Benshi mu bakunzi b’umukino w’iteramakofe bazi icyamamare Floyd Mayweather wasezeye kuri uyu mukino amaze gukina imikino 50 ataratsindwa na rimwe ariko by’umwihariko uyu Munyamerika azwi ku kuba ari umuherwe cyane.

Sponsored Ad

Floyd warwanye imirwano 10 mu myaka 10 ishize,yateye amakofe 1,833 abantu bose barwanye aho yakubise abantu 2 uduce 12 tutarangiye izitwa Knockouts.

Floyd yinjije miliyoni 916 z’amadolari muri aya makofe yose yateye mu myaka 10 ishize aho kuri buri ngumi yateye, yinjije akayabo k’ibihumbi 500 by’amadolari n’ukuvuga ko buri kofe rimwe rye ryinjije akayabo ka miliyoni zikabakaba 500 FRW.

Floyd yakubise abarwanyi bakomeye barimo Miguel Cotto, Saul "Canelo" Alvarez, Conor McGregor,Manny Pacquiao. Floyd yagerageje amakofe 4,270 ariko aya 1,833 niyo yageze kubo yarwanye nabo.

Uyu munyamerika uherutse kuba umwe mu bakinnyi bake batunze miliyari y’amadolari,yaje imbere ya Cristiano Ronaldo na Messi mu bakinnyi binjije amafaranga menshi mu myaka 10 ishize.