dnd

Umukozi w’Inteko Ishinga Amategeko wari ukurikiranyweho gufata ku ngufu Umurundikazi yakatiwe imyaka 10

Amakuru   Yanditswe na: Dusingizimana Remy 23 December 2019 Yasuwe: 3446

Urukiko rwisumbuye rwa Gasabo kuri uyu wa Mbere rwakatiye Mushingwamana Evode wari umukozi mu Nteko Ishinga Amategeko y’u Rwanda, igifungo cy’imyaka icumi n’amande y’amafaranga miliyoni.



Mushingwamana yakatiwe icyo gihano ku cyaha yari amaze iminsi akurikiranyweho cyo gufata ku ngufu impunzi y’Umurundikazi.

Ubwo umucamanza yasomaga umwanzuro, uregwa waburanaga adafunzwe ntiyari mu rukiko, gusa yahawe iminsi itanu yo kujurira.

Ikibazo cya Mushingwamana cyamenyekanye cyane mu Ugushyingo uyu mwaka, ubwo bamwe mu bakoresha urubuga rwa Twitter bagaragazaga ko bitumvikana uburyo uregwa akomeje akazi mu Nteko Ishinga Amategeko kandi akurikiranyweho icyaha cyo gufata ku ngufu.

Kuwa 2 Ukuboza, Inteko Ishinga Amategeko yasohoye itangazo imenyesha ko yahagaritse Mushingwamana.

Uyu mugabo yashinjwaga kuba yarabeshye impunzi y’Umurundikazi ko agiye kuyiha akazi, yagera mu rugo akamukingirana mu nzu akajya amufata ku ngufu.

Umwe mu bazi neza iki kibazo, yabwiye IGIHE dukesha iyi nkuru ko Mushingwamana yafungiranye uwo mukobwa wari ufite imyaka 19, ibiryo n’ibindi byangombwa nkenerwa byose akajya abihererwa mu nzu.

Bivugwa ko yaje kumutera inda akamutererana ndetse akagerageza kumwica kugeza ubwo uwo mukobwa atorotse ubu akaba abeshejweho no gufashwa n’abagiraneza.

Hashize amezi make abyaye, ariko ubushinjacyaha buvuga ko akimara kubyara uregwa yihakanye umwana, biba ngombwa ko bajya gupimisha isano ye n’uwo mwana hakoreshejwe uturemangingo duto (ADN). Ibizamini byafashwe byaje bigaragaza ko umwana ari uwe.

Inkuru ya IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mujyanama

    igitsina kizabakoraho mwa bagabo mwe. mwagiye muyiraza muri frigo

    3 weeks ago

Inzindi nkuru

Bugesera: Umugabo yatawe muri yombi azira gutema abana be b’impanga ku...

Umugabo witwa Ndayambaje Faustin,utuye mu mudugudu wa Kiruhura, akagari ka...
3 January 2020 Yasuwe: 4323 0

Gasabo: Umusaza waragiraga ingurube yishe umwana w’imyaka 4 amusambanyije...

Umusaza witwa Mathias uri mu kigero cy’imyaka 60 yatawe muri yombi akekwaho...
3 January 2020 Yasuwe: 9736 0

Gicumbi: Gitifu w’akagari yatawe muri yombi akekwaho kunyereza...

Umunyamabanga nshingwabikorwa w’Akagari ka Rwaruyumbu gaherereye mu murenge...
2 January 2020 Yasuwe: 1823 1

Gatsibo: Polisi yafashe abasore babiri batwaye imodoka irimo amasashi...

Kuri uyu wa mbere tariki ya 30 Ukuboza, Polisi ikorera mu karere ka Gatsibo...
1 January 2020 Yasuwe: 2052 0

Urubanza rwa Bazeye na Abega rwasubitswe kubera impamvu zitandukanye zirimo...

Urukiko ruburanisha imanza mpuzamahanga n’iz’iterabwoba ruri i Nyanza mu...
31 December 2019 Yasuwe: 1268 1

Umunyamakuru Mugabe wigeze kubwira umucamanza ko atari imbeba bakoreraho...

Umunyamakuru Mugabe Robert wari umaze iminsi afunzwe ashinjwa ibyaha byo...
31 December 2019 Yasuwe: 10869 0