startimes

Urukiko rw’ikirenga rwategetse ko haba impinduka mu misoro ku butaka

Amakuru   Yanditswe na: Dusingizimana Remy 29 November 2019 Yasuwe: 3231

Urukiko rw’ikirenga mu Rwanda rwatesheje agaciro zimwe mu ngingo zigize ikirego cy’umunyamategeko ariko rusanga hari ingingo yaregeye ifite ishingiro mu misoro ku butaka kandi rutegeka ko ihindurwa.



Umunyamategeko Edouard Murangwa yaregeye urukiko rw’ikirenga avuga ko zimwe mu ngingo z’itegeko ry’umutungo urimukanwa rishyira ubusumbane hagati y’abasoreshwa kandi itegeko rigomba kurengera abaturage kimwe.

Yareze asaba ko ingingo enye zikurwa muri iri tegeko, urukiko rw’ikirenga uyu munsi kuwa gatanu rwavuze ko eshatu muri zo nta shingiro zifite.

Imwe muri izi ngingo yateshejwe agaciro ni aho itegeko rivuga ko inzu zo guturamo zisoreshwa 1% by’agaciro kazo ku mwaka, iz’ubucuruzi 0,5% naho iz’inganda 0,1%.

Bwana Murangwa yavugaga ko bitumvikana uko inzu zinjiza amafaranga macye zisoreshwa amafaranga menshi kurusha inzu zinjiza umutungo munini nk’inganda n’amaduka.

Aha urukiko rwavuze ko nta busumbane rwasanzemo kuko ntaho bibujijwe gusoresha hashingiwe ku byiciro by’abantu bafite icyo bahuriyeho.

Bwana Murangwa yaregeye kandi ko gusoresha 100% ibibanza bitubatse ari nko guhanira umuntu kuba adafite ubushobozi, urukiko rwayitesheje agaciro ruvuga ko igamije gushishikariza abantu kubyaza umusaruro ubutaka bafite.

Gusa umucamanza yavuze ko iyi ngingo igomba gusobanuka hagaragazwa neza igihe cyashira kugira ngo ikibanza kitwe ko kidakoreshwa.

Uru rukiko rwavuze ko uyu munyamategeko afite ukuri ku ngingo itegeka gusora hongeweho 50% ku butaka burenze ku rugero rw’ikibanza rwemejwe n’itegeko rishya ry’ubutaka.

Urukiko rwavuze ko birimo akarengane kuko ababonye ikibanza mbere y’iryo tegeko bazatandukana mu musoro n’ababibonye ryaramaze kujyaho kandi basorera ubuso bungana.

Urukiko rwategetse ko iyi ngingo iteshwa agaciro kandi igahita ivanwa mu zigize itegeko ry’ubutaka mu Rwanda.

Umusoro ku mitungo itimukanwa mu Rwanda cyakomeje gukurura impaka cyane cyane mu bafite inzu.

Itegeko rishya rivuga ko inzu ikoreshwa itanga imisoro itatu itandukanye; umusoro ku butaka yubatseho, umusoro ku gaciro k’iyo nzu utangwa buri mwaka n’umusoro ku bukode.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble samu

    ukuri muribyose

    5 months ago
  • chat_bubble samu

    ukuri muribyose

    5 months ago

Inzindi nkuru

RIB yatangaje ko iri gukora iperereza ku bayobozi barigishije amafaranga...

Urwego rw’Igihugu rw’Ubugenzacyaha [RIB] rwatangaje ko hari gukorwa iperereza...
6 July 2020 Yasuwe: 7896 2

Dr. Habumuremyi wabaye Minisitiri w’Intebe na Prof. Karuranga wayoboraga...

Dr Pierre Damien Habumuremyi wigeze kuba Minisitiri w’Intebe na Prof Egide...
5 July 2020 Yasuwe: 1855 0

Rusizi:Polisi yataye muri yombi umugabo wibye moto y’abandi akajya kuyihisha...

Polisi ikorera mu karere ka Rusizi kuri uyu wa Gatanu tariki ya 03 yafashe...
5 July 2020 Yasuwe: 532 0

Polisi y’u Rwanda yerekanye abantu binjije mu gihugu magendu n’abishe...

Polisi y’u Rwanda iravuga ko ikomeje kugenzura ibyaha byose n’ubwo yashyize...
3 July 2020 Yasuwe: 1282 0

Rubavu: Polisi yafatiye mu cyuho umusore wari ufite udupfunyika 380...

Polisi ikorera mu karere ka Rubavu, ku gicamunsi cyo kuwa Gatatu yafashe...
3 July 2020 Yasuwe: 222 0

Dr.Isaac Munyakazi ashobora gufungwa imyaka igera kuri 7 ibyaha akekwaho...

Ku wa 30 Kamena 2020 nibwo Ubushinjacyaha bwaregeye Urukiko dosiye iregwamo...
1 July 2020 Yasuwe: 1221 1