Kigali
startimes

Bakundukize Ruth wishwe n’indwara idasanzwe yashyinguwe abaturanyi bati” Tubuze inshuti y’Abana bacu”

Amakuru   Yanditswe na: Ubwanditsi 21 November 2019 Yasuwe: 6783

Bakundukize Ruth yasezeweho bwa nyuma akaba yarazize uburwayi budasanzwe bwamufashe afite imyaka irindwi gusa, yavutse mu mwaka wa 1981 akaba yitabye Imana aguye ku iseta ubwo abaganga b’inzobere bavuye mu gihugu cy’Ubudage bageragezaga kumubaga igisa n’amabere cyari cyarameze ku kaboko ke k’ibumoso,abaturanyi bavuze ko babuze inshuti y’abana mu gace batuyemo.



Ababyeyi batuye mu mudugudu wa Buvano,Akagari ka Busoro,umurenge wa Nyamyumba bavuga ko urupfu rwa Bakundukize Ruth rwabashenguye umutima kuko yareraga abana b’uburusisiro rwose.

Uwera avuga ko abana iyo bavaga kw’ishuri batanyuraga iwabo batarajya gusuhuza Ruth bitewe nuko yabakundaga cyane nabo bakamukunda ndetse rimwe na rimwe bagasanga yababikiye ibyo kurya baba abo mu muryango we ndetse naba baturanyi.

Yagize ati” Ruth yari inshuti y’abana bose bo mu rusisiro atarobanuye,abana bavaga ku ishuri mbere yuko bajya iwabo babanzirizaga aho Ruth yabaga aryamye bagasanga yababikiye ibiryo bamara kurya akabaganiriza ijambo ry’Imana ku buryo bageraga iwabo hashize nk’amasaha abiri,abana babuze inshuti yabo magara”.

Ababyeyi n’abana ubwabo bashenguwe n’urupfu rwa Ruth,amarira yari menshi bavuga ko babuze umuntu w’ingenzi mu buzima bwabo.

Abafashe ijambo bose bashimye Ruth uburyo yitwaye mu burwayi ayaramaranye imyaka 32 bavuga ko yakundaga gusenga cyane bagatangazwa n’uburyo yarazi amasomo menshi yo muri Bibiriya kandi atazi gusoma no kwandika.

Ubu burwayi budasanzwe bwafashe Ruth aribwo agitangira mu mwaka wa mbere w’amashuri abanza buramuzahaza birangira arivuyemo kuko ataragishoboye kwiga.
Bakundukize Ruth ntiyigeze ashaka umugabo kuko ubu burwayi butamukundiye nkuko bitangazwa nabo mu muryango we bavuga ko yararemerewe cyane n’igisa n’amabere manini yari yarameze ku kaboko kw’ibumoso kuko yari yarahengamye urutugu kubera uburemere bw’uburwyi yarafite.

Umuryango we utangaza ko abaganga ubwo bari bamaze kumubaga baberetse igisa n’amabere bakuye ku mubiri we bagishyize ku munzani basanga gipima ibiro birenga bitanu.

Bakundikize Ruth yajyanywe mu bitaro bya Gisenyi tariki 13.11.2019 ahava yoherejwe ku bitaro bya Murunda kuwa 14.11.2019, ahari abaganga baturutse mu gihugu cy’Ubudage bamubaga tariki 18.11.2019 ari nabwo yahise yitaba Imana aguye ku iseta.

Author : Ubwanditsi

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1546 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 11002 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1699 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1586 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 7717 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3754 1