addresiya
Kigali
startimes

Abafana ba Rayon Sports bagaragaje ubudasa mu kugoboka abakinnyi babo mu bihe bya Covid-19

Imyidagaduro   Yanditswe na: Dusingizimana Remy 18 April 2020 Yasuwe: 4144

Abafana ba Rayon Sports bashyizeho uburyo bwihariye bwo kwita ku bakinnyi babo muri iki gihe isi yose ihangayikishijwe n’icyorezo cya Coronavirus,aho bagerageje kugabana abakinnyi n’abatoza kugira ngo babafashe muri iyi minsi mibi batari kubona umushahara hanyuma na perezida Sadate yiyemeza gutanga Toni y’umuceri buri kwezi kugeza COVID-19 irangiye.



Kuri uyu wa Gatanu tariki 17 Mata 2020 nibwo iki gitekerezo cyashyizwe mu bikorwa n’abaperezida ba za Fan Clubs binyujijwe ku rubuga bahuriraho rwa Fan Base ruhuza za Fan Clubs zose za Rayon Sports.

Guhera uyu munsi buri fan Club izajya imenya buri mukinnyi yahisemo kwitaho muri iki gihe cyo kwurwanya ikwirakwira ry’icyorezo cya Coronavirus mu gihe Fan Clubs zifite ubushobozi zagiye zifata abakinnyi barenze umwe.

Abafana ku giti cyabo nabo bafashe abakinnyi, Perezida wa Rayon Sports yemera Toni y’umuceri buri kwezi kugeza iki cyorezo gihagaze.

Uretse Fan Clubs zinyuranye zagiye zifata abakinnyi, hari n’abafana ku giti cyabo bagiye bafata umukinnyi ku giti cyabo.

Uwitwa Rukundo Fidele usanzwe akuriye akanama ka Discipline muri Rayon Sports yafashe Sugira Erneste. Maman Hussein bakunda kwita Hadjati we yafashe Mugisha Gilbert.

Munyakazi Sadate, Perezida w’iyi kipe we yemeye kujya tanga Toni y’umuceri buri kwezi mu gihe cyose gahunda ya ’Guma mu rugo’ izamara. Iyo Toni izajya igabanywa abakinnyi ndetse n’abagize Staff ya Rayon Sports.

Munyakazi Sadate, Perezida wa Rayon Sports yatangarije Rwandamagazine.com dukesha iyi nkuru ko iki gikorwa cyamushimishije cyane ndetse ngo asanga abafana ari umwenda bahaye abakinnyi.

Ati " Ndashimira cyane abafana ba Rayon Sports umutima w’urukundo bagaragarije ikipe yabo bikaba ari umwenda bashyize mu bakinnyi."

Yakomeje avuga ko iki gikorwa kizatanga umusaruro cyane bigafasha abakinnyi kudahura n’ibibazo by’ubukungu muri iki gihe.

Ati " Umusaruro bizatanga ni uko buri mukinnyi ndetse na Staff babona ababitaho umunsi ku wundi. Ikindi kandi ni uko ubona abafana igikorwa bakigize icyabo. Ni ibintu bigaragaza ko aba Rayon bahoza ikipe yabo ku mutima nkuko badahwema kubivuga."

Amakuru aravuga ko umukinnyi ufite umuryango yagenewe ibihumbi 100 Frw ku kwezi, udafite umuryango n’ibihumbi 50 Frw.

Rayon Sports iheruka guhemba muri Mutarama, ifite amatsinda y’abafana [‘Fan clubs] 42, aho buri Fan Club yemeye kuzafata umukinnyi cyangwa umutoza izajya ikurikirana, ikamwitaho buri kwezi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Map

    Ni ukuri iki gikorwa ni inyamibwa.

    1 month ago

Inzindi nkuru

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1581 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2352 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4728 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3489 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7946 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 5187 0