Gicumbi: Hafatiwe imodoka yari ipakiwemo ibiyobyabwenge bitandukanye

Amakuru   Yanditswe na: 16 March 2017 Yasuwe: 908

Mu karere ka Gicumbi, hafatiwe imodoka yari yuzuyemo ibiyobyabwenge n’izindi nzoga zitemewe zitandukanye ku itariki ya 15 Werurwe.

Umuvugizi wa Polisi y’u Rwanda mu Ntara y’Amajyaruguru Inspector of Police (IP) Innocent Gasasira, yavuze ko iyo modoka ifite nimero RAB 150B yo mu bwoko bwa Toyota Carina, yafatiwemo amapaki arenga ibihumbi bitatu y’inzoga zitemewe na kanyanga. Hafashwe amakarito 3,480 ya chief warage, amakarito 480 ya kick warage, n’amakarito 240 ya Real Gin. Byose byafatiwe mu kagari ka Rwankonjo, umurenge wa Cyumba mu karere ka Gicumbi.

IP Gasasira yagize ati:” dusanzwe dukora ibikorwa bitandukanye n’imikwabu hirya no hino mu baturage ndetse tukanashyiraho za bariyeri rimwe na rimwe; tugamije kurwanya ibyaha no gufata abanyabyaha cyangwa se gufata ibiyobyabwenge.

Ibi bikorwa byose ariko byunganirwa ndetse bigenda neza iyo dufite amakuru twahawe n’abaturage. Biriya biyobyabwenge rero byafashwe biturutse ku muturage watanze amakuru kuri Polisi bityo bituma igikorwa cyo kubifata kigenda neza.

N’ubwo uwari ubitwaye mu modoka (umushoferi) yahise atoroka, IP Gasasira yavuze ko babashije kumenya nyirabyo ndetse na nyir’imodoka yari ibitwaye.

Yagize ati:” turimo gukorana n’abandi bafatanyabikorwa bacu bo muri aka karere ka Gicumbi mu gucunga umutekano kugirango, aho yaba yihishe hose afatwe kandi ashyikirizwe ubutabera”.

Umuvugizi wa Polisi y’u Rwanda mu Ntara y’Amajyaruguru yashimiye umuturage watanze amakuru watumye ibyo biyobyabwenge bifatwa, ngo kuko n’ubundi asanzwe ari mu itsinda ry’abaturage bishyiriyeho ubwabo ryo gukumira no kurwanya kanyanga mu murenge wa Cyumba.

IP Gasasira yakomeje avuga ko muri iki gihe bongereye ubukangurambaga ndetse n’ibikorwa bigamije kurwanya no gukumira ibiyobyabwenge mu turere twa Burera na Gicumbi kubera imiterere yatwo. Ni nabyo bituma kandi hari umubare munini w’abafashwe babicuruza cyangwa babikwirakwiza nk’uko yakomeje abitangaza.

Hari abaturage bo muri buri murenge yo mu turere twavuzwe hejuru, biyemeje gushyiraho amatsinda yo kurwanya kanyanga kugira ngo bafatanye na Polisi y’u Rwanda kuyirwanya no kuyica burundu.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Padiri Kambanda Libelle yitabye Imana azize impanuka umushoferi we wayiteje...

Padiri Libelle KAMBANDA wari Umuyobozi wa Caritas muri Diyosezi ya Butare...
17 April 2018 Yasuwe: 9440 3

Umupolisi w’i Burundi wafatiwe ku mupaka w’u Rwanda yasubijwe...

Kuwa gatanu, umupolisi wo ku mupaka Irakoze Théogene ku ruhande rw’i Burundi...
16 April 2018 Yasuwe: 1500 1

Umunyarwandakazi yiciwe muri Malawi n’ abantu bamuteye ibyuma

Umukobwa w’ umunyarwandakazi witwaga Muganga yiciwe muri Malawi hashira...
13 April 2018 Yasuwe: 12461 4

Umusirikare w’ u Rwanda yaguye muri Centrafrique atabara abaturage bari...

Umwe mu basirikare b’ u Rwanda bari mu butumwa bw’ amahoro muri Centreafrica...
11 April 2018 Yasuwe: 4828 1

Nyabugogo: Bisi ya KBS yahunze umumotari igonga inzu irangirika...

Imodoka ya kampani itwara abagenzi mu mugi wa Kigali KBS yakoreye impanuka...
2 April 2018 Yasuwe: 5696 1

Ngororero: Padiri yagonze abakiristo 7 umwe ahita apfa

Kuri Santarari ya Gaseke yo mu Murenge wa Kabaya mu Karere ka Ngororero,...
1 April 2018 Yasuwe: 5731 2