Nyanza:Polisi yarashe umugabo wacuruzaga abana akanabasambanya washakaga gutoroka

Amakuru   Yanditswe na: Dusingizimana Remy 10 January 2020 Yasuwe: 6956

Umugabo witwa Sibomana Jean Bosco yarasiwe na Polisi mu Mudugudu wa Mwima, mu Kagari ka Rwesero mu Murenge wa Busasamana, mu Karere ka Nyanza ubwo yari ajyanwe kwerekana uwo bafatanyaga gucuruza abana b’abakobwa hanyuma agashaka gutoroka.



Mu ijoro ryo kuwa 9 rishyira kuwa 10 Muratama 2020 nibwo muri uyu mudugudu humvikanye urusaku rw’amasasu yarashwe uyu mugabo wasambanyaga abana akanabacuruza

Umwe baturage yatangaje ko yumvise iby’urusaku rw’amasasu ariko ntamenyekane impamvu yarwo.

Yagize ati " Mu masaha y’ijoro twumvise amasasu inshuro ebyiri nyuma tubona Polisi iraje ni’modoka ebyiri nyuma haje ambulance. Ntitwasobanukiwe ariko mu gitondo tubona amaraso hafi n’urwibutso."



Umuvugizi wa Polisi y’u Rwanda mu Ntara y’Amajyepfo, CIP Sylivestre Twajamahoro yavuze ko umupolisi yarashe umuturage wo mu Murenge wa Busasamana, Jean Bosco Sibomana w’imyaka 40 wakekwagaho ibyaha cyo gusambanya no gucuruza abana b’abakobwa, wari ufungiye kuri Sitasiyo ya polisi ya Busasamana akageragezaga gucika ubwo yari agiye kwerekana abo bafatanyije ibyaha.

Yagize Ati " Nibyo koko icyo kintu cyabayeho ubwo Jean Bosco Sibomana wakekwagaho ibi ibyaha cyo gusambanya no gucuruza abana b’abakobwa bari bamujyanye ngo yerekane mugenzi we agurishaho abana, bageze mu nzira ashaka gutoroka, umupolisi wari umuherekeje ahita amurasa. Mu kumurasa rero ntabwo yapfuye bahise bamujyana kwa muganga mu Bitaro bya Nyanza, nyuma aza gupfira mu bitaro."

CIP Sylivestre Twajamahoro yahumurije abaturage bumvise ayo masasu mu ijoro, abasaba gukomeza akazi kabo nk’uko bisanzwe.



Source: Muhabura.rw

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble

    Benenkabo Nicyobakwiriye Kbx

    2 months ago
  • chat_bubble Freddy

    Ubwo se ko bamwishe ataburanye kdi bavugako yacyekwagaho icyaha .... ; ubwo icyemeza ko atarengana n’iki ??? Ubwo se twabwirwa n’iki ko atari akagambane ko kugirango yicwe gusa wenda bikozwe n’umupolisi wari umuherekeje kubera impamvu wenda z’urwango yari amufitiye cg se hari abamutegetse kumwica cyane ko nta camera zari zihari zigaragaze ko yirutse ashaka gutoroka ??!!!!! Mwaretse ibintu byo kugumya kwica abantu ko Abanyarwanda bishwe ari benshi bihagije .

    2 months ago
  • chat_bubble kanyandekwe

    Mukosore yahumurije abaturage abasaba gukomeza akazi KABI nkuko bisanzwe?

    2 months ago
  • chat_bubble Jado

    gukomeza akazi kabi oooohhhh

    2 months ago

Inzindi nkuru

Polisi y’igihugu yafashe abantu 12 barenze ku ngamba zo kwirinda Coronavirus...

Kuri uyu wa Mbere taliki ya 24 Werurwe 2020,Polisi y’igihugu yakoze umukwabu...
25 March 2020 Yasuwe: 1916 0

Polisi y’u Rwanda yemeje ko iratangira guhana abanze kubahiriza amabwiriza...

Umuvugizi wa Polisi y’Igihugu, CP John Bosco KABERA yavuze ko guhera kuri...
24 March 2020 Yasuwe: 1797 0

Umukobwa muri Uganda bavuga ko yoherejwe n’u Rwanda kubanduza Covid19 atuye...

Taliki 20/2/2020 ikinyamakuru Chimpreports cyo muri Uganda cyanditse ko...
23 March 2020 Yasuwe: 31229 0

Huye: Umukozi wo mu rugo yafatanywe igipfunyika cyuzuye urumogi

Tariki ya 09 Werurwe 2020, Polisi y’u Rwanda ikorera mu karere ka Huye...
11 March 2020 Yasuwe: 1111 0

Gasabo: Imvubu yari imereye nabi imyaka y’abaturage yarashwe...

Ubuyobozi bw’Umurenge wa Rusororo mu Karere ka Gasabo bwatangaje ko Imvubu...
8 March 2020 Yasuwe: 16795 2

Abasore n’inkumi bifuza kwinjira mu ngabo z’u Rwanda bahawe rugari,reba...

Ubuyobozi bw’Ingabo z’u Rwanda,RDF, buramenyesha Abanyarwanda bose bifuza...
3 March 2020 Yasuwe: 6928 8