaye hashize iminsi RIB yihanangiriza abantu bose bakomeje kurenga ku mabwiriza yo kwirinda ikwirakwiza ry’icyorezo cya COVID19.

RIB ikaba iboneyeho kongera kwibutsa ko nta muntu n’umwe uri hejuru y’amategeko, ko uwo ariwe wese uzarenga ku mabwiriza azakurikiranwa nk’uko amategeko abiteganya.

Aba biyongereye kuri Nsengimana Theoneste ufite télévision ikorera kuri murandasi (Online TV), wafashwe kuwa 12 Mata 2020 yahuje abaturage abizeza kubaha buri muntu amafaranga ibihumbi makumyabiri (20,000frw) maze akabafata amajwi n’amashusho babeshya ko babonye inkunga y’ibiryo.

Nanone kuwa 08 Mata 2020 mu mudugudu wa Kagondo II, Akagari ka Nyarutarama,Umurenge wa Remera, Akarere ka Gasabo, RIB yafashe abantu batandatu bahuriye mu itsinda ryiyise ABAHUJUMUTIMA barimo abanyamakuru babiri, ba AFRIMAX TV.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Gasabo: Polisi yataye muri yombi abasore 2 bakoraga amafaranga...

Kuri sitasiyo ya Polisi ya Ndera mu karere ka Gasabo hafungiwe abasore...
24 May 2020 Yasuwe: 1143 0

Bugesera: Umusore n’inkumi bafashwe bari kwiba ibitabo by’ikigo cy’amashuli...

Ku bufatanye n’abaturage, kuwa Gatatu tariki ya 20 Gicurasi ahagana saa yine...
22 May 2020 Yasuwe: 2221 0

Urubanza rw’ubujurire rwa ba basirikare 5 n’umusivili umwe bashinjwa ibyaha...

Urukiko rwa gisirikare i Kanombe rwasubitse urubanza mu bujurire ruregwamo...
21 May 2020 Yasuwe: 1548 0

Wa "Mugore" Perezida Kagame yababariye yari yarakatiwe imyaka 10 y’igifungo...

Kuwa Mbere tariki ya 18 Gicurasi 2020 hateranye Inama y’Abaminisitiri...
20 May 2020 Yasuwe: 12426 0

Gakenke: Padiri wa paruwasi ya Mbogo yafunzwe akekwaho gusambanya...

Urwego rw’igihugu rw’Ubugenzacyaha rwatangaje ko rwataye muri yombi mu...
18 May 2020 Yasuwe: 4032 4

Nyaruguru: Undi Agronome yafashwe yanyereje imbuto n’ifumbire...

Ubuyobozi bw’akarere ka Nyaruguru buravuga ko umuyobozi ushinzwe ubuhinzi mu...
18 May 2020 Yasuwe: 809 0