Nyamirambo: Abasore bapfuye F200 bararwana umwe bimuviramo urupfu

Amakuru   Yanditswe na: Nsanzimana Ernest 12 August 2018 Yasuwe: 3969

Abasore bo mu mudugudu wa Kiberinka Akagari ka Rugarama Umurenge wa Nyamirambo ahazwi nko mu Miduha kuwa gatatu tariki 08 Kanama barwanye bapfa amafaranga magana abiri (200Frw) umwe akubita undi ikintu kiremereye mu mutwe bimuviramo gupfa nyuma y’amasaha 48.

Uwapfuye yitwa Nshimiyimana Emmanuel w’imyaka 21, muri iyi mirwano yakomerekeje mugenzi we hejuru y’ijisho ava amaraso menshi.

Nyuma yo gukubitwa itafari mu gahanga yahise agwa abura ubwenge bamujyana kwa muganga apfa nyuma y’iminsi ibiri

Uyu mugenzi we na we yahagurukanye igitafari cyari hafi ye agikubita Nshimiyimana mu gahanga uyu ahita agwa hasi abura ubwenge.

Amafoto ateye ubwoba agaragaza umutwe wa Nshimiyimana wabyimbye bikabije mu gahanga aryamye hasi atanyeganyega.

Abari hafi bahise bamufata bamujyana kwa muganga ariko atakibasha no kumva.

Umwe mu bari hafi yabwiye Umuseke ko aba basore bapfaga amafaranga magana abiri gusa ari ho ubushyamirane n’imirwano byahereye.

Avuga ko nta muntu wihutiye kubakiza kuko ngo buri wese yumvaga bapfa ubusa.

Uyu wakubise itafari Nshimiyimana bahise bamufata bamujyana ku kagari ariko nyuma ararekurwa arataha.

Nshimiyimana yaguye kwa muganga ku itariki 10 Kanama azize kiriya gikomere kiremereye cyane mu mutwe.

Mugenzi we barwanaga amakuru agera k’Umuseke ni uko ubu we yahise ahunga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amwe mu mateka ya Rtd Hubert Gashagaza wamaze gushyingurwa [AMAFOTO]

Kuri uyu wa 20 Nzeli 2018 nibwo Rtd CSP Hubert Gashagaza yashinguwe mu...
20 September 2018 Yasuwe: 7641 1

Gicumbi: Umwarimu aravugwaho gusambanya umukobwa yigisha yitwaje kureba aho...

Mu karere ka Gicumbi kuri sitasiyo ya Polisi ya Byumba hafungiye umwarimu...
18 September 2018 Yasuwe: 7275 1

CSP Gashagaza uherutse gusezererwa muri polisi y’ u Rwanda yishwe n’ abagizi...

Urwego rw’ igihugu rw’ ubugenzacyaha RIB rwatangaje ko CSP Gashagaza Hubert...
18 September 2018 Yasuwe: 5385 2

Gasabo: Umugabo yatemaguye umugore we aramwica ngo yatinze ku...

Umugabo ukuze wo mu kagari Munini , Umudugudu Rudakabukirwa mu murenge wa...
18 September 2018 Yasuwe: 10440 2

Icyo ubuyobozi bw’ akarere ka Ruhango buvuga ku kibazo cy’ umupolisi ushinjwa...

Ubuyobozi bw’ akarere ka Ruhango ntabwo buvuga rumwe n’ abaturage ku mvano y’...
16 September 2018 Yasuwe: 6625 6

Kicukiro: Hatoraguwe umurambo w’ umugabo wishwe akurwamo amaso

Mu gitondo cyo kuri uyu wa Gatatu tariki ya 12 Nzeri 2018, mu gihuru kiri...
13 September 2018 Yasuwe: 3396 4