skol
Kigali
startimes

Komisiyo y’Uburenganzira bwa muntu yasuye Rusesabagina aho afungiye imukorera ubuvugizi

Amakuru   Yanditswe na: Dusingizimana Remy 22 September 2020 Yasuwe: 12373

Komisiyo y’Igihugu y’Uburenganzira bwa Muntu yatangaje ko yasuye Bwana Paul Rusesabagina tariki ya 16 Nzeri aho afungiye kuri Sitasiyo ya Polisi ya Remera bagirana ibiganiro.


Umuyobozi wa Komisiyo y’Uburenganzira bwa muntu, Mukasine Marie Claire, yatangaje ko basuye Paul Rusesabagina aho afungiye, hagamijwe kureba uko uburenganzira bwe bwubahirizwa mu bijyanye n’imibereho myiza no guhabwa ubutabera buboneye.

Uyu muyobozi yavuze ko uburenganzira bwe bwubahirizwa ndetse ko bamukoreye ubuvugizi ku byifuzo bye birimo kongererwa igihe avugana n’umuryango we.

Ibiganiro bya Rusesabagina n’iyi komisiyo, byabaye mu muhezo kugira ngo yisanzure avuge icyo atekereza cyose.

Mu kiganiro iyi komisiyo yagiranye n’itangazamakuru kuri uyu wa Kabiri, yavuze ko yasanze uburenganzira bwa Rusesabagina ku mibereho myiza bwubahirizwa, kimwe n’ubujyanye n’ubuzima kuko igihe cyose yabaga afite ikibazo kijyanye n’ubuzima yajyanwaga kwa muganga, agahabwa ubuvuzi akeneye kandi arindwa no kwandura COVID-19.

Mukasine yavuze ko bakoreye Rusesabagina ubuvugizi, kandi nta gushidikanya ko ibyo basabye bizashyirwa mu bikorwa.

Ati “Ububasha komisiyo ihabwa n’Itegeko Nshinga ry’u Rwanda n’ingero z’ibyo twakoze mu myaka ishize, bituma tudashidikanya ko ibyo twasabiye Rusesabagina azabihabwa.”

Iyi komisiyo ivuga ko ifatwa rya Rusesabagina, gukurikiranwa n’ubugenzacyaha, uburyo dosiye ye yashyikirijwe ubushinjacyaha, igihe ntarengwa cyo kuba yaregewe urukiko ndetse n’igihe ntarengwa cyo kuba urukiko rwamuburanishije kandi rugafata umwanzuro ku ifungwa n’ifungurwa ry’agateganyo, byose byubahirije amategeko.

Mukasine ati “Ntabwo twebwe dutangaza ibyo tudafitiye gihamya. Tuba twemerewe gufata amajwi n’amashusho ku buryo uwabishaka twabimuha.”

Rusesabagina yeretswe itangazamakuru ku wa 31 Kanama 2020, ku wa 14 Nzeri agezwa imbere y’urukiko amenyeshwa ibyaha 13 akekwaho birimo iby’iterabwoba.

Urukiko rw’Ibanze rwa Kicukiro rwemeje ko afungwa iminsi 30 y’agateganyo mu gihe iperereza rigikomeje ku byo ashinjwa, umwanzuro yahise ajuririra.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 02 banduye Coronavirus mu Rwanda ntihakira n’umwe

Minisiteri y’Ubuzima yatangaje ko mu bipimo 1725 byafashwe kuri uyu wa 29...
29 October 2020 Yasuwe: 808 0

Abantu 45 biganjemo abo mu nkambi y’impunzi banduye Covid-19 mu...

Kuri uyu wa Gatatu tariki ya 28 Ukwakira 2020,Minisiteri y’Ubuzima yatangaje...
28 October 2020 Yasuwe: 1802 0

Covid-19 yahitanye umubyeyi w’imyaka 88 mu Rwanda abandi 11 barayandura

Kuri uyu wa Kabiri tariki ya 27 Ukwakira 2020,Minisiteri y’Ubuzima yatangaje...
27 October 2020 Yasuwe: 1130 0

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 882 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 953 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1266 0