Kigali

AFCON 2019: Uburundi bwasize inkuru mbi mu gikombe cya Afurika mu gihe RDC yazutse ku munsi wa nyuma

Imyidagaduro   Yanditswe na: Dusingizimana Remy 1 July 2019 Yasuwe: 2700

Ikipe y’igihugu y’Uburundi yakoze amateka mabi mu gikombe cya Afurika ubwo yatsindwaga na Guinea ibitego 2-0,bituma iva muri iri rushanwa idatsinze umukino n’umwe ndetse nta n’igitego na kimwe itsinze.RDC yo yazutse ku munsi wa nyuma ubwo yanyagiraga Zimbabwe ibitego 4-0.



Mu mikino ya nyuma yo mu itsinda A na B mu gikombe cya Afurika yarangiye amakipe arimo Misiri,Uganda,Nigeria na Madagascar zihise zibona itike mu gihe RDC na Guinea zigomba gutegereza niba zizaza mu makipe yatsinzwe neza.

Ikipe y’igihugu ya Misiri yongeye kugaragaza ko ari ubukombe ubwo yatsindaga Uganda ibitego 2-0 byatsinzwe na Mohamed Salah kuri coup franc nziza cyane yateye ku munota wa 35 mu gihe mugenzi we Ahmed El Mohamady nawe yamwunganiye ashyiramo igitego cya kabiri ku munota wa 45 w’Umukino.

Undi mukino wabaye mu itsinda A watunguye benshi ni ukuntu RDC yafatwaga nk’intsina ngufi muri iri rushanwa yanyagiye Zimbabwe ibitego 4-0,nyuma y’impinduka zikomeye umutoza Florent Ibenge yakoze ku ikipe yabanje mu kibuga.

RDC yaje ifite gahunda yafunguye amazamu ku munota wa 04 rutahizamu Jonathan Bolingi yafunguye amazamu hanyuma ku munota wa 34 Cedrick Bakambu ashyiramo igitego cya kabiri cyatumye basoza igice cya mbere bahagaze neza.

Mu gice cya kabiri RDC yabonye penaliti ubwo umukinnyi Cedrick Bakambu yasigaranaga n’umunyezamu Elvis Chipezeze wenyine,aramutega umusifuzi atanga penaliti.Iyi penaliti yatewe neza na Bakambu bituma biba 3-0.

Ku munota wa 78 nibwo RDC yatsinze igitego cya Kane cyatumye yishyura umwenda w’ibitego batsinzwe na Uganda na Misiri,gitsinzwe na Britt Assombalonga.Nubwo RDC yatsinze ibitego byinshi,irasabwa gutegereza kureba niba yazazamuka mu makipe yatsinzwe neza.

Mu itsinda B ikipe y’Uburundi yavuye mu gikombe cya Afurika igayitse kuko yatsinzwe umukino wa nyuma wo mu itsinda ibitego 2-0 na Guinea bituma isezererwa nta nota na rimwe ibonye ndetse nta n’igitego yinjije.

Uburundi bwahuye n’uruva gusenya ubwo ku munota wa 12 myugariro wayo Christophe Nduwarugira yahabwaga ikarita itukura nyuma yo gukurura rutahizamu Mohamed Yattara kandi yari myugariro wa nyuma.

Iyi karita yakoze cyane ku Burundi kuko bwahise butsindwa igitego ku munota wa 25 gitsinzwe na Mohamed Yattara mu gihe ku munota wa 52, Mohamed Yattara yashyizemo igitego cya kabiri.Guinea yarangije ari iya 4 mu itsinda B ndetse ishobora kuzazamuka nk’ikipe yatsinzwe neza.

Ku rundi ruhande,Nigeria yandagajwe cyane na Madagascar yayitsinze ibitego 2-0 bituma irangiza ku mwanya wa kabiri mu itsinda B yahabwaga amahirwe menshi yo kuyobora.

Ibitego bya Madagascar byatsinzwe na Lalaina Nomenjanahary ku munota wa 13 mu gihe ku munota wa 53 uwitwa Carolus Andriamahitsinoro yatsinze igitego cya 2.Ibi bitego byafashije Madagascar kuyobora itsinda B.

Imikino yo mu matsinda C na D irarangira uyu munsi aho ku i saa kumi n’ebyiri haraba imikino 2 yo mu itsinda D,Namibia irahura na Cote d’Ivoire mu gihe Afrika y’Epfo na Maroc nabo barakina.

Mu itsinda C barakina saa tatu,ikipe ya Kenya irakina na Senegal mu gihe Tanzania irakina na Algeria.







Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Munyakazi Sadate yiyemeje kujyana mu nkiko umuyobozi wa SKOL wibasiye Rayon...

Umuyobozi wa Rayon Sports Munyakazi Sadate yatangaje ko agiye kujyana mu...
20 February 2020 Yasuwe: 4361 4

Umuyobozi wa SKOL yibasiye bikomeye ikipe ya Rayon Sports bafitanye...

Umuyobozi w’uruganda rwa SKOL witwa Ivan Wulffaert yumvikanye avuga amagambo...
20 February 2020 Yasuwe: 4356 2

Jose Mourinho yatsindiwe mu rugo muri Champions League bituma atangaza...

Umutoza wa Tottenham,Jose Mourinho yitwaye nabi mu rugo mu mukino ubanza wa...
20 February 2020 Yasuwe: 2773 0

FERWAFA yahaye igihe ntarengwa Rayon Sports n’andi makipe adafite abatoza...

Ishyirahamwe ry’umupira w’amaguru mu Rwanda,FERWAFA ryamenyesheje amakipe yo...
19 February 2020 Yasuwe: 4029 0

FERWAFA yemereye Gicumbi FC kongera kwakirira imikino ku kibuga...

Ikipe ya Gicumbi FC yakomorewe na FERWAFA ihabwa uburenganzira bwo kongera...
19 February 2020 Yasuwe: 1068 0

Nemanja Matic yaciye ibintu kubera umugati wihariye yahaye umwana we ku...

Umukinnyi Nemanja Matic ukina hagati mu ikipe ya Manchester United...
19 February 2020 Yasuwe: 3187 0