skol
Kigali
startimes

Byinshi wamenya ku munyezamu Edouard Mendy waguzwe n’ikipe ya Chelsea

Imyidagaduro   Yanditswe na: Dusingizimana Remy 24 September 2020 Yasuwe: 1905

Chelsea imaze kugura umunyezamu Edouard Mendy wakinaga muri Rennes yo mu Bufaransa, imuha kontaro yo kuyikinira imyaka itanu.


Bivugwa ko yaguzwe miliyoni 22 z’amapawundi.

Uyu Munya-Sénégal w’imyaka 28 y’amavuko, yakiniye iyo kipe imikino 25, nyuma yo kuyigeramo avuye muri Reims nayo yo mu Bufaransa mu mwaka wa 2019.

Ku wa kabiri ni bwo yakorewe isuzumwa ryo kwa muganga muri Chelsea ngo barebe uko ubuzima bwe bumeze.

Umutoza Frank Lampard yari yaravuze ko ashaka kongera uguhatana ku munyezamu Kepa Arrizabalaga ukomoka muri Espagne, waguzwe miliyoni 71 z’amapawundi mu 2018, ya mbere menshi yari aguzwe umunyezamu ku isi.

Mendy yagize ati: "Nejejwe cyane no kugera muri Chelsea. Ni inzozi zisohoye kuba ndi umwe mu bagize iyi kipe ikomeye".

Kepa yakoze ikosa ku gitego cya kabiri muri 2 - 0 Liverpool yabatsinze mu mukino wa Premier League ku cyumweru, Lampard avuga ko ryari "ikosa rigaragara".

Uyu Munya-Espagne w’imyaka 25, no mu mwaka ushize w’imikino yabujijwe gukina imikino imwe kubera amakosa yari yakoze mu mikino.

Iyo irimo nk’umukino wa nyuma wa FA Cup ubwo yasimbuzwaga umunyezamu wa kabiri Willy Caballero, w’imyaka 38.

Mu mwaka ushize w’imikino ari muri Rennes, Mendy ntiyinjijwe igitego (clean sheets) mu mikino icyenda mu mikino 24 ya shampiyona ya Ligue 1, ugereranyije na Kepa wagize ’clean sheets’ umunani mu mikino 33 ya Premier League.

Mendy yakuyemo imipira ku kigero cya 76.3%, yinjizwa igitego muri buri minota 114. Kepa yakuyemo imipira ku kigero cya 53.5%, yinjizwa igitego muri buri minota 63.

Ariko, ikigero cya Kepa cyo guhereza umupira ukagera neza k’uwo awuhereje cyari kuri 79.7%, ugereranyije na Mendy cyari kuri 70.1%.

Mendy amaze gukinira ikipe y’igihugu ya Sénégal inshuro umunani. Abaye umukinnyi wa munani umutoza Lampard aguze kuri iyi mpeshyi.

Akurikiye Petr Cech wahoze ari umunyezamu wa Chelsea, na we wari wageze muri iyi kipe avuye muri Rennes mu mwaka wa 2004, ubu akaba ari umujyanama wayo mu mikinire.

Marina Granovskaia, umuyobozi ushinzwe imikino muri Chelsea, yagize ati:

"Petr Cech n’itsinda rya tekinike bakibona ko Edouard ari we munyezamu ukwiye kurusha abandi wo kunganira itsinda dusanganywe, umukinnyi umwe gusa ni we twashakaga kuzana.

"Edouard aje nyuma y’umwaka yitwayemo neza muri Rennes, afite ishyaka ryo gukora ibirenzeho, kandi tumuhaye ikaze mu ikipe yacu".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Lionel Messi yageneye ubutumwa Cristiano Ronaldo urwaye Covid-19 mbere yo...

Kizigenza Lionel Messi ukinira ikipe ya FC Barcelona yavuze ko atifuza...
26 October 2020 Yasuwe: 1605 0

Pogba yise ibihuha amakuru yavugaga ko yasezeye mu ikipe y’igihugu...

Abicishije ku rubuga rwe rwa Twitter Pogba yamaganye inkuru zivuga ko...
26 October 2020 Yasuwe: 520 0

Cristiano Ronaldo ari mu mazi abira kubera ibyo aherutse gukorera mu...

Rutahizamu ukomeye wa Juventus, Cristiano Ronaldo,ari gukorwaho iperereza...
26 October 2020 Yasuwe: 2437 0

Amavubi yasezereye abakinnyi 5 barimo Bayisenge Emery mbere yo kugaruka mu...

Kuri uyu wa Mbere tariki 26 Ukwakira 2020, nibwo ikipe y’igihugu Amavubi...
26 October 2020 Yasuwe: 2050 0

Biravugwa ko Paul Pogba yasezeye mu ikipe y’igihugu y’Ubufaransa kubera...

Umukinnyi Paul Pogba ukina hagati mu ikipe ya Manchester United no mu ikipe...
26 October 2020 Yasuwe: 2846 0

Abantu 06 banduye Covid-19 mu Rwanda mu gihe abandi 24 bayikize

Minisiteri y’Ubuzima yatangaje ko kuri iki cyumweru tariki ya 25 Ukwakira...
25 October 2020 Yasuwe: 1052 0