addresiya
Kigali
startimes

Biravugwa: FERWAFA iri mu biganiro bya nyuma na BRALIRWA yifuza kuba umuterankunga wayo

Imyidagaduro   Yanditswe na: Dusingizimana Remy 7 May 2020 Yasuwe: 1789

Ishyirahamwe ry’Umupira w’amaguru mu Rwanda [FERWAFA] riri mu biganiro bya nyuma n’uruganda rwenga ibinyobwa rwa BRALIRWA rwifuza kuyibera umufatanyabikorwa mushya usimbura AZAM batandukanye umwaka ushize.



Amakuru aravuga ko iki kigo cya BRALIRWA kiri gutanga FRW 380 000 000 mu gihe kitaramenyekana gusa ngo FERWAFA irasaba Frw 460 000 000.

Biravugwa kandi ko kuri uyu wa Gatanu,tariki ya 08 Gicurasi,aribwo FERWAFA iragirana ibiganiro bisa nk’aho ari i bya nyuma na BRALIRWA kugira ngo bashyire umukono ku masezerano.

FERWAFA imaze igihe nta muterankunga ifite wa shampiyona nyuma y’aho kuwa 14 Kanama 2019 yandikiye ibaruwa abanyamuryango bayo (Amakipe) ibamenyesha ko tariki ya 5 Kanama 2019 bakiriye ibaruwa ivuye muri Azam Media Ltd ivuga ko bazahagarika gukorana na FERWAFA guhera tariki ya 21 Kanama 2019.

Guhera ubwo,FERWAFA,yahise itangira gushaka undi muterankunga none kuri ubu biravugwa ko igiye kumvikana na BRALIRWA.

Mu minsi ishize FERWAFA yavuze ko uyu muterankunga bari mu biganiro bya nyuma ariko bakomwa mu nkokora na Coronavirus.

Andi makuru aravuga ko FERWAFA iri mu biganiro byimbitse n’ikigo cy’igihugu cy’itangazamakuru RBA kugira ngo umwaka utaha kizerekane imipira ya shampiyona ku buryo bwa Live.

Amasezerano y’imikoranire hagati y’izi nzego zose na FERWAFA azatangira mu mwaka w’imikino utaha kuko Komite Olempike y’u Rwanda yamenyesheje abanyamuryango bayo ko inama y’Inteko Rusange yari iteganyijwe muri aya mezi itazaba, bitewe n’uko nta gikorwa cya siporo cyemewe gutegurwa kugeza muri Kanama uyu mwaka.

Inama y’Inteko Rusange ya Komite Olempike y’u Rwanda yari iteganyijwe tariki ya 4 n’iya 5 Mata 2020, ariko isubikwa kubera icyorezo cya Coronavirus cyibasiye Isi.

Nk’uko bigaragara mu ibaruwa uru rwego ruhagarariye amashyirahamwe y’imikino mu Rwanda rwageneye abanyamuryango barwo kuri uyu wa Kabiri tariki ya 6 Gicurasi, iyi nama y’Inteko Rusange ntikibaye.

Komite Olempike y’u Rwanda yavuze ko yafashe iki cyemezo ishingiye ko “ku itariki ya 5 Gicurasi 2020, Minisiteri ya Siporo yagiranye inama n’abayobozi b’amashyirahamwe y’imikino mu Rwanda ikabamenyesha ko badakwiriye kugira igikorwa cya siporo bateganya gutegura mbere y’ukwezi kwa Kanama, 2020.”

Yakomeje igira iti “Ni muri urwo rwego tubandikiye tugira ngo tubamenyeshe ko natwe twasanze gukora inama y’Inteko Rusange yacu bitashoboka cyane ko twanatekereje kuyikora hifashishijwe ikoranabuhanga, ariko tugasanga nabyo bitashoboka kubera imiterere y’inama y’Inteko Rusange nko gukora za ’presentations’, kwemeza za raporo n’ibindi.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 4722 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 6466 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3978 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2227 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1935 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3401 4