startimes

Urukiko rwa Gisirikare rwarekuye abasirikare 3 muri ba bandi 5 bashinjwa gufata ku ngufu abagore

Amakuru   Yanditswe na: Dusingizimana Remy 30 May 2020 Yasuwe: 1740

Urukiko rwa gisirikare kuri uyu wa Gatanu rwafashe icyemezo ku bujurire bw’abasirikare mu ngabo z’igihugu bashinjwa ibyaha byo gufata ku ngufu abagore, gukubita abaturage no guta akazi.



Urukiko rwategetse ko babiri bakomeza gufungwa iminsi 30 y’agateganyo n’aho abandi batatu bakarekurwa kuko nta bimenyetso bifatika by’ibyo baregwa.

Ku wa 13 Gicurasi 2020 nibwo Urukiko rwa Gisirikare rwari rwafashe umwanzuro wo gufunga mu gihe cy’iminsi 30 y’agateganyo, abasirikare batanu n’umusivili umwe. Ni umwanzuro abasirikare bahise bajuririra.

Abaregwa ni Pte Ndayishimiye Patrick, Pte Nishimwe Fidèle, Pte Gatete François, Pte Gahirwa John, Pte Twagirimana Theonetse n’umusivile witwa Ntakazirabo Donat.

Bakurikiranyweho ibyaha birimo gukubita no gukomeretsa, gukoresha imibonano mpuzabitsina ku gahato no guta inshingano, bivugwa ko babikoreye mu Mudugudu wa Kangondo ya II mu Murenge wa Remera mu Karere ka Gasabo.

Urukiko rwategetse ko John Gahirwa, Theoneste Twagirimana na François Gatete barekurwa.

Abakomeje gufungwa ni Patrick Ndayishimiye na Fidele Nishimwe, kuko bakurikiranweho kuba barakoze icyaha cyo gufata abagore ku ngufu. Rwategetse ko bakomeza gufungwa iminsi 30 y’agateganyo mu gihe hakomeje irindi perereza.

Abatangabuhamya bavuga ko uwitwa Patrick Ndayishimiye ariwe wagenzuriraga uwitwa Fidele Nishimwe, mu gihe yabaga arimo gufata ku ngufu uwitwa Chantal Uwamariya na Cyuzuzo. Ibi byabaye kuva tariki 12 kugeza kuri 18 Werurwe uyu mwaka.

Umusifilive witwa Rajab’ Ntakaziraho we ntiyigeze ajuririra gufungwa iminsi 30 y’agateganyo.

Kuwa Mbere tariki ya 11 Gicurasi 2020,nibwo Urukiko rwa Gisirikare i Kanombe rwaburanishije urubanza ku ifunga n’ifungura ry’agateganyo riregwamo abasirikare 5 n’umusivili 1 bakurikiranyweho ibyaha binyuranye bakekwa ko bakoreye ahazwi nka Bannyahe muri Nyarutarama.

Nubwo byari byitezwe ko iburanisha ribera mu ruhame ahabereye icyaha nk’uko byatangajwe na Minisiteri y’Ingabo mu Ntangiriro z’ukwezi kwa Mata 2020,ntibyakunze kubera ingamba zo kwirinda icyorezo cya COVID-19.

Kuwa 02 Mata 2020 nibwo bamwe mu baturage bo mu mudugudu wa Kangondo ya kabiri mu karere ka Gasabo mu mujyi wa Kigali, ahazwi nko muri Bannyahe, bavuze ko hari hashyize ibyumweru bibiri abasirikare babatera bakabahohotera ndetse bagafata ku ngufu abagore.

RDF ishimangira ko itazihanganira abasirikare b’u Rwanda bica amategeko y’Igihugu cyangwa amahame y’umwuga w’Igisirikare igenderaho arimo guharanira ubutabera, kubungabunga umutekano w’abantu, ibyabo n’Igihugu muri rusange ndetse no gutabara rubanda nk’uko biri mu nshingano zayo z’ibanze.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi y’u Rwanda yerekanye abantu 15 bishe amabwiriza yo kwirinda COVID-19...

Polisi y’igihugu yerekanye abantu 15 batawe muri yombi barenze ku mabwiriza...
10 July 2020 Yasuwe: 2273 0

Gicumbi: Umwarimu w’imyaka 33 yatawe muri yombi akekwaho gusambanya umwana...

Umwarimu witwa Ndamukunda Aimable wigishaga ku kigo cy’amashuri abanza cya...
7 July 2020 Yasuwe: 6860 2

RIB yatangaje ko iri gukora iperereza ku bayobozi barigishije amafaranga...

Urwego rw’Igihugu rw’Ubugenzacyaha [RIB] rwatangaje ko hari gukorwa iperereza...
6 July 2020 Yasuwe: 7990 2

Dr. Habumuremyi wabaye Minisitiri w’Intebe na Prof. Karuranga wayoboraga...

Dr Pierre Damien Habumuremyi wigeze kuba Minisitiri w’Intebe na Prof Egide...
5 July 2020 Yasuwe: 1900 0

Rusizi:Polisi yataye muri yombi umugabo wibye moto y’abandi akajya kuyihisha...

Polisi ikorera mu karere ka Rusizi kuri uyu wa Gatanu tariki ya 03 yafashe...
5 July 2020 Yasuwe: 554 0

Polisi y’u Rwanda yerekanye abantu binjije mu gihugu magendu n’abishe...

Polisi y’u Rwanda iravuga ko ikomeje kugenzura ibyaha byose n’ubwo yashyize...
3 July 2020 Yasuwe: 1283 0