Kigali

APR FC yiyushye akuya kugira ngo yigaranzure Gasogi United yari yayihagamye

Imyidagaduro   Yanditswe na: Dusingizimana Remy 7 December 2019 Yasuwe: 4243

Mu mukino w’umunsi wa 13 wa shampiyona y’u Rwanda “AZAM Rwanda Premier League”,ikipe ya APR FC yatsinze Gasogi United bigoranye ibitego 3-2 mu mukino wabereye kuri stade ya Kigali I Nyamirambo.



Gasogi United yagiye guhura na APR FC ifite ibigwi byo guhagama amakipe akomeye kuko yaba Rayon Sports,Kiyovu Sports na Police FC zitabashije kuyikuraho amanota 3.

APR FC yaburaga ba myugariro bayo barimo Mutsinzi Ange na Manzi Thierry yigaranzuye Gasogi United mu minota 10 ya nyuma kuko Gasogi United yayitsinze ibitego 2-1 irangije itangira gutinza umukino.

APR FC niyo yafunguye amazamu ku munota wa 43 ku gitego cyatsinzwe na Danny Usengimana ku mupira yahawe na Djabel Manishimwe,ba myugariro ba Gasogi United bagira ngo yaraririye.

Gasogi United yatangiye igice cya kabiri iri hejuru,ubwo ku munota wa 49 Isaac Muganza winjiye mu kibuga asimbuye yatsindaga igitego n’umutwe ku mupira wari uturutse muri Koloneri.

Ku munota wa 53 w’umukino,Gasogi United yahise ibona igitego cya kabiri gitsinzwe nanone na Muganza Isaac nyuma y’uburangare bukomeye bw’aba myugariro ba APR FC.

Gasogi United ikimara kubona ibi bitego 2 yahise itangira gutinza umukino bituma umutoza Adil Mohamed ahitamo kwinjiza mu kibuga ba rutahizamu babiri icyarimwe barimo Ishimwe Kevin na Ishimwe Anicet basimbura Manishimwe Djabel na Nizeyimana Djuma.

Ku munota wa 68, Danny Usengimana yasimbuwe Mugunga Yves wakoze akazi gakomeye cyane muri uyu mukino.

Ku munota wa 80,APR FC yatsinze igitego cya 2 ibifashijwemo na Mugunga Yves hanyuma nyuma y’umunota umwe gusa ihita itsinda icya 3 cyatsinzwe na Omborenga Fitina n’umutwe bihesha APR amanota 3.

APR FC yakomeje kuyobora urutonde rwa shampiyona n’amanota 31 aho ikurikiwe na Rayon Sports na Police FC zifite 25 ariko zizigamye umukino.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kobe Bryant n’abandi bantu 9 barimo umukobwa we baguye mu mpanuka ya...

Umunyabigwi muri Basketball,Kobe Bryant w’imyaka 41 wakiniye ikipe ya Los...
27 January 2020 Yasuwe: 4251 0

Umuvugizi w’abafana ba APR FC yahagaritswe kubera ubutumwa buserereza Rayon...

Umuvugizi w’abafana ba APR FC,Emile Kalinda, yahagaritswe kubera amagambo...
26 January 2020 Yasuwe: 8935 0

Maurizio utoza Juventus yahishuye igihe azasezerera ku kazi k’ubutoza

Umutaliyani utoza ikipe ya Juventus Maurizio Sarri w’imyaka 61 yahishuye ko...
26 January 2020 Yasuwe: 1351 0

LeBron James yaciye kuri Kobe Bryant ku rutonde rw’abatsinze amanota menshi...

Icyamamare Lebron James kivuka mu mujyi wa Akron muri Ohio cyaraye...
26 January 2020 Yasuwe: 1105 0

Mourinho yibasiye abayobozi be kubera umukinnyi bashaka kugurisha

Umutoza Jose Mourinho ntari gusiba mu binyamakuru kubera umwuka mubi uri...
26 January 2020 Yasuwe: 3568 0

APR FC yatangiye neza urugendo rwo kwisubiza igikombe cy’Intwari inyagira...

Ikipe ya APR FC yatangiye urugendo rwo kwisubiza igikombe cy’Intwari...
25 January 2020 Yasuwe: 3829 3