addresiya
Kigali
startimes

BOSENIBAMWE Aimé wayoboraga NRS yitabye Imana azize uburwayi

Amakuru   Yanditswe na: Dusingizimana Remy 23 May 2020 Yasuwe: 6857

Uwari umuyobozi mukuru w’ikigo cy’igihugu gishinzwe igororamuco (National Rehabilitation Service: NRS),Bosenibamwe Aimé, yitabye Imana kuri uyu wa Gatandatu tariki ya 23 Gicurasi 2020,azize uburwayi mu bitaro bikuru bya Kibuye.



Bosenibamwe Aime w’imyaka 50 wakoze imirimo myinshi ya Leta irimo no kuba Umuyobozi w’Intara y’Amajyaruguru yamazeho imyaka irindwi,yahitanwe n’uburwayi mu saha ya mu gitondo cyo kuri uyu wa Gatandatu.Ubuyobozi bw’ibitaro bya Kibuye bwatangaje ko yazize uburwayi busanzwe .

Bosenibamwe yari afite impamyabumenyi y’icyiciro cya kabiri cya kaminuza mu bijyanye n’ikoranabuhanga mu buhinzi yakuye muri Kaminuza ya Kisangani.

Yamaze imyaka 7 ayobora Intara y’Amajyaruguru, mbere yaho akaba yarayoboraga akarere ka Burera gaherereye muri iyo ntara. Mu bindi yakoze harimo kuba umunyamabanga nshingwabikorwa w’icyahoze ari Intara ya Kibungo ndetse yanakoze muri MINAGRI, mbere yaho akaba yaranabaye umwarimu.

Bosenibamwe yavukiye mu karere ka Rubavu mu Murenge wa Kanama,atabarutse afite imyaka isaga 50.Yari umugabo wubatse kuko yashakanye na Sifa Gloriose banafitanye abana.

Ku wa gatanu tariki ya 30 Kamena 2017 nibwo yagizwe umuyobozi mukuru w’ikigo cy’igihugu gishinzwe igororamuco nkuko byanyuze mu itangazo ry’ibyemezo by’inama y’abaminisitiri yabereye muri Village Urugwiro, iyobowe na Perezida wa Repubulika Paul Kagame.

Bosenibamwe Aime yibukirwa kuri byinshi yakoze mu guteza imbere intara y’Amajyaruguru ubwo yari Guverineri wayo ndetse kwicisha bugufi n’umurava nibyo byamurangaga.

Nubwo Bosenibamwe Aimé yari umuyobozi wari uzwiho umurava mu kazi ke gasanzwe,yagiye agaragara nk’umuntu w’umunyembaraga kugeza no mu bikorwa by’umuganda akora imirimo y’amaboko bamwe batabikeka nko kwikorera ingiga z’ibiti,amabuye manini guhinga ari imbere n’ibindi.

Bamwe mu bayobozi bahagarikira abaturage mu mirimo itandukanye y’amaboko bakayibakoresha ariko kuri Bosenibamwe we byari ikinyuranyo, kuko ahubwo hari n’aho abaturage bagaragaza ubunebwe ariko we ntacike intege ndetse ntanabasiganye ahubwo akabyikorera, iteka imbaraga ze n’umurava yagaragazaga mu mirimo y’ingufu yashimishaga benshi.

Bosenibamwe yibukirwa cyane ku kuntu mu mwaka wa 2016 yahihibikanye akaniyemeza kuyobora itsinda ry’abafana bashakaga ko Umuhoza Sharifa akora amateka akaba Nyampinga w’u Rwanda wa mbere ukomoka mu ntara y’Amajyaruguru nubwo atabigezeho.

Uyu kandi atabarutse yari afite intego yo gufasha umuhanzi Abouba Star wo mu karere ka Rubavu wari warabaswe n’ibiyobyabwenge byageze aho bimusaza akava mu rugo akajya ku muhanda.





Bosenibamwe wabaye icyitegererezo ku mirimo ye yatabarutse

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hitimana

    Nawe azize Diabetes.Ni nayo yishe Prof.Nkusi Laurent ejobundi.Twihanganishije umuryango wa Bosenibamwe Aime.Twamukundaga turi benshi.C’est le chemin de toute la terre (ni iwabo wa twese).Nobody can escape Death.Impamvu twese turwara,tugasaza kandi tugapfa,nuko duturuka kuli DNA (ADN) ya Adamu yanduye amaze gukora icyaha.Ariko nk’abakristu,ntitugatinye urupfu.Tujye twemera tudashidikanya na busa yuko abantu bose bapfa bumviraga Imana,batiberaga mu gushaka ibyisi gusa,ahubwo bagashaka n’Imana bakiriho nkuko Yesu yadusabye,azabazura ku munsi wa nyuma akabaha ubuzima bw’iteka muli Paradizo.Ni Yesu ubwe wabivuze muli Yohana 6,umurongo wa 40.Muli Matayo 6 umurongo wa 33,Yesu yasize adusabye “gushaka mbere na mbere ubwami bw’Imana”.Aho kutabyemera cyangwa gushidikanya,dukore kugirango tubeho,tubifatanye no gushaka Imana kugirango izatuzure kuli uwo munsi utari kure.Ntabwo iyo dupfuye tuba twitabye Imana nkuko benshi bavuga.Siko bible ivuga.Ahubwo abumvira Imana izabazura kuli uwo munsi.Abakora ibyo Imana itubuza,kimwe n’abibera mu byisi gusa,Bible yerekana ko batazazuka. Iyo bapfuye biba birangiye batazongera kubaho.

    1 week ago
  • chat_bubble king

    Imana imwakire mubayo, dore ko yari ’umukristo akora nka diakoni, bidakozwa benshi mu bayobozi bo kurwego nk’urwe. RIP Aime

    1 week ago

Inzindi nkuru

Hamazwe impungenge ku bibazaga kuba hagiye gufungurwa ingendo hagati...

Umuyobozi w’ikigo cy’igihugu cy’ubuzima Dr. Nsanzimana Sabin yatangaje ko u...
30 May 2020 Yasuwe: 3893 0

Covid-19: Abantu 6 banduye Coronavirus mu Rwanda hakira 2 kuri uyu wa...

Minisiteri y’Ubuzima mu Rwanda yatangaje ko Kuri uyu wa Gatanu tariki 29...
29 May 2020 Yasuwe: 508 0

COVID-19 Habonetse abantu 3 bashya banduye Coronavirus mu Rwanda nta wakize...

Minisiteri y’Ubuzima mu Rwanda yatangaje ko Kuri uyu wa Kane tariki 28...
28 May 2020 Yasuwe: 458 0

RURA yahaye abamotari amabwiriza mashya bagomba gukurikiza mu kurwanya...

Urwego Ngenzuramikorere mu Rwanda, RURA, rwahaye amabwiriza mashya abatwara...
28 May 2020 Yasuwe: 1702 0

Covid-19: Habonetse abantu 7 bashya banduye Coronavirus mu Rwanda hakira...

Minisiteri y’Ubuzima mu Rwanda yatangaje ko Kuri uyu wa Gatatu tariki 27...
27 May 2020 Yasuwe: 598 0

Polisi y’u Rwanda yatangaje impamvu 4 zatumye ifunga igitaramo cyo kuri You...

Umuvugizi wa Polisi y’u Rwanda,CP John Bosco Kabera,yatangaje ko yafunze...
27 May 2020 Yasuwe: 937 0