startimes
startimes

Rubavu: Polisi yafatiye mu cyuho umusore wari ufite udupfunyika 380 tw’urumogi

Amakuru   Yanditswe na: Dusingizimana Remy 3 July 2020 Yasuwe: 538

Polisi ikorera mu karere ka Rubavu, ku gicamunsi cyo kuwa Gatatu yafashe Uwamahoro Didier w’imyaka 27. Yafatanwe udupfunyika 380 tw’urumogi yacuruzaga mu baturage, afatirwa mu murenge wa Rubavu mu kagari ka Umuganda.


Sponsored Ad


Umuvugizi wa Polisi mu ntara y’Iburengerazuba, Chief Inspector of Police (CIP) avuga ko Polisi yari ifite amakuru ko Uwamahoro akura urumogi mu gihugu cya Repubulika iharanira Demokarasi ya Congo akaza kurucuruza mu Rwanda.

Yagize ati “Tukimara kumenya ayo makuru twateguye igikorwa cyo gufatira mu cyuho Uwamahoro. Abapolisi bamuhamagaye nk’abakiriya bamubwira ko nabo bacuruza urumogi kandi ko bashaka rwinshi rwo kurangura, Uwamahoro yarabemereye ababwira aho ari bajya kurureba.”

Yakomeje avuga ko bageze yo basanze afite turiya dupfunyika 380 tw’urumogi bahita bamufata gutyo. Amaze gufatwa yemeye ko urwo rumogi rwavuye muri Congo ruzanwe n’abana baragira inka.

CIP Karekezi yashimiye abaturage bakomeje gufasha Polisi kurwanya ibyaha n’ibindi byose byaba intandaro yo gukora ibyaha. Yakanguriye abakishora mu byaha ndetse n’ubucuruzi bw’ibiyobyobyabwenge kubireka.

Ati “Turagira ngo tumenyeshe abantu bakishora mu biyobyabwenge ko amayeri yose bakoresha yamenyekanye n’andi bazakoresha azamenyekana. Bashake ibindi bakora bibateza imbere bitabagusha mu byaha.”

Uwamahoro Didier yashyikirijwe urwego rw’ubugenzacyaha rukorera muri Sitasiyo ya Polisi ya Gisenyi kugira hakorwe iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Burundi: Abantu 08 batwikiwe mu nzu mu bice 2 bitandukanye

Abantu 8 batwikiwe mu nzu zabo mu ijoro ryo kuri uyu wa gatatu rishyira...
6 August 2020 Yasuwe: 1265 0

Huye: Meya Sebutege yiyemeje gukemura ikibazo cy’abageni gitifu yangiye...

Umuyobozi w’Akarere ka Huye, Sebutege Ange, yinjiye mu kibazo cya...
6 August 2020 Yasuwe: 1736 0

Ruhango: Bafashwe bacuruza inyama z’imbwa babeshya ko ari iz’ihene

Mu gitondo cyo kuwa mbere tariki ya 03 Kanama 2020 ,abasore batatu bafatiwe...
4 August 2020 Yasuwe: 2113 0

Polisi y’u Rwanda yerekanye abantu ibihumbi 2,046 bafashwe barenze ku...

Polisi y’u Rwanda yaramukiye mu gikorwa cyo kwerekana abantu barenze ku...
1 August 2020 Yasuwe: 2379 0

Polisi y’u Rwanda yerekanye abagabo 3 bamburaga abaturage bababeshya ko...

Mu gitondo cyo kuri uyu wa Gatanu tariki ya 31 Nyakanga Polisi y’u Rwanda...
1 August 2020 Yasuwe: 1027 0

Musanze: Urukiko rwisumbuye rwemeje ko Gitifu na bagenzi be bakubise...

Urukiko Rwisumbuye rwa Musanze rwanzuye ko rudafite ububasha bwo gucira...
30 July 2020 Yasuwe: 4775 0