Kigali

Gor Mahia yiyemeje guhangana n’ibigugu bitatu mu rugamba rwo gusinyisha Jules Ulimwengu

Imikino   Yanditswe na: Dusingizimana Remy 11 July 2019 Yasuwe: 9094

Umutoza wa Gor Mahia, Oktay Hassan ukomoka mu gihugu cya Turkia yatangaje ko ikipe ye yakwifuza gutunga rutahizamu wa Rayon Sports Jules Ulimwengu umaze gutsinda ibitego 30 mu mikino 32 yakinnye muri uyu mwaka w’imikino amaze mu Rwanda.

Jules Ulimwengu yatangiye kureshya amaso y’amakipe akomeye hanze y’u Rwanda, nyuma yo kuyobora abatsinze ibitego byinshi muri shampiyona no mu gikombe cy’Amahoro ndetse kugeza ubu muri CECAFA Kagame Cup iri kubera mu Rwanda niwe uyoboye ba rutahizamu.

Umutoza Hassan Oktay yabwiye abanyamakuru ko Gor Mahia atoza yakwifuza gutunga uyu Murundi ufite ubuhanga budasanzwe bwo gutaha izamu atitaye ku kigugu Rayon Sports iri gukina nacyo.

Yagize ati “Ni byo koko turi kuganira na ba rutahizamu benshi byanashoboka ko na we(Ulimwengu) arimo. Ntabwo twabavuga amazina, ariko turifuza kuzana umukinnyi ufite ubunararibonye wamenyereza abo dufite kuri ubu”.

Mu masezerano Rayon Sports yagiranye na Ulimwengu,harimo ingingo ivuga ko ikipe imwifuza igomba kwishyura ibihumbi 150 by’amadorali ariyo mpamvu byagora Gor Mahia.

Nkuko amakuru dukesha ikinyamakuru Funclub abitangaza,amakipe atatu akomeye arifuza rutahizamu Ulimwengu, arimo iyo muri Afurika y’epfo yiteguye gutanga ibihumbi 45, iyo mu Misiri yatanze 60 n’iyo mu Butaliyani bivugwa ko yifuza gutanga ibihumbi 80 by’amadorali.


Ulimwengu yatangiye kwifuzwa n’ibigugu bitandukanye

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Bernard Ngabonziza

    Uyu ni Rutahizamu ntashidikanywaho, urebye imyaka afite, ubuhanga bwo gutsinda ibitego, uko asaba umupira, uko atanga umupira ahita yirukira muri surface nk’umurabyo, murebe igitego yatsinze Mazembe uko yahaye umupira Iranzi ari ku ruhande, mu kanya gato abayageze mu rubuga rw’amahina! Uyu ntasanzwe mu gutaha izamu, ahubwo hariho igihe yinjira neza cyane mu rubuga bagenzi be ntibamubone, ubona yakora ibirenze ibyo akora. Ikindi kandi, kubona muri iki gihe Rutahizamu utsinda ibitego 30 mu mikino 32, ari n’umusore w’ibyaka 21, ntibisanzwe. Rayon ikwiye kwitondera abayiha udufaranga tw’intica ntikize.

    2 months ago
  • chat_bubble Higiro

    uyu mwana n’isi kbs ahora ahuna huna impere y’izamu mpaka abonye umuhigo kandi uba ubona bitari bukunde,ariko ukuntu abigenza niwe ubizi,nange mbona byagezemo abafana bari mubicu.

    2 months ago
  • chat_bubble hitimana

    Abakinnyi b’umupira urabakiza cyane batarushye.Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye "gushaka mbere na mbere ubwami bw’imana" nkuko Matayo 6,umurongo wa 33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6,umurongo wa 40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu byisi gusa.

    2 months ago
  • chat_bubble Kamayirese

    Abakinnyi beza bari guhagurukira muri 200.000$, na 300,000$ naho uwo ngo ni top score ngo n’angahe?

    2 months ago

Inzindi nkuru

Kidum yiyemeje guhagarika kuririmbira mu Rwanda no mu Burundi kubera...

Umuhanzi Nimbona Jean Pierre yamaze gutangaza ko agiye guhagarika...
15 September 2019 Yasuwe: 138 0

Umutoza watoje ikipe y’igihugu y’u Rwanda amavubi yitabye Imana

Umukambwe ukomoka mu gihugu cy’Ubudage Rudi Gutendorf, uzwiho kuba yaratoje...
15 September 2019 Yasuwe: 479 0

CAF CC: AS Kigali yananiwe kubyaza umusaruro amahirwe yo gukinira mu...

AS Kigali ntiyabashije kwizigamira impamba yo kuzajyana I Kampala mu mukino...
14 September 2019 Yasuwe: 2121 0

Rayon Sports na APR FC ziri mu makipe yabonye ibyangombwa byo gukina...

Ishyirahamwe ry’umupira w’amaguru mu Rwanda,FERWAFA,ryemeje ko amakipe 11...
14 September 2019 Yasuwe: 2144 0

Marcus Rashford yatangaje itandukaniro rikomeye riri hagati ya Jose...

Rutahizamu ukiri muto wa Manchester United witwa Marcus Rashford yatangaje...
14 September 2019 Yasuwe: 2377 0

Kimenyi Yves yamenweho imvura y’amafaranga n’abafana bimutera ikiniga...

Umunyezamu wa Rayon Sports,Kimenyi Yves waraye ubaye intwari mu mukino wa ½...
14 September 2019 Yasuwe: 5586 0