skol
Kigali
startimes

Nyamasheke: Umugore yahawe inka nyuma yo gushyira mu kato umugabo we bigatuma umuryango we utandura Covid-19

Amakuru   Yanditswe na: Dusingizimana Remy 23 September 2020 Yasuwe: 4589

Ubuyobozi bw’ Akarere ka Nyamasheke bwashyikirije umuryango wa Habarugira Amon na Uwizeyimana Vestine inka y’ishimwe kubera ubutwari wagaragaje mu kwirinda kwanduzanya icyorezo cya COVID-19. Uyu muryango ugizwe n’abantu 7.


Ni nyuma y’uko uyu mugabo Habarugira Amon wabaga mu Karere ka Rusizi ahari hagaragaye kiriya cyorezo yagiye gusura umuryango we mu Karere ka Nyamasheke, ariko umugore we Uwizeyimana akagira amakenga y’uko ashobora kuba yaranduye COVID-19, akamubwira ko naza nta muntu n’umwe wo mu muryango uzamwegera kugira ngo babanze barebe ko atanduye.

Akarere ka Rusizi kagize kati " Uwizeyimana Vestine wo mu murenge wa Cyatomu karere ka Nyamasheke,ejo ku wa 2 yagabiwe inka y’ishimwe n’aka Karere kubera kurenga amarangamutima agashyira mu kato umugabo we wari uvuye muri Rusizi yari mu kato kubera #COVID-19 nyuma bakaza no kuyimusangamo."

Mu buhamya bwe, Uwizeyimana yagize ati: “ Umugabo yageze mu nzira arambwira ngo ndaje, kuri terefoni ndamubwira ngo niba uje uvuye i Rusizi nugera mu rugo nta mwana ukwegera, turaguha n’icyumba cyawe ujyamo”.

Akomeza avuga ko mbere abana bajyaga bamusanga bakamuhobera ariko icyo gihe yarababujije kugira ngo atagira uwo yanduza mu gihe yaba yaranduye.

Uwizeyimana avuga ko nyuma y’iminsi ibiri Habarugira ageze mu rugo yavuze ko arwaye umutwe, amusaba kujya kwivuza ku kigo nderabuzima, baza gusanga yaranduye Covid-19.

Uwizeyimana yakomeje agira ati:”Umugabo wange yamaze ibyumweru bitanu mu bitaro”.

Akomeza atanga ubutumwa ku Baturarwanda agira ati: “Mu gihe iki cyorezo kigihari twese turi mu byago, mu gihe ugiye kugira ahantu ujya cyangwa wakira abantu mu rugo, bifate nk’ikemezo cy’ubuzima cyangwa urupfu, n’abantu ukunda cyangwa wubaha bashobora kwandura cyangwa bakakwanduza wowe n’umuryango wawe, biroroshye kwandura no kwanduza abandi, ariko ntibigoye kwirinda iki cyorezo mu gihe wubahiriza amabwiriza yose”.

Uyu muryango wose wafashwe ibipimo nk’ uko biteganywa n’ inzego z’ ubuzima, ibyafashwe mu bihe bitandukanye byemeje ko nta n’ umwe muri uyu muryango wandujwe n’ uriya mugabo.

Ubuyobozi bw’Akarere ka Nyamasheke buvuga ko ibyo uyu muryango wakoze byerekana gahunda ya Minisiteri y’Ubuzima yo kwita ku banduye COVID-19 bari mu ngo zabo ishoboka, cyane cyane iyo uwanduye n’abo babana bubahirije amabwiriza birinda kwanduzanya.

Umuyobozi w’Akarere ka Nyamasheke Mukamasabo Appolonie, yagize ati: “Twashyikirije Uwizeyimana Vestine inka y’ ishimwe kuko yabashije kurinda umuryango we kwandura COVID-19 mu gihe umugabo we yari avuye muri Rusizi yarahagaragaye, akagira amakenga amuha akato, bikaza kugaragara ko yanduye ariko nta wundi yanduje mu muryango”.

Yakomeje agira ati: “Kuba uyu mugabo yarabaye mu muryango iminsi irenga 2 kandi yaranduye ntagire n’umwe yanduza mu muryango we, bivuye ku kwirinda, ni ikimenyetso ko kwita ku banduye COVID-19 mu rugo bishoboka! Twese nidufatanya tuzatsinda!”

Abaturage na bo bashimye iki gikorwa kuko gishimangira gahunda yo kwirinda icyorezo cya Covid-19 .


Source: IMVAHO NSHYA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 02 banduye Coronavirus mu Rwanda ntihakira n’umwe

Minisiteri y’Ubuzima yatangaje ko mu bipimo 1725 byafashwe kuri uyu wa 29...
29 October 2020 Yasuwe: 801 0

Abantu 45 biganjemo abo mu nkambi y’impunzi banduye Covid-19 mu...

Kuri uyu wa Gatatu tariki ya 28 Ukwakira 2020,Minisiteri y’Ubuzima yatangaje...
28 October 2020 Yasuwe: 1802 0

Covid-19 yahitanye umubyeyi w’imyaka 88 mu Rwanda abandi 11 barayandura

Kuri uyu wa Kabiri tariki ya 27 Ukwakira 2020,Minisiteri y’Ubuzima yatangaje...
27 October 2020 Yasuwe: 1130 0

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 882 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 953 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1266 0