addresiya
Kigali
startimes

Abandi barwayi 11 ba Coronavirus mu Rwanda bakize barasezererwa mu bitaro

Amakuru   Yanditswe na: Dusingizimana Remy 11 April 2020 Yasuwe: 3083

Minisitiri w’Ubuzima,Dr Ngamije Daniel yatangarije RBA ko abantu 11 bari mu bitaro barwaye Coronavirus mu Rwanda bakize ndetse uyu munsi bakaba basezererwa nyuma yo gupimwa n’abaganga bagasanga iyi ndwara yarabashizemo.



Kuri uyu wa Gatandatu tariki ya 11 Mata 2020,nibwo abandi bantu 11 bari bamaze igihe barwaye Coronavirus basezererwa mu bitaro,bituma umubare w’abamaze gukira iki cyorezo uzamuka cyane ugera ku bantu 18.

Ibi Minisitiri w’Ubuzima Dr Ngamije Daniel yabitangarije mu kiganiro yari yatumiwemo kuri Televiziyo Rwanda kuri uyu wa Gatandatu,cyagarukaga ku ishusho ya COVID-19 mu Rwanda n’uburyo ingamba zafashwe zishyirwa mu bikorwa. Yari kumwe na Minisitiri w’Ubutabera, Busingye Johnston,n’ Umuvugizi wa Polisi, CP John Bosco Kabera

Yagize ati “Mu bantu bose tumaze gusuzuma, abantu 118 bagaragayeho ubu burwayi kugeza uyu munsi wa none. Muri bo twasezereye barindwi ku cyumweru gishize, ndetse uyu munsi wa none turateganya gusezerera abantu 11, nibaza ko ubu muri aya masaha ababishinzwe barimo kubikora.”

Minisitiri w’Ubuzima yavuze ko kugeza ubu bamaze gupima abantu ibihumbi 8. Aho habonetse abarwaye 118. Hakaba hamaze gusezererwa abantu 18 bakize.

Kuwa 05 Mata 2020,nibwo abantu bane ba mbere mu bagaragayeho koronavirusi mu Rwanda basezerewe nyuma y’aho abaganga bemeje ko bakize iki cyorezo.
Batatu mu basezerewe bari Abanyarwanda naho umwe akomoka mu gihugu cy’u Burundi.

Aba bavuze ko mu minsi isaga 20 bamaze bitabwaho n’abaganga mu kigo cya Kanyinya gifashirizwamo abarwayi ba koronavirusi, ngo icyizere cyo gukira cyakomeje kwiyongera, byumwihariko ku Umurundi NAHIMANA Fabrice wasezerewe kuko ngo yeretswe urukundo na buri wese mu bamwitagaho.

Umuyobozi w’ikigo cya Kanyinya gifashirizwamo abanduye icyorezo cya koronavirusi, Capt. Dr. NAHAYO Ernest, yavuze ko n’abandi bazagenda basezererwa buhoro buhoro birangira no mu ntangiriro z’iki cyumweru hasezerewe abandi 3.

Umuyobozi w’ikigo cy’igihugu cy’ubuzima RBC, Dr. Sabin NSANZIMANA we yavuze ko kuba mu Rwanda hari abarwayi barimo gukira icyorezo cya koronavirusi ari ikimenyetso kigaragaza ko aribwo urugamba rwo guhangana n’iki cyorezo rugitangira.

Nyuma yo gusezerera abantu 18, u Rwanda rusigaranye abarwayi 100 mu bigo bibiri birimo kubitaho, kandi bose bameze neza.

Minisitiri Ngamije yavuze ko kugeza uyu munsi wa none u Rwanda rufite amahirwe,kuko nta muntu wasanganwe Coronavirus wari wajya aho tuvurira indembe nubwo hateganyijwe.

Minisitiri w’Ubutabera Busingye Johnston yavuze ko abantu batigaragaza bafite ibimenyetso bya koronavirusi baba bakoze icyaha bahanirwa n’amategeko.

Minisiteri y’Ubuzima ivuga ko Abanyarwanda n’abandi barwinjiyemo bashyirwa mu kato mu gihe cy’iminsi 14, guhera igihe bagereye mu gihugu mu gukomeza kwirinda ikwirakwira rya Coronavirus.

U Rwanda rwafashe ingamba zirimo guhagarika ibikorwa bitandukanye no kuguma mu rugo mu kwirinda ikwirakwira rya Coronavirus, yarubonetsemo bwa mbere ku wa 14 Werurwe 2020.

Abaturarwanda basabwa gukomeza kubahiriza amabwiriza y’inzego z’ubuzima mu kwirinda ikwirakwira rya Coronavirus, hitabwa cyane cyane ku gukaraba intoki kenshi hifashishijwe amazi meza n’isabune cyangwa alukolo yabugenewe, hanubahirizwa intera ya metero imwe hagati y’umuntu n’undi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Handuye abantu 13 mu Rwanda hakira abandi 2 kuri uyu wa...

Imibare ya Minisiteri y’Ubuzima yagaragaje ko kuri uyu wa 03 Kamena 2020...
3 June 2020 Yasuwe: 1157 0

Perezida Kagame yitabiriye inama ya OACPS yize ku ngamba zo gukomeza...

Kuri uyu wa Gatatu,tariki ya 03 Kamena 2020, Perezida Kagame yitabiriye...
3 June 2020 Yasuwe: 590 0

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 5164 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3617 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2554 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1552 0