Kigali

Ibitaro bya CARAES-Ndera byemeje ko Barafinda yasanganywe uburwayi

Amakuru   Yanditswe na: Dusingizimana Remy 4 March 2020 Yasuwe: 8748

Umugabo witwa Barafinda Sekikubo Fred wamenyekanye cyane ubwo yashakaga kwiyamamariza kuyobora u Rwanda yajyanwe mu bitaro bisuzuma indwara zo mu mutwe by’I Ndera mu Karere ka Gasabo bamusangana uburwayi butatangajwe.



Nyuma y’aho Urwego rw’igihugu rw’ubugenzacyaha rufashe umwanzuro wo kujyana ku bitaro bivura indwara zo mu mutwe Barafinda kugira ngo asuzumwe niba nta burwayi bwo mu mutwe afite, amakuru dukesha Umuseke avuga ko basanze arwaye.

Kuri uyu wa Gatatu, taliki 04 Werurwe 2020, umuvugizi w’Ubugenzacyaha Marie Michelle Umuhoza yabwiye iki kinyamakuru ko ibisubizo bahawe n’abaganga byemeza ko Barafinda Sekikubo Fred arwaye.

Ati: “ Amakuru ibitaro bya Ndera byaduhaye ku byerekeye ubuzima bwo mutwe bwa Barafinda avuga ko basanze arwaye, ariko sinakubwira ngo arwaye iyi ndwara kuko biba bikiri ibanga…”



Abajijwe niba RIB yaba yakuyeho ibyo yakurikiranagaho Barafinda, Marie Michelle Umuhoza yavuze ko atagikurikiranwe.

Mu kwezi gushize nibwo Barafinda Sekikubo Fred yatawe muri yombi,nyuma yo kwandikirwa ibaruwa kuwa 05 Gashyantare na RIB asabwa kwitaba kuwa 10 Gashyantare 2020 ntabikore.

Nyuma y’ibisubizo yahaye RIB amaze gutabwa muri yombi, byatumye biyemeza kumujyana i Ndera kumusuzumisha.



Umuvugizi wa RIB, Marie Michelle Umuhoza yavuze ko bahamagaje Barafinda Sekikubo Fred inshuro nyinshi ngo agire ibyo asobanura ku mvugo ze kuri YouTube ntiyitaba, biba ngombwa ko afatwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyabihu: Inkuba yakubise ababaji babiri bahasiga ubuzima

Abagabo 2 bakoraga akazi k’ububaji basanzwe bapfuye, kuri uyu wa Mbere...
31 March 2020 Yasuwe: 1625 0

Manchester United yiyemeje gushora miliyoni 135 z’amapawundi ku mukinnyi...

Ikipe ya Manchester United yatangiye gutekereza uko yaziyubaka mu mwaka...
30 March 2020 Yasuwe: 3102 0

Covid-19:Umuryango nyarwanda uharanira uburenganzira bwa muntu wagobotse...

Umuryango nyarwanda utari uwa Leta uharanira Uburenganzira bwa Muntu...
30 March 2020 Yasuwe: 1282 0

Abanyarwanda basabwe kwirinda gukoresha imiti aho itagenewe bagerageza...

Ikigo gishinzwe kugenzura ibiribwa n’imiti mu Rwanda (FDA) kibwira abaturage...
30 March 2020 Yasuwe: 843 0

Umuti ufasha abanduye Coronavirus ugiye kugeragerezwa mu Rwanda

Ubuyobozi bw’Ikigo gishinzwe kugenzura Ibiribwa n’Imiti mu Rwanda, Rwanda...
30 March 2020 Yasuwe: 12638 0

Gicumbi:Umusore yishe se umubyara akoresheje umuhini

Umusore w’imyaka 24 witwa Marcel Muvandimwe wo mu Kagari ka Murama, Umurenge...
30 March 2020 Yasuwe: 3079 0