skol
startimes

Ngoma:Abagabo 2 baturikanywe n’ingunguru bari batetsemo kanyanga barashya cyane

Amakuru   Yanditswe na: Dusingizimana Remy 17 September 2020 Yasuwe: 1668

Abagabo 2 bo mu kagari ka Kibatsi mu murenge wa Rukira wo mu karere ka Ngoma,barembeye mu bitaro bya Kibungo nyuma yuko baturikanwe n’ingunguru bari batetsemo kanyanga.


Abo bagabo ni Habanabakize Cyriaque w’imyaka 35 na Uwiringiyimana Eric w’imyaka 30 baturikanwe n’iyo ngunguru ku gicamunsi cyo ku wa gatatu tariki 16 Nzeri 2020.

Umuvugizi wa Polisi mu ntara y’Iburasirazuba CIP Hamdun Twizeyimana yabwiye KT Radio dukesha iyi nkuru ko aba bagabo bahiye bikomeye nyuma yo kugerageza kubuza iy ngunguru guturika ntibibahire.

Ati “Ni ahantu ku gasozi hitaruye abaturage.Bagiye mu gikoni cy’umwe muri bo batangira gucanira kanyanga.Bari bamaze kwarura litiro zigera ku icumi ariko bigeze hagati ingunguru bari batetsemo irabyimba,barwana nayo bagira ngo idaturika abantu bakabimenya ko barimo guteka kanyanga.

Kubera ko yari yamaze gushyuha cyane yaraturitse irabaturikana,igikoni barimo kirashwanyagurika nabo barashya hafi umubiri wose.Polisi yahise ibimenya n’inzego zibanze bajyayo,basanga cyabaturikanye bahiye,imbangukiragutabara ibajyana kwa muganga.

Hari hari amakuru ko hari abantu baziteka ariko Polisi yari itarabafata.Yajyaga kubashaka bagatoroka,rimwe na rimwe bakajya za Kirehe bahana imbibe bakagura bakamara igihe bataraboneka.Bari batarafatwa ariko hari amakuru ko bateka kanyanga.

CIP Hamdun Twizeyimana yasabye abaturage gukomeza guha amakuru Polisi kuri aba bantu bateka kanyanga n’ibindi biyobyabwenge ndetse bakamenya ingaruka n’ububi bwabyo ko byangiza ubuzima bwabo.

Yasabye ababikora n’ababicuruza kubireka bagashaka akandi kazi keza bakora kubera ko bibagiraho ingaruka bagafungwa ndetse bikabahombya nk’igihe polisi ibifashe ikabimena cyangwa ikabitwika.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Polisi yafashe umugabo wiyitaga Komanda wa Polisi akambura...

Polisi y’u Rwanda ikorera mu Karere ka Rubavu mu Murenge wa Bugeshi mu...
28 October 2020 Yasuwe: 1743 0

Polisi y’u Rwanda yasubukuye gahunda yo gutanga ibizamini by’impushya zo...

Polisi y’u Rwanda yatangaje ko guhera tariki ya 02 Ugushyingo 2020, ishami...
28 October 2020 Yasuwe: 908 1

Rusizi: Umugabo yafashwe ari gucukura imva ngo agurishe imbaho n’umucanga...

Umugabo utuye mu kagari ka Bununga mu murenge wa Gihundwe mu Karere ka...
27 October 2020 Yasuwe: 1498 0

Huye: Polisi yafashe abasore 2 bacuruzaga bakanakoresha ikiyobyabwenge cya...

Ku gicamunsi cyo ku wa Gatandatu tariki ya 24 Ukwakira ni bwo Polisi y’u...
26 October 2020 Yasuwe: 1306 1

Col.Rugema wari umaze amezi 3 ku buyobozi bwa RUD URUNANA yishwe

Col Rugema Emmanuel wari mu buyobozi bw’umutwe wa RUD Urunana, biravugwa ko...
23 October 2020 Yasuwe: 4642 0

Rusizi: Polisi yataye muri yombi umugabo ukekwaho kwambura umugore ibihumbi...

Polisi y’u Rwanda ikorera mu Karere ka Rusizi, yataye muri yombi umugabo...
22 October 2020 Yasuwe: 1344 0