skol
Kigali
startimes

APR FC yafatiye ibihano Sugira Ernest kubera ibyo yatangaje nyuma yo gusezerera Ethiopia

Imyidagaduro   Yanditswe na: Dusingizimana Remy 22 October 2019 Yasuwe: 4637

Ubuyobozi bwa APR FC bwafashe umwanzuro wo guhagarika rutahizamu Sugira Ernest kubera amagambo yatangaje nyuma y’umukino w’Amavubi na Ethiopia aho yavuze ko atisanga neza muri APR FC nkuko bigenda mu Mavubi.


Nubwo APR FC iteruye ngo yemeze ibihano yahaye rutahizamu Sugira,yemeje ko izatangaza mu minsi iri imbere uko bingana.

APR FC yababajwe nuko Sugira Ernest yatangaje ko atisanga muri iyi kipe kandi ngo yaratanzweho byinshi kugira ngo abashe gukira imvune ikomeye yagize.

Sugira Ernest yababajwe no kubura umwanya wo gukina muri APR FC kuko kuva iyi shampiyona yatangira yakinnye umukino umwe wa AS Kigali,ntiyagaragara mu bakinnyi 18 ku mukino wa Bugesera FC n’uwa Etincelles FC kandi ari muzima.

Umuvugizi wa APR FC, Kazungu Claver yagize ati: “Nyuma y’uko Sugira atitwaye neza mu kibuga mu buryo bunogeye umutoza wa APR FC agahitamo kutamukoresha mu mikino 2 ya Shampiyona irimo uwa Bugesera Fc na Etincelles Fc,we akabwira itangazamakuru ko akinishwa yugarira muri APR FC ariyo mpamvu adatanga umusaruro kandi atari byo kuko umupira twese turawureba n’umwanya akina muri APR FC turawureba.

Yongeye kuvuga ko atisanga muri APR FC, ikipe yamufashe yirukanywe muri AS Vita Club, ikipe yamuvuje inshuro 2 mu gihugu no hanze amaze kuvunika kandi ikomeza kumuhemba adakina mu gihe cy’imyaka 2.

Kubera iyo myitwarire mibi yagaragaje ikipe ya APR FC yamufatiye ibihano muzamenyeshwa.”

Nyuma yo gufasha u Rwanda kwerekeza mu mikino ya CHAN 2020 izabera muri Cameroon,Sugira Ernest yabwiye abanyamakuru ati “Urebye muri APR FC umutoza ansaba ko nakina ntaha izamu ariko nkagaruka ngafasha umukinnyi wo hagati imbere y’abugarira b’ikipe duhanganye, mu gihe mu Mavubi nsabwa kubuza amahwemo ba myugariro nishakira ibitego.

Ikipe y’Igihugu n’ikipe isanzwe ni ibintu bibiri bitandukanye. Buri muntu agira aho yisanga, ni ko navuga. Niba ari ugukunda igihugu bindimo cyane nk’uko mu kirango cy’igihugu birimo, ntabwo babimpora. Nkunda ikipe y’igihugu, ni nayo nisangamo cyane. Nta kundi nyine ubwo n’ahandi bizagenda biza."

Mbere y’uko Sugira atangaza aya magambo yabwiye abanyamakuru ko atagikunda kuvuga byinshi kuri APR FC kuko ubushize byamugizeho ingaruka none birangiye n’ayo yavuze aziga atamuguye neza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble cukimo

    Sugira yazize kuvugisha ukuri,hari abakinnyi benshi bakinira APR fc batayiyumvamo. bakurikiye agafaranga gusa.

    October 2019

Inzindi nkuru

Granit Xhaka yabwiye amagambo akomeye bagenzi mu mukino batsinzwemo na...

Umukinnyi wo hagati mu ikipe ya Arsenal,Granit Xhaka,yumvikanye hagati mu...
29 September 2020 Yasuwe: 1477 0

Umugore wa Luis Suarez yagaragaje ko afitiye inzika FC Barcelona kubera...

Umugore wa rutahizamu Luis Suarez witwa Sofia Balbi yishimiye ko umugabo we...
29 September 2020 Yasuwe: 1017 0

Jose Mourinho yibasiye bikomeye Manchester United yamwirukanye...

Umutoza wa Tottenham,Jose Mourinho yarakajwe bikomeye n’ukuntu ikipe ye...
28 September 2020 Yasuwe: 2366 0

Murenzi yahishuye ko uruganda rwa Skol rwagaragaje ubushake bwo kongera...

Ubuyobozi bw’inzibacyuho bwa Rayon Sports buyobowe na Murenzi Abdallah,...
28 September 2020 Yasuwe: 1536 0

MINISPORTS yemereye amashyirahamwe y’imikino yose mu Rwanda gutangira...

Minisiteri ya Siporo yamenyesheje amashyirahamwe y’imikino ko ashobora...
28 September 2020 Yasuwe: 1829 0

Murenzi Abdallah yavuze ku mafaranga Rayon ikeneye mu kwiyubaka,kuzakomeza...

Umuyobozi w’agateganyo wa Rayon Sports,Murenzi Abdallah,yatangaje ko bifuza...
28 September 2020 Yasuwe: 3001 0