skol
startimes

Dwayne ’The Rock’ Johnson n’umuryango we bose banduye Covid-19

Imyidagaduro   Yanditswe na: Dusingizimana Remy 3 September 2020 Yasuwe: 1322

Umukinnyi wa Filimi wanamenyekanye no mu gukirana,Dwayne Johnson uzwi cyane nka "the Rock" yatangaje ko we n’umuryango we bose banduye Covid-19.


Uyu mugabo wahoze akina umukino wo gukirana (wrestling), akaba ubu ari we mukinnyi wa cinema winjiza amafaranga menshi kurusha abandi ku isi, yavuze ko we n’umugore we n’abakobwa be babiri banduye iyi virusi nubwo bwose "bitwararikaga" amabwiriza yo kwirinda.

Yavuze ko guhabwa ibisubizo bagasanga baranduye byari nk’ "umugeri wo mu nda".

Yongeyeho ko ubu bamenye uko bahagaze "badashobora kwanduza abandi. Imana ishimwe ko tumeze neza."

’The Rock’ w’imyaka 48, yavuze ko umugore we Lauren w’imyaka 35 n’abana babo Jasmine na Tiana b’imyaka ine n’ibiri, banduye iyi virusi mu byumweru hafi bibiri n’igice bishize.

Avuga ko bayanduriye ku "bantu b’inshuti z’umuryango za hafi", nabo batari bazi ko bayanduye.

Muri videwo yashyize kuri Instagram yagize ati: "Nababwira ko iki ari kimwe mu bintu bitugoye kandi bidukomereye mu bindi byose twaciyemo nk’umuryango.

"Gusanga waranduye Covid-19 bitandukanye cyane no kuba wagira igikomere gikomeye, kuba watsindwa cyangwa kuba wakena, ibintu byose nahuye nabyo rimwe na rimwe."

Yongeraho ati: "Ikintu cya mbere na mbere nshyira imbere ni ukurengera umuryango wanjye.

"Ubu turishimye kuko twamenye ko Covid-19 ushobora kuyikira ukomeye kandi umeze neza.

"Birantangaza kuba hari abantu hanze aha, barimo n’abanyapolitiki, bafata kwambara agapfukamunwa bakakigira ikintu cya politiki.

"Ntaho bihuriye na politiki. Ambara agapfukamunwa. Ni ukuri. Kandi ni ikintu gikwiriye gukorwa."

Dwayne Johnson yateye ikirenge mu cya se Rocky, yinjira mu mukino wo gukirana aza kumenyekana cyane muri World Wrestling Entertainment (WWE).

Muri uwo mukino yabaye icyamamare cyane ahita yinjira mu gukina cinema, aho yakinnye filimi zizwi nka The Scorpion King, Fast & Furious 6 na Jumanji.

Muri uyu mwaka gusa kugeza mu kwa gatandatu bivugwa ko ’The Rock’ yinjije miliyoni 87 z’amadorari ya Amerika, harimo miliyoni $23.5 zo gukina muri filimi izatangazwa na Netflix yitwa ’Red Notice’ biteganyijwe ko izasohoka mu kwezi kwa 11 uyu mwaka.


BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nziza Désiré wamamaye mu ndirimbo Kula Kulipa akaba na mukuru wa Dr....

Umuhanzi mpuzamahanga Nziza Désiré wamamaye mu Burundi mu ndirimbo ‘Kula...
19 October 2020 Yasuwe: 1507 0

Miss Igisabo yasibye amafoto ye na Bruce Melodie basohokanye[AMAFOTO]

Mu minsi ishize twababwiye inkuru yuko Miss Uwase Hirwa Honorine...
18 October 2020 Yasuwe: 8241 0

Papa Sava yatanze igisubizo gisekeje ubwo bamubazaga niba hari umukunzi...

Niyitegeka Gratien wamenyekanye cyane ku mazina ya Papa Sava, Seburikoko,...
18 October 2020 Yasuwe: 10191 0

Imyaka 13 irashize inkuru y’urupfu rwa Luck Dube imenyekanye, menya impamvu...

Kuri iki Cyumweru tariki 18 Ukwakira umwaka 2020, imyaka 13 irashize inkuru...
18 October 2020 Yasuwe: 7165 0

Jay Polly nawe yagaragaje ko ari mu rukundo na Kessy[AMAFOTO]

Tuyishime Joshua, umuraperi uri mu bakomeye hano mu Rwanda akaba azwi cyane...
18 October 2020 Yasuwe: 5802 0

Hamisa Mobetto yavuze ku kwiyunga na Zari Hassan

Umuyobozi mukuru wa Mobetto Styles, umunya Tanzaniyakazi Hamisa Mobetto,...
17 October 2020 Yasuwe: 2689 0