dnd

Muhayimana usanzwe ari musaza wa Mwiseneza Josiane yagejejwe imbere y’urukiko ashinjwa gukoresha ibyangombwa by’ibihimbano

Imyidagaduro   Yanditswe na: Dusingizimana Remy 26 September 2019 Yasuwe: 4737

Uwitwa Muhayimana Samuel usanzwe ari umuvandimwe wa Miss Mwiseneza Josiane wamenyekanye mu irushanwa rya Miss Rwanda 2019,amaze iminsi afunzwe aho ashinjwa gukoresha uruhushya rwo gutwara ibinyabiziga rw’uruhimbano.



Muhayimana wakoraga nk’umuvugizi wa Mwiseneza Josiane ubwo yari mu irushanwa rya Miss Rwanda mu 2019,yatawe muri yombi kuwa 10 Nzeri 2019 ubwo yafatanwaga uru ruhushya rwo gutwara ibinyabiziga rw’uruhimbano.

Kuri uyu wa Gatatu tariki 25 Nzeri 2019,nibwo Muhayimana Samuel, yagejejwe imbere y’urukiko rwibanze rwa Nyarugenge.

Umushinjacyaha yavuze ko Muhayimana yatawe muri yombi tariki 10 Nzeri 2019 ubwo yafatanwaga uruhushya rwo gutwara ibinyabiziga rwa B bikekwa ko ari uruhimbano.

Umushinjacyaha yakomeje ahamya ko mu ibazwa Muhayimana yemeye ko afite uruhushya rwo gutwara ibinyabiziga ruhimbano anavuga ko yarubonye nta kizamini akoze.

Yakomeje amusabira gufungwa by’agateganyo kuko ngo nubwo hari ibyo yemera ariko hari ibitagaragazwa bityo mu gihe yaba afunze ntiyatoroka ubutabera.

Yiregura, Muhayimana yavuze ko nta kimenyetso na kimwe ubushinjacyaha bufite cyerekana ko yahimbye urwo ruhushya, icya kabiri yavuze ni uko atigeze afatwa akoresha uru ruhushya bityo ko atigeze aruhimba cyangwa ngo arukoreshe.

Yakomeje avuga ko mu 2011 yagiye aho APR FC ikorera imyitozo agiye gushaka amakuru y’ukuntu yabona uru ruhushya yari amaze igihe ashaka, aha ngo yahahuriye n’umukunzi wa APR FC (yigeze gukinira) wamusabye ibyangombwa nkenerwa bityo amubwira ko agiye kurumushakira.

Muri 2013 nibwo uyu mufana yahamagaye Muhayimana amumenyesha ko uruhushya rwe rwabonetse. Bitewe n’uko yakoraga muri Equity Bank yaragiye ararufata arangije arusuzumira mu kamashini gasanzwe gapima amafaranga abona koko ari ruzima.

Icyakora nkuko abitangaza ngo nubwo rwari ruzima yagize amakenga kuko yari azi neza ko atigeze arukorera nawe ntiyarukoresha. Mu 2018 ubwo rwari rurangiye yagerageje kurwongera ariko yakoresha telefone bikanga.

Yavuze ko tariki 10 Nzeri 2019 yagiye kuri Polisi kubaza icyo yakora ngo abone uruhushya rusimbura urwo yari afite rwarangije igihe kandi yabonye adakoze ikizamini ahita atabwa muri yombi.

Uyu mugabo yasabye urukiko ko yarekurwa kuko nta bushake yagize mu buriganya bwabayeho, yavuze ko atatoroka ubutabera bitewe n’uko afite inshingano zinyuranye, akaba anatuye bityo ngo afite imitungo itimukanwa adashobora gusiga.

Nyuma y’uko umucamanza yumvise ubushinjacyaha ndetse n’uregwa yatangaje ko umwanzuro w’urukiko uzasomwa tariki 27 Nzeri 2019.

Source: IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Gruec

    Ariko nibarize, muri uru Rwanda hari umuntu wujuje ubuziranenge mu mico no mu myifatire?

    4 months ago

Inzindi nkuru

Reba abahanzi nyarwanda 6 bashyizwe ku rutonde rw’abasore babujije amahwemo...

Abahanzi Kizito Mihigo na The Ben na bagenzi be batandatu, bashyizwe ku...
24 January 2020 Yasuwe: 3897 0

Wa mukobwa wavugishije benshi mu irushanwa rya Miss Rwanda rya 2020 yeretse...

Umukobwa witwa Nishimwe Naomie wavugishije benshi mu irushanwa rya Miss...
24 January 2020 Yasuwe: 8322 0

Abakurikiranira hafi Miss Rwanda baribaza impamvu bivugwa ko umukobwa...

Abantu bakurikirana irushanwa rya Miss Rwanda bakomeje kwibaza impamvu hari...
23 January 2020 Yasuwe: 4229 2

Huddah Monroe ufite imiterere y’ikibuno idasanzwe ikunzwe n’abagabo muri...

Umunyamideri w’icyamamare ku mbuga nkoranyambaga wo mu gihugu cya Kenya,...
22 January 2020 Yasuwe: 11792 1

Menya Ukuri ku bivugwa ko Abakobwa bazakora Umwiherero wa Miss Rwanda 2020...

Nyuma y’aho ijonjora ryibanze mu irushanwa ryo gushaka Nyampinga w’u Rwanda...
21 January 2020 Yasuwe: 2835 0

Umunyezamu Sergio Romero wa Manchester United yari apfuye Imana ikinga...

Umunya Argentina urindira ikipe ya Manchester United, Sergio...
20 January 2020 Yasuwe: 5276 1